Manoj Jarange Patil Maratha Morcha Live: सर्व मागण्या मान्य; मनोज जरांगे पाटील यांनी अखेर आपले उपोषण सोडले

Manoj Jarange Patil Uposhan Morcha Live: २९ ऑगस्ट रोजी मुंबईत सुरू झालेले मनोज जरांगे पाटील यांचे आंदोलन अद्यापही सुरू आहे. मराठा समाजाला आरक्षण मिळावे, यासह अन्य अनेक मागण्यांसाठी मनोज जरांगे पाटील यांनी मुंबईत येऊन उपोषण सुरू केले आहे.

Manoj Jarange Patil Protest For Maratha Reservation In Mumbai: २९ ऑगस्ट रोजी मुंबईत सुरू झालेले मनोज जरांगे पाटील यांचे आंदोलन अद्यापही सुरू आहे. मराठा समाजाला आरक्षण मिळावे, यासह अन्य अनेक मागण्यांसाठी मनोज जरांगे पाटील यांनी मुंबईत येऊन उपोषण सुरू केले आहे. आंदोलनाची धार तीव्र झालेली पाहायला मिळत आहे. हजारो मराठा आंदोलकांमुळे सीएसएमटीसह अनेक भागातील रस्ते ठप्प झाले. वाहतूक कोंडी मोठ्या प्रमाणावर झाली. मुंबईकर, प्रवासी, नोकरदारांना यामुळे अनेक समस्यांचा सामना करावा लागला. या सर्व घडामोडींच्या पार्श्वभूमीवर मुख्यमंत्री देवेंद्र फडणवीस यांनी एक महत्त्वाची बैठकही घेतली. यासंदर्भात मुंबई उच्च न्यायालयात तातडीची सुनावणी झाली. या सुनावणीत मुंबई उच्च न्यायालयाने महत्त्वाचे निर्देश दिले. पाहा, मनोज जरांगे यांच्या मराठा आरक्षणाच्या आंदोलनाचे Live Updates...

LIVE

Get Latest Updates

02 Sep, 25 : 06:47 PM

02 Sep, 25 : 06:07 PM

सरकारचा जीआर स्वीकारल्यानंतर अखेर मनोज जरांगे पाटलांनी आपले उपोषण सोडले आहे.

02 Sep, 25 : 05:57 PM

02 Sep, 25 : 05:55 PM

सरकारचा मसुदा जरांगे पाटलांना मान्य

सरकारने तयार केलेला मसुदा मनोज जरांगे पाटील आणि त्यांच्यासोबत असलेल्या अभ्यासकांनाही मान्य आहे.

02 Sep, 25 : 04:51 PM

सरकारने तयार केलेला मसुदा मनोज जरांगे पाटील आणि त्यांच्यासोबत असलेल्या अभ्यासकांनाही मान्य आहे.

02 Sep, 25 : 04:34 PM

जीआर काढल्यानंतर गुलाल उधळतो: मनोज जरांगे

02 Sep, 25 : 04:21 PM

तुमच्या ताकदीवर आपण जिंकलो. मागण्या मान्य झाल्या की, सगळे मराठे आनंद व्यक्त करत मुंबईच्या बाहेर पडतील: मनोज जरांगे पाटील

02 Sep, 25 : 04:20 PM

एक तासात सर्व जीआर काढा आणि आमच्याकडे घेऊन या, त्यानंतर अंतिम निर्णय सांगू: मनोज जरांगे पाटील

02 Sep, 25 : 04:19 PM

सरकारने एकूण ३ जीआर काढावेत. सातारा, हैदराबाद गॅझेटियरचा वेगवेगळा जीआर आणि आमच्या इतर मागण्यांचा वेगळा जीआर काढावा: मनोज जरांगे पाटील

02 Sep, 25 : 04:12 PM

मराठा-कुणबी एकच असल्याचा जीआर काढण्यासाठी २ महिन्याचा वेळ लागेल; राज्य सरकारच्या शिष्टमंडळाने मनोज जरांगेना सांगितले

02 Sep, 25 : 04:10 PM

२ मागण्या सोडून सर्व मागण्याचा जीआर काढण्यास सरकार तयार: मनोज जरांगे पाटील

02 Sep, 25 : 04:09 PM

सगेसोयरे यासंदर्भात ८ लाख हरकती आल्या आहेत. त्याची छाननी होण्यासाठी वेळ लागणार, असे सरकारचे म्हणणे आहे: मनोज जरांगे पाटील

02 Sep, 25 : 04:07 PM

न्यायमूर्ती शिंदे समितीचे नोंदी शोधायचे काम सुरूच राहिले पाहिजे. शिंदे समितीला कायमस्वरुपी कार्यालय द्यावे, मनोज जरांगेंची मागणी

02 Sep, 25 : 04:06 PM

जात प्रमाणपत्रांबाबत तातडीने निर्णय घ्यावे, मनोज जरांगे यांची मागणी; दर सोमवारी बैठका घेऊन याबाबत कार्यवाही करू, जिल्हाधिकाऱ्यांना आदेश देऊ: राधाकृष्ण विखे-पाटील

02 Sep, 25 : 04:01 PM

मराठा आंदोलनासाठी बलिदान दिलेल्यांच्या वारसांंना शैक्षणिक पात्रतेनुसार नोकरी द्यावी; मनोज जरांगे पाटील यांची राज्य सरकारच्या शिष्टमंडळाकडे मागणी

02 Sep, 25 : 04:01 PM

मराठा आंदोलनामध्ये ज्यांनी बलिदान दिले, त्यांच्या कुटुंबियांना आतापर्यंत १५ कोटींची मदत दिली. उर्वरित मदत एका आठवड्यात देणार, असे आश्वासन सरकारने दिले: मनोज जरांगे पाटील

02 Sep, 25 : 03:58 PM

३० सप्टेंबरपर्यंत मराठा आंदोलकांवरील सगळे गुन्हे मागे घेण्याचे सरकारने लेखी दिले आहे. याला जीआर म्हणायचा ना राधाकृष्ण विखे पाटील? मनोज जरांगे

02 Sep, 25 : 03:56 PM

सातारा गॅझेटियरला १५ दिवसांत मान्यता देण्यास मंत्रिमंडळ उपसमिती तयार: मनोज जरांगे पाटील

02 Sep, 25 : 03:55 PM

एका महिन्यात सातारा गॅझेटियर लागू करा; मनोज जरांगे पाटील यांची राज्य सरकारच्या शिष्टमंडळाकडे मागणी

02 Sep, 25 : 03:54 PM

हैदराबात गॅझेटियरला मान्यता देण्यास मंत्रिमंडळ उपसमिती तयार: मनोज जरांगे पाटील

02 Sep, 25 : 03:53 PM

मुंबई उच्च न्यायालयातील सुनावणी उद्यापर्यंत तहकूब

सुनावणी उद्यापर्यंत तहकूब केली. जरांगे यांच्या वकिलांनी आंदोलकांना मुंबई सोडण्याबाबत अपील केल्याची माहिती न्यायालयाला दिली. ५००० पेक्षा जास्त आंदोलक मुंबईत थांबल्यास आंदोलकांना मुंबईत येण्यास प्रवृत्त केल्याबद्दल जरांगे यांना जबाबदार धरेल जाईल. तसेच न्यायालयाचा अवमान केल्यास  हे न्यायालय त्या आदेशाचा मन राखण्यासाठी कठोर कारवाई करेल. अवमान सहन करणार नाही, अशा कडक शब्दांत न्यायालयाने जरांगे आणि आंदोलकांना सुनावले.

02 Sep, 25 : 03:53 PM

आपल्या मागण्या लेखी पद्धतीने राज्य सरकारकडे सादर केल्या होत्या. एक तासाचा वेळ देण्यात आली आहे. हैदराबाद गॅझेटचा मुद्दा मान्य झाला की शासन जीआर काढणार: मनोज जरांगे पाटील

02 Sep, 25 : 03:40 PM

सरकारचे शिष्टमंडळ मनोज जरांगेंच्या भेटीला

राज्य सरकारचे शिष्टमंडळ मनोज जरांगे पाटील यांच्या भेटीला आझाद मैदानात. शिष्टमंडळात मंत्री राधाकृष्ण विखे पाटील, जयकुमार गोरे, शिवेंद्रराजे भोसले, माणिकराव कोकाटे आणि आमदार राणा जगजीत सिंग यांचा समावेश.. सरकारने दिलेल्या अंतिम मसुद्यावर चर्चा सुरू...

