झी मराठी वाहिनीवरील 'तुला पाहते रे' या मालिकेनं प्रेक्षकांच्या मनात घर केलं होतं. या मालिकेनं काही महिन्यांपूर्वी निरोप घेतला असला तरीदेखील या मालिकेतील कलाकारांनी रसिकांच्या मनात घर केलं आहे. गायत्री सोशल मी़डियावर सक्रीय असून ती तिच्या चाहत्यांना सोशल मीडियावरून अपडेट देत असते. नुकताच तिने एक फोटो सोशल मीडियावर शेअर केला आहे. या फोटोतून ती कोणत्या तरी नवीन प्रोजेक्टवर काम करत असल्याचं दिसत आहे.
गायत्री दातार हिने इंस्टाग्रामवर तिचा फोटो शेअर करत लिहिले की, नवीन काहीतरी लवकरच.
काही दिवसांपूर्वी दिग्दर्शक रवी जाधवने गायत्रीसोबतचा फोटो इंस्टाग्रामवर शेअर केला होता आणि तुला पाहते रे २ असं कॅप्शन दिलं होतं. त्यामुळे प्रेक्षकांना वाटलं होतं की तुला पाहते रे मालिकेचा सीक्वल येतो की काय मात्र रवी जाधवने या फोटोसोबत मस्करी केल्याचं सांगितलं होतं. त्यावेळीदेखील गायत्री रवी जाधवसोबत कोणत्या प्रोजेक्टवर काम करते आहे हे समजले नाही.
याशिवाय ती कोल्हापूर डायरिज चित्रपटात झळकणार आहे.