Backward Running Benefits : वजन कमी करणं असो वा एकंदर आरोग्य चांगलं ठेवणं असो धावण्याला खूप जास्त प्राधान्य दिलं जातं. नेहमीच धावल्यानं आरोग्यासंबंधी अनेक समस्या दूर होत असल्याचं नेहमीच एक्सपर्ट सांगत असतात. हा एक सोपा आणि परिपूर्ण असा व्यायाम मानला जातो. जास्तीत जास्त लोक रोज सकाळी आणि सायंकाळी धावायला जातात. धावण्याच्या वेगवेगळ्या पद्धती सुद्धा लोक फॉलो करतात. सामान्यपणे जास्तीत जास्त लोक धावतात. मात्र एका शोधातून समोर आलं आहे की, उलटं धावल्यानं वजन कमी करण्यास अधिक फायदा होतो.
धावण्याच्या पद्धतीसंबंधी करण्यात आलेल्या या रिसर्चमध्ये 26 महिलांना सहभागी करून घेण्यात आलं होतं. या महिलांना जवळपास 6 आठवडे उलटं धावायला सांगण्यात आलं. यात ज्या महिला दररोज 15 ते 45 मिनिटं सरळऐवजी उलटं धावत होत्या, त्या महिलांचं वजन 2.5 टक्के कमी झाल्याचं आढळलं. यूनिर्व्हर्सिटी ऑफ मिलान आणि कराडिफ यूनिव्हर्सिटीच्या काही अभ्यासकांचं म्हणनं आहे की, उलटं धावल्यानं गुडघ्याची समस्याही कमी होते.
उलटं धावल्यानं काय होतं?
सरळ धावताना तुम्ही कंबर वाकवू शकता. यानं तुम्हाला मान आणि पाठीचं दुखणं यांसारख्या समस्यांचा सामना करावा लागू शकतो. त्याऐवजी उलटं धावण्यासाठी तुम्हाला जास्त ताठ रहावं लागतं आणि हीच स्थिती धावताना तुम्ही कायम ठेवता. रोज धावणाऱ्यांचा मूड नेहमी चांगला राहतो. असे लोक दिवसभर खूप मेहनत करुनही फ्रेश दिसतात.
शोधानुसार, उलटं धावल्यानं तुम्ही तुमचं वजन लवकर कमी करु शकता. कारण उलटं धावल्याने तुमच्या 20 टक्के कॅलरी जास्त बर्न होतात. धावणं ही सर्वात चांगली एक्सरसाइज मानली जाते. याने हृदयरोगांचाही धोका टाळता येऊ शकतो, असं वेगवेगळ्या शोधात सांगण्यात आलं आहे. तणावपूर्ण वातावरणात काम केल्यानंतर थोडं धावायला गेलात तुम्हाला फ्रेश वाटेल.
उलटं धावण्यासाठी तुम्हाला जास्त मेहनत करावी लागते, म्हणून याने तुमच्या शरीराची क्षमताही वाढते. त्यासोबच सरळ धावल्याने तुमच्या मेंदूचं लक्ष आजूबाजूला जाऊ शकतं. पण उलटं धावत असल्याने तुमचा मेंदू त्यातच गुंतलेला असतो. त्यामुळे तुमची एकाग्रताही वाढते.
मेडिसन अ‍ॅंड सायन्स इन स्पोर्ट्स अ‍ॅंड एक्सरसाइजच्या एका रिपोर्टमध्ये, दररोज जॉगिंग करणाऱ्या 1 लाख लोकांवर करण्यात आलेल्या अभ्यासानुसार, जे दररोज 26.6 किमी चालतात, त्यांना अर्थारायटिसचा धोका कमी होतो.
ब्रिटनमध्ये उलट्या दिशेने धावण्याची स्पर्धा आयोजित करणारे जेम्स बाम्बर सांगतात की, अशाप्रकारे धावण्याचे अनेक फायदे आहेत. उलटं धावण्यासाठी तुम्ही पायाच्या दुसऱ्या टोकावर जास्त भार दिला जातो. त्यामुळे तळपाय आणखी मजबूत होतात. तसेच शरीराची बांधाही सरळ होतो. बाम्बर यांच्यानुसरा, उलटं धावणाऱ्यांना एका निर्धारित अंतरापर्यंत धावल्यावर जो फायदा होतो, तो सामान्यपणे धावणाऱ्यांच्या कितीतरी जास्त असतो.