02 Sep, 25 : 03:31 PM

मराठा आंदोलकांनी राज्य सरकारला धरले जबाबदार

आझाद मैदान आंदोलनासाठी आहे. ५ हजार आंदोलकांना परवानगी दिली होती. आम्ही दोनवेळा अर्ज केले होते. आम्ही सरकारला सहकार्य करण्यास तयार आहोत. सरकारने आम्हाला वाहने लावण्यासाठी जागा दिली नाही. शांतता राखण्याचे आवाहन मनोज जरांगे पाटील यांनी आंदोलकांना केले आहे, अशी माहिती देताना सतीश मानेशिंदे यांनी सरकारलाही या गैरसोयींबाबत जबाबदार धरले. 

02 Sep, 25 : 03:25 PM

तुम्हाला सोयी नव्हत्या, तर २४ तासांत कोर्टात का आला नाहीत, हायकोर्टाचा आंदोलकांना सवाल.

02 Sep, 25 : 03:24 PM

५० हजार आंदोलक मुंबईत येईपर्यंत तुम्ही काय करत होता; हायकोर्टाने राज्य सरकारला फटकारले

तुम्ही आधीच कोर्टात यायला हवे होते. ५ हजाराची परवानगी होती, पण ५० हजार आंदोलक मुंबईत येईपर्यंत काय करत होता; हायकोर्टाने राज्य सरकारला सुनावले.

02 Sep, 25 : 03:20 PM

मनोज जरांगे यांच्याकडून मुंबई हायकोर्टात प्रतिज्ञापत्र सादर

आझाद मैदान परिसरातील वाहने हटवण्यास सुरुवात झाली आहे. मनोज जरांगे यांनी आंदोलकांना तसे करण्यास सांगितले आहेत. काही आंदोलक ऐकत आहेत, काही जण ऐकत नाहीत. आंदोलनाच्या ठिकाणी माहिती देणारी यंत्रणा लावली आहे. बॅनर लावले आहेत. घोषणा केल्या आहेत. त्यामुळे तेथील गर्दी आता कमी होत आहे, अशी माहिती मराठा आंदोलकांच्या वतीने मानेशिंदे यांनी हायकोर्टाला देण्यात आली. यावेळी मनोज जरांगे पाटील यांच्याकडून एक प्रतिज्ञापत्र सादर करण्यात आल्याची माहिती मिळाली आहे.

02 Sep, 25 : 03:13 PM

तुम्ही सतत नियमांचे उल्लंघन करत आहात; हायकोर्टाने आंदोलकांना खडसावले

02 Sep, 25 : 03:12 PM

मुदत वाढवून द्यावी, मराठा आंदोलकांची हायकोर्टाला विनंती

आतापर्यंत ५४ मोर्चे शांततेत निघाले. आझाद मैदानात अद्यापही आंदोलक आहेत. त्यामुळे उद्यापर्यंत वेळ वाढवून द्यावी, अशी विनंती मराठा आंदोलकांच्या वतीने मुंबई हायकोर्टाला करण्यात आली आहे.

02 Sep, 25 : 03:09 PM

तुम्ही कोणत्या अधिकारात तिथे बसला आहात; हायकोर्टाचा सवाल

आदेशांचे पालन करा. तुम्ही कोणत्या अधिकारात तिथे बसलेले आहात. आझाद मैदानात थांबवू शकत नाही. आंदोलकांनी आझाद मैदान सोडून दुसरीकडे जावे, असे हायकोर्टाने स्पष्ट केले आहे.

02 Sep, 25 : 03:07 PM

हायकोर्टात पुन्हा सुनावणीला सुरुवात

मुंबई हायकोर्टात मनोज जरांगे पाटील यांच्या विरोधातील याचिकांवर पुन्हा सुनावणीला सुरुवात झाली आहे. आझाद मैदान परिसरातील वाहने काढल्याची माहिती मराठा आंदोलकांचे वकील मानेशिंदे यांनी हायकोर्टाला दिली.

02 Sep, 25 : 03:06 PM

मराठा आरक्षण आंदोलनः अंतिम मसुदा तयार, मनोज जरांगेंशी चर्चा करणार: विखे-पाटील

02 Sep, 25 : 03:05 PM

हायकोर्टाच्या निर्देशाप्रमाणे कार्यवाही होईलः विखे-पाटील

02 Sep, 25 : 02:56 PM

राधाकृष्ण विखे-पाटील अन् शिवेंद्रराजे भोसले घेणार मनोज जरांगे यांची भेट

मंत्रिमंडळ उपसमितीचे अध्यक्ष राधाकृष्ण विखे-पाटील, माणिकराव कोकाटे, भाजपा मंत्री शिवेंद्रराजे भोसले यांच्यासह संबंधित विभागाचे सचिव थोड्याच वेळात मनोज जरांगे यांची भेट घेण्यासाठी आझाद मैदानात जाणार आहेत. राज्य सरकारकडून जो मसुदा तयार केला आहे, तो मनोज जरांगे पाटील यांना दिला. यासंदर्भात ही भेट होणार आहे.

02 Sep, 25 : 02:50 PM

हायकोर्टाच्या निर्णयाचा आदर; परंतु, आझाद मैदान सोडणार नाही: मनोज जरांगे पाटील

सहा कोटी मराठा बांधवांचा हायकोर्टाने विचार करावा. मराठा आंदोलक गाव-खेड्यातून आलेले आहेत. मुंबईतील वातावरणाशी जुळवून घ्यायला वेळ लागत आहे, अशी प्रतिक्रिया मराठा आंदोलकांनी दिली. तसेच हायकोर्टाच्या निर्णयाचा आदर आहे, परंतु, आझाद मैदान सोडणार नाही, अशी ठाम भूमिका मनोज जरांगे पाटील यांनी घेतली असल्याचेही मराठा आंदोलकांकडून सांगण्यात आले आहे.

02 Sep, 25 : 02:39 PM

मराठा आंदोलकांच्या गाड्या पार्क करण्यासाठी मनपाने जागा उपलब्ध करुन द्यावी: सकल मराठा समाज

मनोज जरांगे पाटील यांच्या उपोषणाचा आजचा पाचवा दिवस असून, कोर्टाने दिलेल्या आदेशानुसार आंदोलकांनी मुंबईत आणलेल्या आपल्या गाड्या क्रॉस मैदानावर पार्क केल्या आहेत. आंदोलकांच्या गाड्यांना मुंबईत परवानगी दिली नसल्यामुळे येणाऱ्या आंदोलकांच्या गाड्या पार्क करण्यासाठी नवी मुंबई, पनवेल व उलवे मनपा हद्दीमध्ये जागा उपलब्ध करून द्यावी, तसेच महाराष्ट्रातील मराठा बांधवानी आता आम्हाला तयार केलेले जेवण पाठवू नये कारण सिडको एक्सिबिशन सेंटरमध्ये ३ लाख भाकरी, चपात्या तसेच ठेचा, लोणचे वगैरे आधीच आहेत. त्यामुळे सर्वांनी गहू, तांदूळ पाठवण्याचे आवाहन करण्यात आले आहे. याठिकाणी आलेल्या आंदोलकांसाठी मनपा व सिडकोकडून राहण्याची, अंघोळीची व्यवसहित व्यवस्था करण्यात आली आहे. मात्र, नवी मुंबई मनपाकडून कोणतीही आरोग्य व्यवस्था करण्यात आलेली नाही, अशी नाराजी विनोद पोखरकर, संयोजक, सकल मराठा समाज, नवी मुंबई यांनी व्यक्त केली.

02 Sep, 25 : 02:33 PM

आझाद मैदान परिसरात काही आंदोलकांनी वाट अडवून ठेवली आहे. पोलिसांकडून अतिरिक्त कुमक मागवून त्यांना हटवण्याचे प्रयत्न सुरू आहे.

02 Sep, 25 : 02:14 PM

आझाद मैदानातून हटणार नाही, जरांगेंचा सरकारला इशारा काय?

02 Sep, 25 : 02:12 PM

मंत्रिमंडळ उपसमितीची बैठक संपली, मसुदा मनोज जरांगेंना पाठवला

गेल्या दोन दिवसांपासून मराठा आरक्षणप्रश्नी मंत्रिमंडळ उपसमितीची बैठक होत होती. आजची बैठक संपली असून, मराठा आरक्षणाच्या संदर्भात एक मसुदा मनोज जरांगे यांना पाठवण्यात आल्याची माहिती मिळाली आहे. 

