नेहमीच्या चहाची सर कशाला नाही पण उन्हाळ्यात प्या ४ वाजता ४ खास चहा, ग्रीन टीसारखे कडू नाही चविष्ट

Try these 4 tea options - tasty and healthy than regular tea : चहाऐवजी प्या ४ पेयं. चवीला मस्त आणि पौष्टिक.

असं म्हणतात, चहाला वेळ नाही पण वेळेला चहा हवाच, खरच चहा म्हणजे व्यसनच आहे. काही लोकांची चहाची वेळ उलटून गेली आणि चहा मिळाला नाही तर, चिडचिड व्हायला लागते. भारताच्या प्रत्येक प्रदेशाची भोजन पद्धती भिन्न आहे. प्रत्येक प्रदेशाच्याच काय तर, गावोगावी अन्नात वैविध्य आढळून येते. (Try these 4 tea options - tasty and healthy than regular tea)मात्र संध्याकाळी चारच्या ठोक्याला  प्रत्येक घरातून चहाचा सुगंध घुमायला लागतो. पण एवढा चहा पिणे शरीरासाठी चांगले नाही. चहाला 'स्लोकीलर' किंवा 'विष' असं डॉक्टर म्हणतात. पण 'दिल है के मानता नही'. चहा हवाच. मी ग्रीन टी न आवडणाऱ्यांनी हे ४ प्रकारचे चहा पिऊन पाहण्यात काहीच हरकत नाही. 

१. आले-लिंबाचा चहाआले-लिंबाचा चहा जर तुम्ही वजन कमी करण्याच्या प्रयत्नात आहात, तर नक्कीच चांगला. चहाची तलपही घालवतो आणि फ्रेश होण्यातही मदत करतो. १.आलं घालून पाणी उकळून घ्या. त्यात चहाची पात, तुळशीची पाने आणि थोडी चहा पावडर घाला. अति घातली की तो कडू होतो. २. चहा पावडर घातल्यावर जास्त उकळू नका. ३. कपात मध घ्या. त्यात चहा गाळून घ्या. आणि प्या.

२. जास्वंदाचा चहामान्य आहे याला चहा म्हणू शकत नाही. पण एकदा पिऊन बघा नक्की आवडेल. जास्वंदाचे फुल फार औषधी असते. १. जास्वंदाची फुले स्वच्छ धुवून घ्या. २. पाण्यात घालून उकळा. पाण्याचा रंग लाल होऊ द्या. ३. एका कपात मध घ्या. त्यात लिंबू पिळा आणि मग चहा गाळून ओता. ४. गरम गरम प्या. 

३. ब्लॅक कॉफी ब्लॅक कॉफी शरीरासाठी चांगली. तिच्यात हानिकारक असे काही  नाही. बरेच जण ब्लॅक कॉफी पिताना दिसतात. शरीरातील ऊर्जा वाढवण्यासाठी अशी कॉफी चांगली.१. गरम पाणी करून त्यात कॉफी घाला. गाळा आणि प्या. 

४. गोकर्णाचा चहागोकर्णाच्या फुलांपासून चहा पावडर तयार करून ती ब्लू टी म्हणून बाजारात महाग विकली जाते. पण हे गोकर्ण आपल्या भारतातल्या गावागावात सापडतं.१. गोकर्णाची फुले धुवून घ्या.२. पाण्यात उकळून घ्या. पाणी निळे होईपर्यंत उकळा. हे फुल कडू वगैरे लागत नाही.३. त्यात हवं तर थोडं मध घाला आणि प्या.