Mumbai Local Update: कसाऱ्यातील पॉवर ब्लॉकमुळे लोकल सेवेला बसणार फटका 

पूर्वतयारीसाठी कसारा (इगतपुरी-खर्डी सेक्शन) येथे विशेष ट्रॅफिक आणि पॉवर ब्लॉक घेण्यात येणार आहे. या ब्लॉकचा मेल आणि एक्स्प्रेस गाड्यांवर कोणताही परिणाम होणार नाही.

मुंबई : मध्य रेल्वेतर्फे ओव्हरहेड इक्विपमेंट कामासाठी अडथळा दूर करण्याच्या पूर्वतयारीसाठी कसारा (इगतपुरी-खर्डी सेक्शन) येथे विशेष ट्रॅफिक आणि पॉवर ब्लॉक घेण्यात येणार आहे. या ब्लॉकचा मेल आणि एक्स्प्रेस गाड्यांवर कोणताही परिणाम होणार नाही. मात्र, लोकल सेवेला याचा फटका बसणार आहे.

१२ व १३ मे रोजी १५:५० ते १७:५० वाजेपर्यंत रोज २ तासांचा ब्लॉक असेल, तर  १४ ते १६ मे रोजी मध्यरात्री ३ ते ५ ब्लॉक असणार आहे. इगतपुरी - कसारा विभागातील दोन्ही लाइन्सवर हा ब्लॉक घेतला जाईल. 

ब्लॉकवरील कालावधीत या मार्गावर उपनगरीय सेवा धावणार नाहीत. १२ मे आणि १३ मे रोजी सीएसएमटी येथून १३:१०, १४:१७ आणि १४:४६ वाजता सुटणाऱ्या कसारा लोकल आसनगावपर्यंत धावतील. 

कसारा - सीएसएमटी लोकल आसनगाव येथून सुटतील. यात कसारा येथून १५:३५ वा. सुटणारी ट्रेन आसनगाव येथून १६:१२ वा. सुटेल. कसारा येथून १६:१६ वाजता सुटणारी गाडी आसनगाव येथून १६:५४ वाजता सुटेल. कसारा येथून १७:०२ वा. सुटणारी ट्रेन आसनगाव येथून १७:३९ वाजता सुटणार आहे.