02 Sep, 25 : 02:01 PM

आम्ही आझाद मैदान सोडणार नाही; हायकोर्टाच्या निर्देशांनंतरही मराठा आंदोलक ठाम

दुपारी ३ पर्यंत आझाद मैदान रिकामे करण्याचे निर्देश मुंबई हायकोर्टाने दिले असले तरी आझाद मैदान सोडणार नसल्याची ठाम भूमिका मराठा आंदोलकांनी घेतली आहे. आमच्या मागण्या पूर्ण झाल्या पाहिजेत. आरक्षण घेतल्याशिवाय जाणार नाही. प्रसंगी आम्ही जेलमध्ये जायला तयार आहोत. मनोज जरांगे पाटील यांचे आदेश येईपर्यंत आम्ही कुठेही जाणार नाही, असेही आंदोलकांचे म्हणणे आहे.

02 Sep, 25 : 01:36 PM

मुंबई हायकोर्टातील सुनावणी थांबली, आता दुपारी ३ वाजता पुन्हा सुनावणी घेतली जाणार.

02 Sep, 25 : 01:28 PM

आंदोलकांनी बेकायदेशीर कृत्य केले, त्यांना येथे थांबण्याचा अधिकार नाही: हायकोर्ट

आंदोलकांनी बेकायदेशीर कृत्य केले आहे त्यामुळे त्यांना येथे थांबण्याचा अधिकार नाही. त्यांना तातडीने शहर सोडण्यास सांगा. मनोज जरांगे यांनी मुंबईत येण्यापूर्वी केवळ पाच हजार लोक मुंबईत येतील, याची खात्री करण्यासाठी काय केले? आता सर्व आंदोलक  परत जातील , यासाठी काय करणार? हायकोर्टाचा सवाल, फक्त ५००० लोक थांबवा. गाडी नंबर द्या, असे निर्देश.

02 Sep, 25 : 01:23 PM

सर्व पूर्ववत होईल, यासाठी सरकारने काय पावले उचलली? हायकोर्टाचा सवाल

सर्व पूर्ववत होईल, यासाठी सरकारने काय पावले उचलली? सरकारने बंदोबस्त व्यवस्थित केला नव्हता. मी स्वतः विमानतळावरून घरी येताना कुठेच बंदोबस्त पहिला नाही, असे मुख्य न्यायमूर्तींनी सरकारला सुनावताना म्हटले.

02 Sep, 25 : 01:21 PM

गरज भासल्यास स्वतः रस्त्यावर जाऊ; मराठा आंदोलकांवर हायकोर्ट संतापले

न्यायमूर्तींना चालत उच्च न्यायालयात यावे लागते. संपूर्ण शहराची गैरसोय केलीत. ३ वाजेपर्यंत संपूर्ण शहर पूर्ववत करा अन्यथा कडक कारवाई करू. गरज भासल्यास स्वतः रस्त्यावर जाऊ, हायकोर्टाची संतप्त प्रतिक्रिया

02 Sep, 25 : 01:17 PM

आंदोलकांकडून त्रास झाला असेल तर माफी मागतो: मानेशिंदे

मुंबईकरांना शांततेत राहू द्या. आम्हाला ३ वाजेपर्यंत सगळे सुरळीत हवे आहे, असे मुंबई हायकोर्टाने म्हटले आहे. यावर, मराठा आंदोलकांकडून त्रास झाला असेल, तर माफी मागतो, असे मानेशिंदे यांनी म्हटले आहे.

02 Sep, 25 : 01:14 PM

आंदोलकांकडे कोणतीही परवानगी नाही, दुपारी ३ पर्यंत जागा रिकामी करा: मुंबई हायकोर्ट

मराठा आंदोलकांकडे कोणतीही परवानगी नसल्याने तत्काळ जागा रिकामी करावी. दुपारी ३ वाजेपर्यंतची मुदत. तोपर्यंत सगळी माहिती द्यावी. अन्यथा कोर्टाचा अवमान समजून कायदेशीर कारवाई करू, असे स्पष्ट निर्देश मुंबई हायकोर्टाने दिले.

02 Sep, 25 : 01:10 PM

मराठा आंदोलनकांसाठी कोणतीही सोय करण्यात आलेली नाही: मानेशिंदे

मराठा आंदोलकांसाठी कोणतीही सोय करण्यात आली नाही, ही बाब मराठा आंदोलकांच्या वतीने ज्येष्ठ विधिज्ञ मानेशिंदे यांनी मुंबई हायकोर्टाच्या निरीक्षणास आणून दिली.

02 Sep, 25 : 01:08 PM

मराठा आंदोलन: सलग दुसऱ्या दिवशी मुंबई उच्च न्यायालयात सुनावणीला सुरुवात

मुंबई उच्च न्यायालयात सलग दुसऱ्या दिवशी मनोज जरांगे पाटील यांच्या विरोधातील याचिकांवरील सुनावणीला सुरुवात झाली आहे. मराठा आंदोलकांच्या वतीने ज्येष्ठ विधिज्ञ मानेशिंदे युक्तिवाद करणार असल्याची माहिती मिळाली आहे. 

02 Sep, 25 : 12:57 PM

मनोज जरांगे पाटील यांचं आंदोलन देशाचे आंदोलन बनले आहे, महाराष्ट्रातून पूर्ण देशात हे आंदोलन पोहोचलं आहे, असं आप नेते संजय सिंह यांनी म्हटलं आहे.

02 Sep, 25 : 12:32 PM

आझाद मैदान आणि परिसरात बृहन्मुंबई महानगरपालिकेने रात्र सत्रात केली रस्ते स्वच्छता व स्वच्छतेची इतर कार्यवाही

🧹आझाद मैदान आणि परिसरात बृहन्मुंबई महानगरपालिकेने रात्र सत्रात केली रस्ते स्वच्छता व स्वच्छतेची इतर कार्यवाही

👷🏻‍♂️एकूण १ हजारांहून अधिक स्वच्छता कर्मचारी तीन सत्रांमध्ये कार्यरत. काल रात्र सत्रात म्हणजेच रात्री १० ते सकाळी ६ या कालावधीत ४०० हून अधिक कर्मचारी अविरतपणे कार्यरत… https://t.co/AwSdhZzdIOpic.twitter.com/31sRXwlJm0

— माझी Mumbai, आपली BMC (@mybmc) September 2, 2025

02 Sep, 25 : 12:30 PM

इम्तियाज जलील यांनी घेतली मनोज जरांगे यांची भेट

माजी खासदार इम्तियाज जलील  यांनी आझाद मैदानावर जाऊन मनोज जरांगे यांची भेट घेतली.

02 Sep, 25 : 12:30 PM

हरिभाऊ राठोड यांनी घेतली मराठा आरक्षण उपसमितीचे अध्यक्ष राधाकृष्ण विखे पाटील यांची भेट

ओबीसी नेते हरिभाऊ राठोड मराठा आरक्षण उपसमितीचे अध्यक्ष राधाकृष्ण विखे पाटील यांच्या भेटीसाठी दाखल झाले आहेत. मराठा-कुणबी वादासंदर्भातला फाॅर्म्युला असल्याचा दावा. यावर तोडगा काढण्यासाठी आणि फाॅर्म्युला राधाकृष्ण विखे पाटील यांना देण्यासाठी निवासस्थानी पोहोचले.

02 Sep, 25 : 11:51 AM

सर्व डॉक्टरांना निलंबित करा; मनोज जरांगे पाटील डॉक्टरांवरच संतापले

मराठा समाजासाठी उपोषणाला बसलेल्या जरांगेंची तब्येत खालावली. तपासायला आलेल्या डॉक्टरांना मनोज जरांगेंनी फटकारले. तपासणी करणाऱ्या डॉक्टरांकडचे तपासणी यंत्र हे तूटलेले असल्याने तपासणी नाकारली. रक्तदाब तपासणाऱ्या यंत्र हे चिंध्या बांधलेले व तुटलेले आहे म्हणून मनोज जरांगे यांनी डॉक्टरच्या पथकाला जाण्यास सांगितले. तसेच तपासणी करायला आलेल्या सर्व डॉक्टरांना निलंबित करा, अशी मागणी मनोज जरांगे यांनी केली.

