२००८ साली १९२० या चित्रपटातून बॉलिवूडमध्ये पदार्पण करणारी अभिनेत्री अदा शर्मा सध्या एका व्हिडिओमुळे सोशल मीडियावर चर्चेत आली आहे. अदा शर्मा सध्या ऋषिकेशमध्ये आहे आणि तिथले ती व्हिडिओ सोशल मीडियावर शेअर करत आहेत. आता अदाचा एक नवीन व्हिडिओ सोशल मीडियावर खूप व्हायरल होतो आहे. या व्हिडिओत अदा माकडांच्या जवळ उभी असून त्यांच्यासोबत ती इंग्रजीत बोलत आहे.
अदाने माकडांसोबतचा मजेशीर व्हिडिओ सोशल मीडियावर शेअर केला आहे आणि कॅप्शनमध्ये लिहिले की, मला लोकांनी सांगितलं की, ही जंगली माकडं आहेत, त्यांच्याशी अजिबात बोलण्याचा प्रयत्न करू नको. मला हेही सांगितलं आहे की, मी काही खाऊ घालण्याचा प्रयत्न केला तर माझे डोळ्यांना इजा करतील. जर कुणी त्यांचे हे म्हणणे ऐकले तर ही माकडं उपाशी राहतील.