Knee Pain in Youngsters : आता पाहिलं तर असं दिसतं की, आजारांना काही वयाचं बंधन राहिलेलं नाही. आता तुम्ही म्हणाल आजाराला कुठे वय असतं? असा प्रश्न पडणं सहाजिक आहे. पण काही अशा समस्या असतात ज्या काही वर्षांआधीपर्यंत त्या त्या वयातील लोकांनाच अधिक होत होत्या. म्हणजे हार्ट अॅटॅक किंवा हृदयरोग या समस्या आधी चाळिशी किंवा पन्नाशीनंतर होत होत्या, डायबिटीस सुद्धा वृद्धांचा आजार मानला जात होता, तसेच गुडघेदुखीची समस्या ही वृद्धांमध्ये अधिक बघितली जात होती.
पण हल्ली तरूणांमध्ये म्हणजे २० ते ३० वयोगटातील तरूणांना सुद्धा गुडघे, पाठ, मान आणि कंबरदुखीची समस्या कॉमन आहे. सकाळी झोपेतून उठल्या उठल्या त्यांना सरळ उभे राहण्यास समस्या होते किंवा हलका व्यायाम केल्यावरही त्यांच्या जॉइंट्समध्ये वेदना होतात. पण हा बदल अचानक नाही झाला. आपली बदलती लाइफस्टाईल याचं मोठं कारण आहे. अशात गुडघेदुखी किंवा जॉइंट्समध्ये वेदना होण्याची कारणे काय असतात हे समजून घेऊया.
तरूणांमध्ये सांधेदुखीची कारणे
जास्त वेळ बसून राहणे हल्लीच्या वर्किंग लाइफस्टाईलमध्ये मोबाईल आणि लॅपटॉपा वापर खूप जास्त वाढला आहे. तासंतास एकाच जागेवर बसणं आणि कमी चालण्या-फिरण्यामुळे स्नायू कमजोर होतात. जेव्हा स्नायू कमजोर होतात, तेव्हा सांध्यांवर जास्त दबाव पडतो.
चुकीचं बॉडी पोश्चर
वाकून बसणे, फोन बघताना मान खाली करणे किंवा जास्त वेळ एकाच पोजीशनमध्ये राहिल्याने मान, खांदे, पाठीचं दुखणं सुरू होतं.
चुकीचा किंवा जास्त व्यायाम
व्यायाम करणं फार गरजेचं आहे. पण व्यायाम चुकीच्या पद्धतीने केल्यास इजा होऊ शकते. वार्म-अप शिवाय जड वजन उचलणं किंवा विना ट्रेनर हेवी वर्कआउट केल्यास सांध्यांचं नुकसान होऊ शकतं.
कोणत्या लक्षणांकडे दुर्लक्ष करू
नये जर सकाळी झोपेतून उठल्यावर आखडल्यासारखं वाटत असेल, पायऱ्या चढताना-उतरताना गुडघे दुखत असतील, खांदे फिरवल्यावर कट-कट आवाज येत असेल किंवा जास्त वेळ बसल्यावर पाठ दुखत असेल किंवा हलका व्यायाम केल्यावरही सूज किंवा वेदना होत असतील तर वेळीच डॉक्टरांना दाखवा.
रोज सकाळी कमीत कमी ३० मिनिटे पायी चाला किंवा हलका व्यायाम करा. वर्कआउटआधी आणि नंतर स्ट्रेचिंग नक्की करा. असा व्यायाम करा ज्याने कोर मसल्स मजबूत होतील. सरळ बसा, स्क्रीन डोळ्यांच्या लेव्हलवर ठेवा. तसेच कामातून दर ३० ते ४० मिनिटांनी ब्रेक घ्या. वजन कंट्रोलमध्ये ठेवा, याने गुडघ्यांवर जास्त दबाव पडतो.