02 Sep, 25 : 11:49 AM

बस… आता थांबा मनोज जरांगे!; भाजपा नेत्यांनी दिला सल्ला

बस… आता थांबा जरांगेजी! ज्या समाजाने लाखोंचे यशस्वी मूक मोर्चे शांततेत काढले, तो हाच का मराठा समाज अशी शंका यावी असे चित्र गेले ४/५ दिवस मुंबईत सुरू आहे. छत्रपतींचा मावळा ही आपली ओळख पण आंदोलनातील हौशे गवश्यांनी जे केले ते प्रतिमेवर प्रश्नचिन्ह निर्माण करणारे आहे. ‘ते आमचे नव्हेत’ असे म्हणून जबाबदारी झटकता येईल पण वस्तुस्थिती बदलणार नाही. प्रत्येक आंदोलन यशस्वी होण्यासाठी थोडे मागेपुढे करावे लागते. काही वेळा थांबावे लागते. म. गांधीनी सुध्दा काही वेळा आंदोलन स्थगित केले. मराठा समाजाच्या वेदना आपण सगळ्यासमोर आणल्यावर मराठा समाजाला आता १० टक्के आरक्षण सध्या लागू झाले आहे. आता वेळ आहे थांबण्याची!.. आपल्या बहुतांशी मागण्या महायुती सरकारने पूर्ण केल्या आहेत. राहिला प्रश्न, ओबीसी कोट्यातून आरक्षण घेण्याचा. भाजपाची भूमिका तर स्पष्ट आहे, ओबीसी आरक्षणाला धक्का न लागता मराठा समाजाला आरक्षण मिळाले पाहिजे. पण यावर आपल्यासोबत असण्याचा दावा करणारे मविआतील घटक पक्ष, शरद पवार, व कॅाग्रेसची यावर काय भूमिका आहे ते स्पष्ट विचारा. उद्धव ठाकरेंना या प्रश्नातले फारसे ज्ञान नसल्याने ते मूग गिळून बसतील, पण मविआतील ही मंडळी केवळ गोल गोल करत आहेत. मराठा आरक्षणाचा प्रश्न सोडविण्यापेक्षा, दोन समाजसमूहांना झुंजत ठेवून मविआतील तीन पक्षांना राजकारण करायचे आहे, हे लक्षात घ्या, आणि आपल्या आंदोलनात आपल्या खांद्यावरून कुणी मतांची बेजमी करण्याच स्वप्न पहातेय ही नामुष्की टाळण्यासाठी आंदोलन संपवून सरकारला सहकार्य करा!, असे भाजपा प्रवक्ते केशव उपाध्ये यांनी एक्सवर पोस्ट करत म्हटले आहे.

02 Sep, 25 : 11:25 AM

आझाद मैदानावर आंदोलन करावे, इतर कुठेही बसू नये, मुंबईकरांना त्रास देऊ नये; मुंबई पोलिसांचे आंदोलकांना आवाहन

02 Sep, 25 : 11:23 AM

आनंदनगर चेक नाक्यावर आंदोलकांच्या गाड्यांची कसून तपासणी

आनंदनगर चेक नाक्यावर आंदोलकांच्या गाड्यांची कसून तपासणी; कामानिमित्त निघालेल्या चाकरमान्यांना मोठा त्रास
(हिडिओ : विशाल हळदे) pic.twitter.com/uHciVJKiUZ

— Lokmat (@lokmat) September 2, 2025

02 Sep, 25 : 11:20 AM

मराठा आंदोलकांची गर्दी कमी झाल्याने वाहतूक कोंडी सुटली

सीएसएमटी आणि मुंबई महानगरपालिकेसमोर असलेल्या मराठा आंदोलकांची गर्दी कमी झाल्याने वाहतूक कोंडी सुटली (व्हिडिओ सुशील कदम) pic.twitter.com/oJoGGGmpXH

— Lokmat (@lokmat) September 2, 2025

02 Sep, 25 : 11:19 AM

सरकारने वेगळ्या ताटाची सोय केली पाहिजे: निलेश लंके

जातीजातीत संघर्ष वाढविण्यापेक्षा आरक्षणाची मर्यादा वाढवणे गरजेचे आहे. मनोज जरांगे पाटील यांच्या आरक्षणाच्या उपोषणानंतर आता ओबीसी नेते देखील आक्रमक झाले असून ओबीसी समाजाकडून नागपूर येथे गेल्या तीन दिवसापासून साखळी उपोषण सुरू करण्यात आले आहे. याच दरम्यान आज राज्याचे मंत्री छगन भुजबळ यांनी देखील मुंबई येथे ओबीसी नेत्यांची बैठक घेऊन जर सरकारने जरांगे यांच्या मागण्या मान्य केल्या तर राज्यातील सर्व ओबीसी समाज एकवटून लाखोंच्या संख्येने मुंबई येथे येईल असा इशारा दिला. यावर बोलताना खासदार लंके म्हणाले की, शरद पवार यांनी सांगितल्याप्रमाणे तामिळनाडू येथील आरक्षणाच्या मर्यादेसारखीच महाराष्ट्रात मर्यादा वाढवून घेतली पाहिजे. जातीजातीत संघर्ष वाढविण्यापेक्षा आरक्षणाची मर्यादा वाढवणे गरजेचे आहे. कोणाच्याही ताटातलं घेत असेल तर त्याला राग येणारच हे साहजिक आहे. त्यापेक्षा सरकारने वेगळ्या ताटाची सोय केली पाहिजे.

02 Sep, 25 : 11:18 AM

मुख्यमंत्र्यांनी स्वतःच आत्मपरीक्षण करावे: निलेश लंके

या राज्यामध्ये काय परिस्थिती निर्माण झाली आहे. सामाजिक कार्यामध्ये राजकारण आणू नये असे म्हणत असतील तरी राजकीय वक्तव्य करण्यापेक्षा मुख्यमंत्र्यांनी स्वतः आत्मपरीक्षण केले पाहिजे, असे लंके म्हणाले.

02 Sep, 25 : 11:16 AM

मराठा समाजाला आरक्षण मिळाले पाहिजे हा महत्त्वाचा मुद्दा: निलेश लंके

खासदार सुप्रिया सुळे या मनोज जरांगेंना भेटल्यानंतर पुन्हा निघताना काही आंदोलकांनी त्यांच्या वाहनावर पाण्याच्या बाटल्या भिरकावल्या होत्या. यावर खा. लंके यांनी चांगलाच समाचार घेतला. असे कृत्य करणाऱ्या व्यक्तींचा हेतू चांगला नसतो. समाजाला आरक्षण मिळाले पाहिजे हा महत्त्वाचा मुद्दा असताना काही चुकीच्या प्रवृत्ती ही कृत्य करत असतात. जरांगे पाटील यांच्याकडून यावर कुठलेही व्यक्तव्य नाही आणि त्यांच्यासोबत महत्त्वाची भूमिका बजावणारे सहकाऱ्यांनी याबाबत असे कृत्य होणार नाही.

02 Sep, 25 : 11:14 AM

मुद्दामहून राजकीय वळण देण्याचा प्रयत्न: खासदार लंके

मराठा आंदोलनादरम्यान काही मराठा समाजातील बांधवांनी मराठा समाजाच्या आरक्षणाचे वाटोळे शरद पवारांनी केले अशी टीका करत आहेत. यावर बोलताना खा. लंके यांनी म्हटले की, चांगली घटना घडत असताना काही विघ्न संतोषी लोक त्याला मुद्दामहून राजकीय वळण देण्याचा प्रयत्न करत असतात त्यांच्याकडे दुर्लक्ष केले पाहिजे. पहिल्या दिवशी आंदोलन सुरू झाले त्यावेळी खा. बजरंग सोनवणे, भास्कर भगरे यांच्यासह मीही भेटलो. यामध्ये शरद पवारांची भूमिका सकारात्मक आहे. पण काही लोक वेगळी भूमिका आणि दृष्टिकोन घेऊन आंदोलनात सहभागी होत असतात कुठेतरी मिठाचा खडा टाकण्याचा यांच्याकडून प्रयत्न केला जात असतो त्याकडे जास्त लक्ष नाही दिले पाहिजे.

02 Sep, 25 : 11:13 AM

तमिळनाडूप्रमाणे महाराष्ट्रामध्येही आरक्षणाची मर्यादा वाढवून घ्यावी: खासदार निलेश लंके

अहिल्यानगरचे खासदार निलेश लंके यांनी मुंबई येथील मराठा आरक्षणाच्या उपोषणाला भेट देत पाठिंबा दिला होता. यावर माध्यमांशी बोलताना निलेश लंके म्हणाले की, सरकारने आता लवकरात लवकर निर्णय घेतला पाहिजे. शरद पवार यांनी कार्यक्रमांमध्ये स्टेटमेंट केले की, तामिळनाडूप्रमाणे ७२ टक्के आरक्षण या ठिकाणी केले पाहिजे. ओबीसींच्या ताटातून घेण्यापेक्षा केंद्र सरकारने नवीन केंद्र सरकारच्या अख्यारितेतला विषय असून, त्या ठिकाणी आरक्षण वाढवून घेतले पाहिजे. तमिळनाडूप्रमाणे महाराष्ट्रामध्येही आरक्षणाची मर्यादा वाढवून घ्यावी, अशी आमची भूमिका आहे.

