सफरचंद हे सहज मिळणारे, चवदार आणि पोषणमूल्यांनी भरपूर असे फळ आहे. मात्र फक्त सफरचंद खाल्ले म्हणजे त्याचे सर्व फायदे मिळतात असे नाही, तर ते योग्य पद्धतीने खाल्ले तरच शरीराला त्याचा पूर्ण लाभ होतो. रोजच्या आहारात सफरचंदाचा समावेश कसा करावा आणि त्याचे फायदे काय आहेत हे जाणून घेणे महत्त्वाचे आहे. (Do you know the correct way to eat apples? These mistakes prevent you from getting complete nutrition, keep these simple tips in mind)मात्र मीठ लाऊन किंवा साखर लावलेले सफरचंद न खाता ते कसे खावे हे जाणून घ्या.
सफरचंद खाण्याची योग्य पद्धत पाहिली तर सर्वात आधी ते नीट स्वच्छ धुणे गरजेचे आहे. सफरचंदाच्या सालीवर कीटकनाशकांचे अंश, धूळ आणि जंतू असू शकतात, त्यामुळे स्वच्छ पाण्याखाली चोळून धुवावे. शक्य असल्यास मीठ किंवा व्हिनेगर घातलेल्या पाण्यात काही मिनिटे ठेवून मग धुतले तरी चांगले. सफरचंद सोलून खाण्यापेक्षा सालासकट खाणे अधिक फायदेशीर ठरते, कारण सालात फायबर आणि अँटी ऑक्सिडंट्स भरपूर प्रमाणात असतात. सकाळी उपाशीपोटी किंवा नाश्त्यानंतर सफरचंद खाल्ल्यास पचनशक्ती चांगली राहते. जेवणानंतर लगेच सफरचंद खाणे टाळावे, कारण त्यामुळे पचन मंदावू शकते आणि पोट फुगण्याचा त्रास होऊ शकतो. सफरचंद चावून, हळूहळू खाल्ल्यास त्यातील पोषणद्रव्ये शरीराला चांगल्या प्रकारे मिळतात. लहान मुलांना किंवा ज्येष्ठांना थेट खाणे अवघड जात असेल तर सफरचंदाचे छोटे तुकडे करून, वाफवून किंवा स्मूदी स्वरुपात देता येते.
सफरचंद खाण्याचे फायदे अनेक आहेत. सफरचंदात असलेले फायबर पचनक्रिया सुधारण्यास मदत करते आणि बद्धकोष्ठतेचा त्रास कमी करते. नियमित सफरचंद खाल्ल्याने पोट भरल्यासारखे वाटते, त्यामुळे अनावश्यक खाणे टळते आणि वजन नियंत्रणात राहण्यास मदत होते. सफरचंदात असलेले अँटी ऑक्सिडंट्स शरीरातील घातक घटक कमी करतात आणि रोगप्रतिकारशक्ती वाढवतात. हृदयाच्या आरोग्यासाठीही सफरचंद उपयुक्त आहे, कारण ते कोलेस्टेरॉलची पातळी संतुलित ठेवण्यास मदत करते. मधुमेह असलेल्या व्यक्तींनीही योग्य प्रमाणात सफरचंद खाल्ल्यास रक्तातील साखरेची पातळी नियंत्रित राहण्यास मदत होते. सफरचंदातील जीवनसत्वे आणि खनिजे त्वचा निरोगी ठेवण्यास तसेच केस मजबूत करण्यास उपयुक्त ठरतात.
एकंदरीत पाहता, सफरचंद हे रोजच्या आहारात सहज समाविष्ट करता येणारे आणि अनेक आरोग्यदायी फायदे देणारे फळ आहे. योग्य पद्धतीने आणि योग्य वेळेला सफरचंद खाल्ले तर त्याचा लाभ केवळ पोटापुरता मर्यादित न राहता संपूर्ण शरीराला मिळतो. शिवाय ते बाधत नाही. सगळ्यांसाठी चांगले असते.