सकाळच्या नाश्त्याला काहीतरी चविष्ट आणि तितकेच आरोग्यदायी हवे असेल, तर 'बाजरी आणि मूग डाळीचे मुंगलेट' हा एक उत्तम पर्याय आहे. प्रथिने (Protein) आणि फायबरने भरपूर असलेला हा पदार्थ केवळ नाश्त्यासाठीच नाही, तर वेट लॉस जर्नीमध्ये हलक्या रात्रीच्या जेवणासाठीही (Light Dinner) उत्तम ठरतो.
विशेष म्हणजे, बाजरीचा वापर केल्यामुळे हे 'ग्लूटेन-फ्री' (Gluten-free) होते आणि पनीर वगळल्यास हे पूर्णपणे 'व्हेगन' (Vegan) देखील असू शकते.
साहित्य :
भिजवलेली मूग डाळ: १ कप (२-३ तास भिजवलेली)
बाजरीचे पीठ: १/२ कप
भाज्या: बारीक चिरलेला कांदा, कोबी, गाजर, सिमला मिरची आणि भरपूर कोथिंबीर.
प्रोटीन बूस्टर: १५० ग्रॅम पनीर (ऐच्छिक) किंवा चीज.
मसाले: आले, हिरवी मिरची, हळद, कश्मीरी मिरची पावडर, हिंग, मोहरी, सफेद तीळ आणि मीठ.
इतर: तेल/लोणी, ईनो (१.५ चमचा).
कृती :
१. बॅटर तयार करा:
१ कप भिजवलेली मूग डाळ घ्या. त्यातील २ चमचे डाळ बाजूला काढून ठेवा. उर्वरित डाळ मिक्सरमध्ये आले, ३-४ हिरव्या मिरच्या आणि थोडे पाणी घालून बारीक वाटून घ्या. (पाणी जास्त घालू नका, अन्यथा पीठ पातळ होईल).
२. मिश्रणात भाज्या मिसळा:
एका बाऊलमध्ये हे वाटलेले पीठ काढून घ्या. त्यात बाजूला ठेवलेली २ चमचे अख्खी मूग डाळ, १/२ कप बाजरीचे पीठ, चवीनुसार मीठ, बारीक चिरलेली कोथिंबीर, सिमला मिरची, गाजर आणि कांदा (किंवा तुमच्या आवडीच्या भाज्या) घाला.
३. मसाले आणि पनीर:
यात १/२ चमचा हळद, १ चमचा कश्मीरी मिरची पावडर आणि १५० ग्रॅम किसलेले पनीर किंवा चीज घाला. सर्व मिश्रण व्यवस्थित मिक्स करा. पिठाची कन्सिस्टन्सी (Consistency) सांभाळण्यासाठी आवश्यक असल्यास थोडे पाणी घाला.
४. फोडणी आणि कुकिंग:
मुंगलेट बनवण्यापूर्वी पिठात १.५ चमचा ईनो घाला आणि हलक्या हाताने मिक्स करा.
एका पॅनमध्ये १ चमचा तेल किंवा लोणी गरम करा. त्यात मोहरी, हिंग आणि सफेद तीळ घालून फोडणी द्या.
आता पॅनमध्ये मुंगलेटचे पीठ जाडसर पसरवा. वरून सजावटीसाठी गाजर आणि बीटचे काप (Juliennes), कोथिंबीर, तीळ आणि थोडे पनीर टाका.
५. वाफवून घ्या:
मध्यम आचेवर दोन्ही बाजूंनी सोनेरी रंग येईपर्यंत मुंगलेट छान भाजून घ्या.
या रेसिपीचे फायदे:
हाय प्रोटीन: मूग डाळ आणि पनीरमुळे शरीराला भरपूर प्रथिने मिळतात.
बाजरीचे गुणधर्म: बाजरी पचायला हलकी आणि लोहाचा उत्तम स्रोत आहे.
वेट लॉससाठी उत्तम: हे मुंगलेट खाल्ल्याने बराच वेळ पोट भरलेले राहते, ज्यामुळे भूक कमी लागते. पाहा प्रत्यक्ष कृतीचा व्हिडिओ -