02 Sep, 25 : 10:58 AM

मनोज जरांगे यांच्या प्रकृतीची डॉक्टरांकडून तपासणी

02 Sep, 25 : 10:29 AM

मराठे काय आहेत, ते दाखवून देऊ; आझाद मैदानातून हुसकवून लावल्यास सरकारला महागात पडेल: मनोज जरांगे

सरकारने भीती दाखवली तरी आम्ही घाबरत नाही. मी कोणताच मुद्दा मागे ठेवत नाही. सरकारसोबत चर्चा करण्याची आमची पहिल्या दिवसापासून तयारी आहे. आम्ही संयमाने घेत आहोत.  सरकारकडून न्यायालयात खोटी माहिती दिली. आझाद मैदानातून हुसकवून लावल्यास सरकारला महागात पडेल. आम्ही शांत आहोत, शांत राहू द्या. अन्यथा मराठे काय आहेत, ते दाखवून देऊ, असा इशारा मनोज जरांगे पाटील यांनी दिला आहे.

02 Sep, 25 : 10:20 AM

आंदोलन सुरूच राहणार, मागण्या पूर्ण झाल्याशिवाय मुंबई सोडणार नाही: मनोज जरांगे

मी मेलो तरी आझाद मैदानातून हटणार नाही. काही झाले तरी मराठा आरक्षणासाठीचे आंदोलन सुरू राहणार आहे. मागण्या पूर्ण झाल्याशिवाय मुंबई सोडणार नाही, असा निर्धार मनोज जरांगे पाटील यांनी व्यक्त केला. 

02 Sep, 25 : 10:17 AM

आंदोलकांवरील सर्व गुन्हे मागे घ्या: मनोज जरांगे पाटील

पाचव्या दिवशी मनोज जरांगे पाटील यांचे आझाद मैदानावर उपोषण सुरू आहे. मुंबई पोलिसांनी नोटीस बजावल्यानंतर मनोज जरांगे यांनी त्यावर प्रतिक्रिया दिली आहे. तसेच आंदोलकांवरील गुन्हे मागे घेण्याची मागणी केली आहे. काही झाले तरी आंदोलन सुरूच राहणार, असा एल्गार मनोज जरांगे यांनी बोलून दाखवला आहे.

02 Sep, 25 : 10:06 AM

आम्ही आझाद मैदान सोडणार नाही; मराठा आंदोलक ठाम

आझाद मैदानात फक्त ५ हजार मराठा आंदोलक असतील, हे आम्हाला मान्य आहे. पण बाकीचे मराठा आंदोलक कुठे बसवायचे? सरकारने मराठा आंदोलकांचे खाणे-पिणे बंद केले, मग त्यांच्यासाठी खाद्यपदार्थ घेऊन वाहने आली. हे सगळे खाणार कुठे रस्त्यावरच ना? आता सरकार पोलिसांवर दबाव टाकत आहे. आम्ही आझाद मैदान सोडणार नाही, असे चंद्रकांत भराट यांनी स्पष्टपणे सांगितले.

02 Sep, 25 : 10:04 AM

सरकारला कोणत्याही परिस्थितीत मराठा आंदोलकांना त्रास द्यायचाय: चंद्रकांत भराट

सरकारला मराठा आंदोलकांना कोणत्याही परिस्थितीत त्रास द्यायचा आहे. हे आंदोलन दडपशाहीने दडपले जाणार नाही. आम्ही शांतपणे हे आंदोलन सुरू ठेवू. मराठा आंदोलकांनी बहुतांश गाड्या रस्त्यावरुन काढून पार्किंगमध्ये नाहीतर नवी मुंबईला नेल्या आहेत. सरकार दबावतंत्राचा आणखी वापर करत आहे. मराठा आंदोलनाच्यावेळीच सरकारने जाणुनबुजून नवा कायदा केला. आंदोलनासाठी रोजच्या रोज परवानगी घ्यायची. आझाद मैदानात अनेकजण कित्येक दिवस आंदोलन करतात. मग मराठा आंदोलनाबाबतच असा नियम का केला जातो, अशी विचारणा भराट यांनी केली.

02 Sep, 25 : 10:02 AM

गर्दी होणारच नसेल तर आंदोलन कसले?; जरांगेंच्या सहकाऱ्यांचा सवाल

पोलिसांनी आम्हाला रस्ते रिकामे करा सांगितले होते. त्यानुसार आमच्या आंदोलकांना गाड्या रस्त्यावरुन हटवल्या आहेत. पण आता सरकारकडून विनाकारण त्रास दिला जात आहे. बाहेरगावातून मराठा आंदोलक मुंबईत आले किंवा अन्नधान्य व खाद्यपदार्थ घेऊन येणाऱ्या गाड्यांना आझाद मैदानातच यावे लागते. त्यामुळे साहजिकच इथे गर्दी होणारच. गर्दी होणारच नसेल तर आंदोलन कसलं?, असा सवाल चंद्रकांत भराट यांनी उपस्थित केला. 

02 Sep, 25 : 10:00 AM

आंदोलन करा, पण चौकटीत राहून करा: नितेश राणे

डॉ. बाबासाहेब आंबेडकर यांच्या संविधानावर चालणारा आपला देश आहे.  आंदोलन करायचा लोकशाहीमध्ये प्रत्येकाला अधिकार आहे. मुंबई ही देशाची आर्थिक राजधानी आहे. आंदोलन करा पण चौकटीत राहून करा, असे आदेश कोर्टाचे आहेत. मराठा समिती तोडगा कसा काढावा, या संदर्भातील पाऊल उचलत आहे, असे मंत्री नितेश राणे यांनी म्हटले आहे.

02 Sep, 25 : 09:43 AM

मराठा आंदोलन: मनोज जरांगे यांंच्या उपोषणाचा पाचवा दिवस

#WATCH | Mumbai, Maharashtra: Maratha reservation activist Manoj Jarange Patil's hunger strike at Azad Maidan enters the fifth day. Visuals from the spot as the activist and his supporters continue to remain here.

Mumbai Police say that the permission to hold a protest has been… pic.twitter.com/uDenkPyJkI

— ANI (@ANI) September 2, 2025

02 Sep, 25 : 09:40 AM

मुंबई पोलिसांकडून ५ ते ६ जणांवर गुन्हे दाखल

मनोज जरांगे यांच्या उपोषणाचा पाचवा दिवस असून, मराठा आंदोलकांना मुंबई उच्च न्यायालयाने चांगलीच समज दिली. यानंतर ५ ते ६ जणांवर मुंबई पोलिसांनी गुन्हे दाखल केल्याचे समजते.

02 Sep, 25 : 09:37 AM

मनोज जरांगे पाटील यांच्याकडून अटी-शर्तींचे उल्लंघन; मुंबई पोलिसांनी बजावली नोटीस

मुंबई उच्च न्यायालयाच्या आदेशानंतर नियमांचे उल्लंघन केल्याबद्दल मुंबई पोलिसांनी मराठा आरक्षण आंदोलनाचे नेते मनोज जरांगे पाटील यांना नोटीस बजावली आहे. न्यायालय आणि पोलिसांनी आंदोलन करण्यासाठी दिलेल्या अटी आणि शर्तींचे उल्लंघन केल्यामुळे मनोज जरांगे यांना आंदोलन करण्याची परवानगी नाकारण्यात आली आहे. आझाद मैदान पोलिसांनी जरांगे पाटील यांच्या कोअर कमिटीला नोटीस बजावली असून, त्यांना लवकरात लवकर आझाद मैदान रिकामे करण्यास सांगितले आहे. मनोज जरांगे पाटील यांनी माध्यमांना दिलेल्या विधानांची पोलिसांनी दखल घेतली आहे. तसेच नोटीसमध्ये त्याचा उल्लेख केला आहे.

02 Sep, 25 : 09:18 AM

आझाद मैदान रिकामे करा; मनोज जरांगे यांना मुंबई पोलिसांची नोटीस

Mumbai police issue notice to Maratha quota leader Manoj Jarange, asking him to vacate Azad Maidan. pic.twitter.com/xXPCwoVOSh

— Press Trust of India (@PTI_News) September 2, 2025

02 Sep, 25 : 09:14 AM

मुख्यमंत्री देवेंद्र फडणवीस यांनी जरांगे पाटील यांच्याशी चर्चा केली पाहिजे: सुप्रिया सुळे

मुख्यमंत्री देवेंद्र फडणवीस यांनी मनोज जरांगे पाटील यांच्याशी चर्चा केली पाहिजे. त्यांचा मान सन्मान ठेवला पाहिजे. मुख्यमंत्री यांनी सर्वपक्षीय बैठक बोलवावी. मनोज जरांगे पाटलांच्या शिष्टमंडळाला बोलवावे आणि यातून योग्य तो मार्ग निघेल, असे राष्ट्रवादी शरद पवार गटाच्या खासदार सुप्रिया सुळे यांनी म्हटले आहे.

