टेलिव्हिजन इंडस्ट्रीतील अभिनेत्री माहिका शर्मा तिच्या बोल्डनेससाठी ओळखली जाते. तसेच ती तिच्या विधानांमुळे बऱ्याचदा चर्चेत येत असते. कॉमेडी शो एफआयआरमध्ये झळकलेली माहिका खूप चर्चेत आली होती जेव्हा तिने एडल्ट स्टार डॅनी डीसोबत काम करत असल्याची घोषणा केली होती. यामुळे तिच्या पर्सनल आयुष्यातही खूप मोठे वादळ आले होते. एडल्ड स्टारसोबत नाव जोडल्यामुळे तिची आई तिच्यावर खूप नाराज झाली होती. पण आता लॉकडाउनमध्ये ती व तिच्या आईमध्ये जवळीकता निर्माण झाली आहे.
टाइम्स ऑफ इंडियाच्या रिपोर्टनुसार, काही दिवसांपूर्वी माहिका यूकेला फिरायला गेली होती. पण कोरोना व्हायरसमुळे भारतात लॉकडाउन जाहीर करण्यात आले आणि माहिका तिथेच अडकली. ही गोष्ट माहिकाच्या आईला कळताच त्यांना काळजी वाटू लागली. जवळपास दोन वर्षानंतर माहिकाच्या आईने तिला फोन केला असल्याचे समजते.
जेव्हा माझ्या आईला समजले की मी यूकेमध्ये अडकले आहे तेव्हा तिला माझी काळजी वाटू लागली. तिने मला फोन केला आणि फोनवर रडू लागली. तिला मला लवकरात लवकर भेटायचे आहे असे ती म्हणाली. मला फार आनंद होत आहे आता सगळे काही ठिक होईल.