मकर संक्रांतीच्या दिवशीच्या आधीचा दिवस म्हणजे भाेगी. भोगीच्या दिवशी खिचडी, तीळ लावून केलेल्या भाकरी असे पदार्थ तर केले जातातच. पण या दिवशीची भाजीही खूप खास असते. आपली पारंपरिक मिक्स व्हेज असं तिला म्हटलं तरी चालेल. कारण या दिवसांत मिळणाऱ्या सगळ्या ताज्या ताज्या भाज्या एकत्र करून भोगीची भाजी केली जाते. त्यामुळे ती खूप चवदार तर होतेच, पण शिवाय खूप पौष्टिकही असते (how to make sankranti bhogi special bhaji?). आता भाजीची पौष्टिकता आणि चव जपत अगदी सोप्या पद्धतीने भोगीची भाजी कशी करायची ते पाहूया..(Makar Sankranti 2026 special bhogichi bhaji recipe)
संक्रांत स्पेशल भोगीची भाजी करण्याची रेसिपी
साहित्य
१ वाटी मटार, पाव वाटी कोवळे हरबरे
पाव वाटी ताजी तूर, पाव वाटी वालाच्या शेंगा
अर्धी वाटी गाजराचे तुकडे आणि ५ ते ६ बोरं
Bhogi Festival 2026: खेंगट, बाजरीची भाकरी आणि लोणी; संक्रांतीच्या आधी भोगी का महत्त्वाची?
एक वांगं, बटाटा, आणि टोमॅटो
२ चमचे तीळ आणि २ चमचे शेंगदाणे
धने आणि जीरे पूड आणि चवीनुसार तिखट मीठ
२ ते ३ हिरव्या मिरच्या आणि थोडी बारीक चिरलेली कोथिंबीर
कृती
गॅसवर कढई गरम करायला ठेवा आणि तिच्यामध्ये तीळ, शेंगदाणे घालून थोडेसे भाजून घ्या. यानंतर हिरव्या मिरच्या घालून त्या ही भाजून घ्या. आता हे पदार्थ थंड होऊ द्या आणि त्यानंतर मिक्सरमध्ये घालून बारीक वाटून घ्या. टोमॅटोची प्युरीही करून घ्या.
तिळगुळाच्या पोळ्या लाटताना फुटतात, चवदार होत नाहीत? घ्या खमंग खुसखुशीत पोळीची सोपी रेसिपी
यानंतर कढईमध्ये तेल घालून फोडणी करून घ्या. त्यामध्ये वाटाणे, तुरीचे दाणे, बटाटा, गाजराचे तुकडे, बोरं, वालाच्या शेंगा असं सगळं परतून घ्या. त्यानंतर त्यामध्ये शेंगदाणे आणि तिळाचं वाटण घालून परतून घ्यावे. यानंतर सगळ्यात शेवटी टोमॅटोची प्युरी, चवीनुसार लाल तिखट आणि मीठ घालून कढईवर झाकण ठेवून वाफ येऊ द्यावी. गरमागरम, चवदार भोगीची भाजी तयार..