01 Sep, 25 : 05:58 PM

प्रशासन कोर्टाच्या निर्णयाचे उचित पालन करेल..."; CM देवेंद्र फडणवीसांचं रोखठोक मत

 मराठा आरक्षणाच्या मुद्द्यावर सध्या सुरू असलेल्या मनोज जरांगे पाटील यांच्या आंदोलनाबाबत हायकोर्टात आज सुनावणी झाली. हायकोर्टाने उद्या दुपारी ४ वाजेपर्यंत आझाद मैदान वगळता, इतर सर्व ठिकाणाहून मराठा आंदोलकांना हटवण्याचे आदेश दिले आहेत. तसेच, आंदोलकांच्या वर्तणुकीबद्दल तीव्र शब्दांत नाराजी व्यक्त केली आहे. या सुनावणीनंतर, राज्याचे मुख्यमंत्री देवेंद्र फडणवीस यांनी यावर प्रतिक्रिया दिली.

"मी प्रवासात असल्यामुळे नेमकं कोर्टाने काय म्हटलं आहे ते मी ऐकले नाही. पण मला जे समजले त्यात कोर्ट असे म्हणाले आहे की जी परवानगी देण्यात आली होती, ती काही अटी शर्तींसह देण्यात आली होती. त्या अटी शर्तींचे वारंवार उल्लंघन होत आहे. आंदोलकांकडून रस्त्यांवर सुरू असलेल्या वाईट गोष्टींबाबत कोर्टाने प्रचंड नाराजी व्यक्त केलेली आहे. त्यामुळे कोर्टाने काही निर्देश दिले आहेत. आता प्रशासन कोर्टाच्या निर्णयाचे उचित पालन करेल," असे रोखठोक मत फडणवीस यांनी व्यक्त केले.

01 Sep, 25 : 05:28 PM

बीडमध्ये मराठा आंदोलक आक्रमक; जरांगेंच्या आंदोलनाला पाठिंबा देण्यासाठी अंबाजोगाई-अहिल्यानगर महामार्ग अडवला

बीडमध्ये मराठा आंदोलक आक्रमक झाले आहेत. बीडच्या लिंबागणेश येथे अंबाजोगाई-अहिल्यानगर महामार्ग अडवत रस्ता रोको करण्यात आला आहे. मनोज जरांगे पाटील यांनी आजपासून पाणी त्याग करून कडक उपोषणाला सुरुवात केली आहे. त्यामुळे आंदोलनाची धग अधिक वाढली आहे. दरम्यान, याच पार्श्वभूमीवर बीडच्या लिंबागणेश येथे मराठा आंदोलकांनी रास्ता रोको आंदोलन केले आहे.

01 Sep, 25 : 04:42 PM

आंदोलकांनी हायकोर्टात जाण्याचे येण्याचे गेट ब्लॉक केल्याने न्यायालय संतप्त

आंदोलकांनी हायकोर्टात जाण्याचे येण्याचे गेट ब्लॉक केल्याने न्यायालय संतप्त . आझाद मैदानावर ५००० लोकांना परवानगी असताना लाखो लोक रस्त्यावर कसे? रस्त्यावर जेवण करणे, खेळ खेळणे आणि रस्त्यावरच लघुशंका करणे, ही आंदोलनाची कोणती पद्धत? बाहेर इतका आवाज असताना तुमचे आंदोलन शांत कसे? न्यायाधीशांच्या जाण्या येण्याचा मार्ग तुम्ही कसा ब्लॉक करी शकता? असे संतप्त सवाल न्यायालयाने जरांगे व मराठा आंदोलकांना केले. 
 

01 Sep, 25 : 04:26 PM

मुंबईकरांना त्रास होईल असे काहीही करू नये: हायकोर्ट

मनोज जरांगे पाटील यांना पाच हजार आंदोलकांसह एक दिवस आंदोलन करण्याची परवाणगी देण्यात आली होती. तरीही आंदोलन सुरू ठेवण्यात आले आहे. यामुळे कोर्टाच्या आधीच्या आदेशाचे उल्लंघन झाले. मुंबईकरांना त्रास होईल असे काहीही करू नये, असे हायकोर्टाने म्हटले आहे.

01 Sep, 25 : 04:25 PM

उद्या दुपारी ४ वाजेपर्यंत आंदोलकांना हटवा; मराठा आंदोलनाप्रकरणी मुंबई हायकोर्टाचे आदेश

मराठा आरक्षणाच्या मागणीसाठी उपोषणासाठी बसलेल्या मनोज जरांगे पाटील यांची प्रकृती बिघडली तर, त्यांना तत्काळ उपचार देण्यात यावे. मुंबईत ज्या ठिकाणी रस्ते आडवण्यात आले आहेत, त्या ठिकाणाहून उद्या दुपारी ४ वाजेपर्यंत आंदोलकांना हटवावे. आझाद मैदानाव्यतिरिक्त कुठेही आंदोलन होणार नाही, याची सरकारने खबरदारी घ्यावी, असे निर्देश हायकोर्टाने दिले. 

01 Sep, 25 : 04:16 PM

मी एकही गोष्ट सोडणार नाही: मनोज जरांगे पाटील

सातारा गॅझेट, हैदराबाद गॅझेट लागू करायलाच हवेत. बलिदान दिलेल्या कुटुंबाच्या वारसाला नोकरी आणि आर्थिक मदत हवी. मराठा आणि कुणबी एकच आहे तो जीआर मला पाहिजे. मी एकही गोष्ट सोडणार नाही. सरकारने मागण्यांवर बारकाईने पाहिले पाहिजे. सगेसोयरेबाबत अधिसूचना काढणार होते, त्याचे काय झाले तेदेखील कळायला हवे अशी मागणी मनोज जरांगे पाटील यांनी केली. 

01 Sep, 25 : 04:15 PM

नरेंद्र मोदी, अमित शाह यांना डाग लागू शकतो: मनोज जरांगे पाटील

प्रत्येकवेळी तुम्ही बांधलेले अंदाज चुकत आहेत. त्यामुळे तुम्ही माझ्याबद्दल आयुष्यात कधीही विचार करू नका. मी विचित्र रसायन आहे. माझा समाज मला आयुष्यात कधीही सोडू शकत नाही, त्यासाठी तो पक्षाला लाथ मारू शकतो. एवढा समाज माझ्यावर प्रेम करतोय. तुमच्या एका चुकीमुळे देशाला डाग लागू शकतो. तुमच्या आडमुठेपणा, बालिशपणामुळे आणि द्वेषाने भरलेल्या बुद्धीमुळे देशाला डाग लागू शकतो. नरेंद्र मोदी, अमित शाह यांना डाग लागू शकतो, तो लागू देऊ नका कारण पुढचा काळ अवघड होईल, असा इशाराही जरांगे यांनी देवेंद्र फडणवीस यांना दिला. 

01 Sep, 25 : 04:15 PM

जातीयवादी असणाऱ्यांना पहिले इथून काढून टाका: मनोज जरांगे पाटील

देवेंद्र फडणवीसांना पुन्हा सांगतो की, तुमचा एक डीसीपी आहे तो दंगल पेटावी म्हणून आंदोलकांच्या कॉलर धरतोय. पोरांना कॉलर धरल्यावर, ढकलून दिल्यावर राग येतो. उगाच असले प्रकार करू नका. लई पश्चाताप होईल. तो जो कुणी डीसीपी असेल त्याला सांगा. आमच्या जालना येथून पोलीस अधिकारी आलेत, त्यांना पुन्हा गावाला पाठवून द्या. जातीयवादी असणाऱ्यांना पहिले इथून काढून टाका, अशी मागणी मनोज जरांगे यांनी केली. 

01 Sep, 25 : 04:13 PM

काही जातीयवादी पोलीस मराठा पोरांना उसकावून आरक्षण असे मिळणार नाही, तुम्ही उड्या हाणा... काही पोलीस गाड्या अडवा, मग आरक्षण मिळेल असं पोरांना सांगत आहेत. देवेंद्र फडणवीस यांचे नाव सांगून पोलीस वाहने अडवत आहेत, काही रुमाल बांधत आहेत असले प्रकार घडत आहे. त्यामुळे माझ्या एकाही पोराला लागले तर पुन्हा महाराष्ट्र कधीच सुरू होऊ देणार नाही. एकाही पोराला काठी लागली तर मुंबईसह महाराष्ट्र पुन्हा कधी सुरू होऊ देणार नाही असे त्यांनी म्हटले. 

