भांडी घासण्याच्या साबण काही वर्षांपुर्वीपर्यंत अगदी घरोघर वापरल्या जायच्या. आता मात्र बहुतांश घरांमध्ये त्यात बदल झाला आहे. भांड्यांसाठीची साबण जाऊन त्या जागी आता लिक्विड डिशवॉश आले आहे. साबण वापरण्याचा एक फायदा म्हणजे साबणाचे कण जर भांड्याला राहिले तर ते लगेच दिसून येतात. शिवाय भांडी नीट विसळली गेली नाही तर त्याचा साबणाचा पांढरट थर भांड्यांवर दिसू लागतो. त्यामुळे मग अशी भांडी लगेच पुन्हा स्वच्छ करणं सोपं होतं. पण लिक्विड डिशवॉशच्या बाबतीत मात्र तसं होत नाही. त्याचे काही अंश जरी विसळलेल्या भांड्यांवर राहिले तरी ते दिसून येत नाहीत. त्यामुळेच भांड्यांसाठी डिशवॉश लिक्विड वापरणं अतिशय धोकादायक असून त्याचे आपल्या शरीरावर काय परिणाम होऊ शकतात, याविषयी तज्ज्ञांनी दिलेली ही खास माहिती....(Side Effects of Using Dishwash Liquid)
डिशवॉश लिक्विड वापरल्याने शरीरावर होणारे वाईट परिणाम
ऑर्थोपेडिक सर्जन डॉ. मनन वोरा यांनी सोशल मीडियावर शेअर केलेल्या माहितीनुसार डिशवॉश लिक्विड हे जणू काही एखाद्या विषारी घटकाप्रमाणे काम करतं. कारण त्यामध्ये असणारं आयसोथियाजोलिनॉन्स हे बॅक्टेरिया मारण्यासाठी जरी उपयुक्त ठरत असलं तरी त्याचा मानवी शरीरावर खूप वाईट परिणाम होतो.
रात्रीच्या जेवणासाठी करा कोकोनट राईस, उन्हाळ्यात पोटाला गारवा देणारा पदार्थ- करायलाही अगदी सोपा
जर्नल ऑफ द अमेरिकन एकेडमी ऑफ डर्मेटोलॉजी यांनीही याविषयी एक अभ्यास केला असून यामध्ये असं सांगितलं आहे की या लिक्विडचा त्रास तुमच्या त्वचेलाही होतो. त्वचा कोरडी पडणं, रॅशेस येणं, त्वचेला सतत खाज येणं असे त्रास संवेदनशील त्वचा असणाऱ्या लोकांना होऊ शकतात.
युरोपमधील सायंटिफिक कमिटी ऑन कंझ्युमर सेफ्टी यांच्या अभ्यासानुसार या लिक्विडमधले हानिकारक घटक वारंवार पोटात गेल्यास पचनाशी संबंधित आतड्यांचे गंभीर त्रासही होऊ शकतात.
शिवाय हार्मोन्सचे संतुलनही बिघडते. त्यामुळे डिशवॉश लिक्विड वापरताना खूप जास्त काळजी घेणं गरजेचं आहे. भांडी धुताना हलगर्जीपणा करू नये. तसेच वरवर भांडी न धुता व्यवस्थित चोळून धुवावी. योग्य तेवढं पाणी घेऊन स्वच्छ विसळावी.