मराठी कलाविश्वातील लोकप्रिय अभिनेत्री गायत्री दातार लग्नाच्या बेडीत अडकणार आहे. गायत्रीच्या लग्नापूर्वीच्या विधींना सुरुवात झाली असून लगीनघटिका समीप आली आहे. ग्रहमख पार पडल्यानंतर गायत्री दातारचा मेहेंदी सोहळा पार पडला. याचा व्हिडीओ समोर आला आहे. अभिनेत्रीच्या हातावर मेहेंदी रंगली आहे.
मेहेंदी सोहळ्यासाठी गायत्रीने खास हिरव्या रंगाचा ड्रेस परिधान केला होता. अगदी साधा मेकअप अभिनेत्रीने केला होता. हातावर खास हत्ती, राजहंस आणि फुलांची नक्षी गायत्रीच्या मेहेंदीमध्ये दिसत आहे. व्हिडीओमध्ये अभिनेत्रीच्या चेहऱ्यावरचा आनंदही स्पष्ट दिसत आहे. गायत्रीच्या होणाऱ्या नवऱ्याचं श्रीकांत चवरे असं आहे. श्रीकांतच्या घरीही लग्नापूर्वीच्या विधींना सुरुवात झाली आहे. श्रीकांतचं शिक्षण आयआयटी बॉम्बेमधून झालं असून तो ड्रोन फोटोग्राफर आहे. श्रीकांतला ट्रॅव्हल व फोटोग्राफीची आवड आहे.
गायत्री हा मराठी टेलिव्हिजनचा लोकप्रिय चेहरा आहे. तुला पाहते रे या मालिकेतून तिने टेलिव्हिजनवर पदार्पण केलं होतं. पहिल्याच मालिकेने तिला लोकप्रियता मिळवून दिली. नंतर 'अबीर गुलाल' मालिकेत ती दिसली होती. 'बिग बॉस मराठी' आणि 'चल भावा सिटीत' या रिएलिटी शोमध्ये गायत्रीने सहभाग घेतला होता. काही महिन्यांपूर्वीच गायत्रीने प्रेमाची कबुली दिली होती.
Web Summary : Marathi actress Gayatri Datar's pre-wedding festivities began with a Mehndi ceremony. She donned a green dress with simple makeup. Her mehndi featured elephants, swans, and flowers. Gayatri's groom is Shrikant Chavare, an IIT Bombay graduate and drone photographer. He loves travel and photography.
Web Summary : मराठी अभिनेत्री गायत्री दातार के प्री-वेडिंग समारोह मेहंदी के साथ शुरू हुए। उन्होंने हरे रंग का लिबास पहना था और मेकअप भी हल्का था। उनकी मेहंदी में हाथी, हंस और फूल बने थे। गायत्री के दूल्हे श्रीकांत चवरे, आईआईटी बॉम्बे से स्नातक और ड्रोन फोटोग्राफर हैं। उन्हें यात्रा और फोटोग्राफी पसंद है।