01 Sep, 25 : 04:13 PM

आंदोलनाच्या एक महिना आधी मी सांगितले होते, देवेंद्र फडणवीस पोलिसांचा वापर कार्यकर्ता म्हणून करतोय. त्यांचे काही लोक आमच्यात घुसवून ते हुल्लडबाजी करणार आणि आमच्या आंदोलकांवर खापर फोडणार. ते आमचे कार्यकर्ते नाहीत. त्याला जबाबदार देवेंद्र फडणवीस असणार आहे, असे मनोज जरांगे पाटील यांनी म्हटले आहे.

01 Sep, 25 : 04:12 PM

माझ्या पोरांवर दादागिरी करायची नाही. माझ्या पोरांची काही चूक नाही. आम्ही २ वर्षापासून आरक्षण मागत आहोत. माझ्या जातीची काही चूक नाही. माझ्या जातीला तुम्ही इतके वेड्यात काढता का? आमचे आरक्षण असूनही दिले जात नाही, असे सांगत मराठा आंदोलक मनोज जरांगे पाटील यांनी मुख्यमंत्री देवेंद्र फडणवीस यांना इशारा दिला आहे. 

01 Sep, 25 : 04:11 PM

मुख्यमंत्री साहेब तुमच्या हातातली वेळ गेलेली नाही. महाराष्ट्र मुंबईकडे निघणार आहे. आणखीन वेळ आहे. त्याआधीच तुम्ही निर्णय घ्या. ते जर मुंबईत आले तर कुठेच उभा राहण्यासाठी जागा राहणार नाही. कारण ती मोठ्या संख्या येणार आहे. म्हणून मी म्हणतोय तुम्ही गाफील राहू नका, असा इशारा मनोज जरांगे पाटील यांनी दिला.

01 Sep, 25 : 04:10 PM

गोळ्या जरी घातल्या तरीही मी आझाद मैदानावरुन उठणार नाही: मनोज जरांगे पाटील

आम्ही कायदा सोडून कुठेही काहीही केलेले नाही. आम्ही चार महिन्यांपूर्वी सरकारला निवेदन दिले आहे, सरकारने त्याची दखल घेतलेली नाही. याचिकाकर्ते सरकारवर का बोलत नाहीत. सरकारमुळे मुंबईची शांतता बिघडली असे याचिकाकर्ते का म्हणत नाहीत, असा सवाल जरांगे यांनी केला. मुख्यमंत्री देवेंद्र फडणवीस यांनी गोळ्या जरी घातल्या तरीही मी आझाद मैदानावरुन उठणार नाही. निर्णयाची अंमलबजावणी झाली पाहिजे. त्याशिवाय मी मुंबई सोडणार नाही, असे मनोज जरांगे पाटील यांनी स्पष्ट केले आहे.

01 Sep, 25 : 04:02 PM

विविध वृत्तपत्रांत आलेल्या बातम्यांची मुंबई हायकोर्टाने घेतली दखल

विविध वृत्तपत्रांत आलेल्या बातम्यांची मुंबई हायकोर्टाने दखल घेतली. २६ ऑगस्टचा उच्च न्यायालयाच्या आदेशाचे तुम्ही पालन करणार का, तुम्ही प्रसिद्धी पत्रक काढणार का की, ५००० वरच्या लोकांनी परत जावे, हायकोर्टाची आंदोलनकर्त्यांच्या वकिलांना विचारणा.

01 Sep, 25 : 03:59 PM

मनोज जरांगे यांना नोटीस बजावली होती, पण त्यांनी स्वीकारली नाही

मनोज जरांगे यांना नोटीस बजावली होती. परंतु, त्यांनी ती स्वीकारली नाही. यासंदर्भात व्हिडिओही आहे, असे पोलिसांनी म्हटले आहे.

01 Sep, 25 : 03:58 PM

आझाद मैदानाव्यतिरिक्त इतर ठिकाणी आंदोलकांनी वावरू नये: मुंबई हायकोर्ट

आझाद मैदानाव्यतिरिक्त इतर ठिकाणी आंदोलकांनी वावरू नये. पाच हजारांपेक्षा जास्त लोक आणू नये ही आयोजकांची जबाबदारी होती. पहिल्या दिवशीच ६ नंतर मैदान खाली करणे आवश्यक होते, अशी अनेक निरीक्षणे नोंदवत हायकोर्टाने आयोजकांना फटकारले आहे.

01 Sep, 25 : 03:56 PM

CSMT, मरिन ड्राईव्ह, फ्लोरा फाऊंटनसह दक्षिण मुंबईतून आंदोलकांना हटवा

मुंबईतील CSMT, मरिन ड्राइव्ह, फ्लोरा फाऊंटनसह दक्षिण मुंबईतून आंदोलकांना हटवा, असे निर्देश मुंबई हायकोर्टाने राज्य सरकारला दिले आहेत. उद्या ७ दिवसांच्या गणपती बाप्पांचे विसर्जन होते, असे महत्त्वाचे निरीक्षण नोंदवत निर्देश दिल्याचे सांगितले जात आहे.

01 Sep, 25 : 03:55 PM

हे प्लॅन करून झाले, आंदोलनकर्ते ऐन गणपतीत आले

नियमाला अधीन राहून परवानगी देण्यात आली होती आणि नियमांच्या अधीन राहून आंदोलन करण्याचे मान्य करण्यात आले होते. हे प्लॅन करून झाले आहे, आंदोलनकर्ते ऐन गणपतीत आले आहेत. आंदोलनकर्त्यांनी नियमांचे पालन केले पाहिजे; उच्च न्यायालयाने निर्देश द्यावेत राज्य सरकारची मागणी

01 Sep, 25 : 03:50 PM

आगामी निवडणुकांमुळे राज्य सरकार काही करू शकत नाही - गुणरत्न सदावर्ते

आरक्षण राजकारणामुळे हे सगळे सुरू आहे. आंदोलनात थेट राजकीय हस्तक्षेप आहे. आंदोलनकर्त्यांना ट्रकने सगळे पुरवले जात आहे. आंदोलनकर्ते शिवीगाळ करत आहेत. महिला पत्रकार वार्तांकन करू शकत नाही. आसपासच्या रुग्णालयात कोणी जाऊ शकत नाही. शाहीन बाग आंदोलनानुसार याची चौकशी व्हावी. आगामी निवडणुकांमुळे राज्य सरकार काही करू शकत नाही. सगळ्या मराठा संघटनांची ओबीसीतून आरक्षणाची मागणी आहे. 

01 Sep, 25 : 03:47 PM

मराठा आंदोलकांचा मुक्काम वाढणार? मजबूत मंडप बांधायचं काम सुरू

01 Sep, 25 : 03:46 PM

अजून आंदोलनकर्ते मुंबईत येत आहेत, त्यांना कसे अडवणार: हायकोर्ट

पूर्ण हायकोर्टाला घेराव घालण्यात आला आहे. हायकोर्टाच्या न्यायमूर्तींची वाहने अडवण्यात आली. त्यांना हायकोर्टात येण्यापासून अडवण्यात आले. न्यायमूर्तींकडून स्वतः सांगण्यात आले. अजून आंदोलनकर्ते मुंबईत येत आहेत, त्यांना कसे अडवणार, अशी विचारणा मुंबई हायकोर्टाने सरकारला केली.

01 Sep, 25 : 03:43 PM

मराठा आरक्षणाला समर्थन करणाऱ्या वकिलांकडून हस्तक्षेप करण्याचा प्रयत्न

मराठा आरक्षणाला समर्थन करणाऱ्या वकिलांकडून हस्तक्षेप करण्याचा प्रयत्न. आरक्षण देण्यात आले असल्याचे हायकोर्टाने केले स्पष्ट. तसेच तुम्हाला ते आरक्षण हवे आहे की नाही, हायकोर्टाने केली विचारणा.

01 Sep, 25 : 03:42 PM

राज्याचा मुख्यमंत्री मराठा नाही म्हणून हे सुरू आहे: गुणरत्न सदावर्ते

मी २९ तारखेला तक्रार दिली. आझाद मैदानाच्या वरिष्ठ पोलीस  अधिकाऱ्यांना फोन केला आणि त्यांना परिस्थिती जाणीव करून दिली. लेखी तक्रार दिली आणि गुन्हा दाखल करण्यासाठी अर्ज केला पण पोलिसांनी कारवाई केली नाही. राज्याचा मुख्यमंत्री मराठा नाही म्हणून हे सुरू आहे. मुंबई उच्च न्यायालयाबाहेर घोषणाबाजी सुरू आहे. महिला पत्रकारांना त्रास दिला जात आहे, असे अनेक मुद्दे मांडत आणि परिस्थितीचे गांभीर्य गुणरत्न सदावर्ते यांनी युक्तिवाद करताना हायकोर्टाच्या निदर्शनास आणून दिले.

01 Sep, 25 : 03:39 PM

मनोज जरांगे यांचे आंदोलन हाताबाहेर गेले आहे. मुंबई थांबवू शकत नाही: हायकोर्ट

तुम्ही मुंबई थांबवू शकत नाही. रस्ते अडवू शकत नाही. मुंबईची दिनचर्या थांबवू शकत नाही आणि हेच सगळे सुरू आहे. आंदोलन हाताबाहेर गेल आहे. कोर्टाच्या निर्देशांचे पालन होईल या दृष्टीने राज्य सरकारने पावले उचलावीत; हायकोर्टाचे निर्देश

01 Sep, 25 : 03:31 PM

ब्रेबॉन स्टेडियम आणि वानखेडे स्टेडियम येथे जगा द्यावी

५००० पेक्षा लोक खूप जास्त आहेत. आम्ही सोशल मीडियावर त्यासंदर्भातील मेसेज प्रसारित करू जेणेकरून कोणी रस्त्यावर बाहेर फिरणार नाही. ब्रेबॉन स्टेडियम आणि वानखेडे स्टेडियम वर जगा द्यावी आणि त्यांना बाहेर न पडण्याचे निर्देश द्यावेत, आंदोलनकर्त्यांच्या वकिलांची हायकोर्टात मागणी.

01 Sep, 25 : 03:30 PM

मनोज जरांगे यांच्याशी बोलून मार्ग काढू

राज्य सरकारने जबाबदाऱ्या पूर्ण कराव्यात. रस्त्यावरचे दिवे तीन तास बंद करण्यात आले होते. खाद्याची दुकान बंद होती. सार्वजनिक शौचालय बंद होती. मी स्वतः जरांगे यांच्याशी बोलून मार्ग काढू, वकील पिंगळे यांची हायकोर्टात माहिती

01 Sep, 25 : 03:27 PM

मराठा आंदोलन: मुंबई हायकोर्टात उद्या दुपारी ३ वाजता पुन्हा सुनावणी

मनोज जरांगे पाटील यांच्या आझाद मैदानात सुरू असलेल्या आंदोलनाविरोधात मुंबई हायकोर्टात तातडीची सुनावणी घेण्यात आली. राज्याचे महाधिवक्ता बीरेंद्र सराफ, गुणरत्न सदावर्ते यांच्यासह आंदोलनाच्या बाजूने असणाऱ्या वकिलांनी जोरदार युक्तिवाद केला. दोन्ही बाजूचे म्हणणे ऐकल्यानंतर हायकोर्टाने उद्या दुपारी ३ वाजता पुन्हा एकदा सुनावणी घेण्याचा निर्णय घेतला आहे.

01 Sep, 25 : 03:24 PM

आंदोलन थांबवण्याचे निर्देश द्यावेत: हायकोर्टाला विनंती

आंदोलन थांबवण्याच निर्देश देण्यात यावेत, अशी विनंती सरकारकडून हायकोर्टाला करण्यात आली.

01 Sep, 25 : 03:23 PM

मराठा आंदोलकांमुळे मुंबई ठप्प, सीएसएमटी स्थानकाबाहेर आंदोलक चढला थेट खांबावर

01 Sep, 25 : 03:22 PM

मुंबईतील मराठा आंदोलन हाताबाहेर गेले, आता मुंबईत कोणालाही येऊ देऊ नका

मुंबईतील मराठा आंदोलन हाताबाहेर गेले आहे. आता मुंबईत कोणालाही येऊ देऊ नका. दोन दिवसांत सर्व पूर्ववत करा. मुंबईत कोणाला येऊ देऊ नका. ठाण्यातच रोखा; हायकोर्टाचे निर्देश

01 Sep, 25 : 03:16 PM

कोर्टाच्या निर्देशांचे पालन व्हायला हवे, आंदोलकांवर मनोज जरांगे यांचे नियंत्रण नाही; हायकोर्टाचे महत्त्वाचे निरीक्षण

01 Sep, 25 : 03:15 PM

लोकलच्या केबिनमध्ये मराठा आंदोलक घुसले…पोस्टर लावले काय झालं पाहा

01 Sep, 25 : 03:14 PM

सरकारकडून हायकोर्टात युक्तिवाद

गणेशोत्सवात कायदा व सुव्यवस्था सांभाळणं पोलिसांसाठी कठीण आहे. तरी आम्ही समतोल पाळण्याचा प्रयत्न करतोय जेणेकरून कायदा व सुव्यवस्था बिघणार नाही. केवळ पाच हजार आंदोलकांना परवानगी देण्यात आली होती. मनोज जरांगे पाटील यांनी अटी शर्ती पळून परवानगी मागितली होती म्हणून त्यांना परवानगी देण्यात आली होती. तुम्ही सगळ्या नियमांचे उल्लंघन केल्याच वेळीवेळी राज्य सरकारने जरांगे पाटील यांना सांगितले; सरकारकडून हायकोर्टात युक्तिवाद

01 Sep, 25 : 03:11 PM

केवळ आझाद मैदानात आंदोलनाची परवानगी आहे. मात्र दुसरीकडे आंदोलन करण्यास परवानगी नाही. परवानगी फक्त एका दिवसासाठी देण्यात आली होती; राज्य सरकारच्या वतीने हायकोर्टात माहिती

01 Sep, 25 : 03:10 PM

मनोज जरांगे पाटील यांना नोटीस बजावण्यात आली आहे का, मुंबई हायकोर्टाची विचारणा

01 Sep, 25 : 03:08 PM

संपूर्ण दक्षिण मुंबई आणि परिसरात रास्तारोको केला जात आहे. सामान्य मुंबईकरांना नाहक त्रास होत आहे. महाधिवक्ता बीरेंद्र सराफ युक्तिवाद करत आहेत. हायकोर्टात अनेक याचिका आंदोलनविरोधात दाखल आहेत.

01 Sep, 25 : 03:06 PM

शनिवार-रविवारचे आंदोलन विनापरवानगी: महाधिवक्ता

शनिवार आणि रविवार या दोन दिवसाच आंदोलन परवानगीविना होते. ध्वनिक्षेपकाचा वापर विनापरवानगी केला. अटी-शर्थीच्या उल्लंघनाची माहिती महाधिवक्त्यांकडून हायकोर्टात दिली.

01 Sep, 25 : 03:02 PM

Mumbai High Court: सुट्टी असूनही मुंबई उच्च न्यायालयात मनोज जरांगे यांच्याविरोधातील याचिकेवर सुनावणी सुरू

मनोज जरांगे पाटील यांच्या विरोधात काही याचिका दाखल करण्यात आल्या आहेत. मुंबई उच्च न्यायालयाला सुट्टी असूनही या याचिकेवर तातडीने सुनावणी घेण्यास मान्यता देण्यात आली आहे. न्या. गौतम अंखड, न्या. रवींद्र घुगे यांच्या खंडपीठासमोर ही सुनावणी होत आहे. वकील गुणरत्न सदावर्ते, राज्याच्या महाधिवक्त्यांकडून युक्तिवाद सुरू आहे.

01 Sep, 25 : 03:02 PM

सीएसएमटी स्टेशनवर मराठा आंदोलकांची प्रचंड गर्दी

आझाद मैदानाजवळच असलेल्या छत्रपती शिवाजी महाराज टर्मिनस स्टेशनवर आंदोलकांनी प्रचंड गर्दी केली आहे. स्टेशनवरील आंदोलकांनी याठिकाणी घोषणाबाजी सुरू केली. त्याशिवाय काही आंदोलकांनी लोकल ट्रेनच्या गार्ड केबिनमध्ये घुसल्याचा प्रकार घडला आहे. 

01 Sep, 25 : 03:02 PM

आमदार अर्जुन खोतकर यांनी घेतली मनोज जरांगे पाटील यांची भेट

मुंबईतील आझाद मैदानावर मनोज जरांगे पाटील यांच्या उपोषणाचा चौथा दिवस.  यावेळी आझाद मैदानात मनोज जरांगे पाटील यांची आमदार अर्जुन खोतकर यांनी भेट घेतली.

01 Sep, 25 : 03:01 PM

वाशी रेल्वे स्थानाकावर मराठा आंदोलकांची हुल्लडबाजी

वाशी रेल्वे स्थानकावर आंदोलक रेल्वे रूळ ओलांडत आहेत. पोलीसांनी वारंवार आवाहन करूनही मराठा आंदोलक जीव धोक्यात घालून रेल्वे रुळांवर हुल्लडबाजी सुरू आहे. काही हुल्लडबाजांमुळे आंदोलनाला गालबोट लागण्याची शक्यता. पोलिसांच्या सूचनांचे पालन करण्याचे आंदोलकांना आवाहन.