तब्बल ३ वर्षानंतर लोकप्रिय अभिनेता टीव्हीवर परतला; 'या' मालिकेत दिसणार महत्वाच्या भूमिकेत

Television: स्टार प्रवाह वाहिनीवर नुकतीच आनंदी ही नवोकोरी मालिका प्रेक्षकांच्या भेटीला आली आहे. या वेगळ्या धाटणीच्या मालिकेत एका अंध मुलीची कथा पाहायला मिळत आहे.या मालिकेतील 'आनंदी'चा साधेपणा हा प्रेक्षकांना प्रचंड आवडत आहे. एका अपघातात दृष्टी गमावलेल्या, पण तरीही जीवनाकडे अत्यंत सकारात्मक दृष्टिकोनाने पाहणाऱ्या तरुणीची गोष्ट 'आनंदी'ची गोष्ट हृदयाला भिडणारी आहे. अशातच आता या मालिकेत एका लोकप्रिय अभिनेत्याची एन्ट्री होणार आहे, तो नेमका कोण आहे? जाणून घेऊया...‘आनंदी’ या मालिकेत युगंधरच्या धाकटा भाऊ विद्याधरची एन्ट्री झाली आहे. ही भूमिका अभिनेता विकास पाटील साकारताना दिसणार आहे. विकास पाटील जवळपास 3 वर्षांनंतर तो मालिकाविश्वात दमदार पुनरागमन करत आहे. नुकताच स्टार प्रवाह वाहिनीने या मालिकेचा नवा प्रोमो शेअर केला आहे. या प्रोमो पाहून प्रेक्षकांची उत्सुकता आणखी वाढली आहे.या मालिकेच्या निमित्ताने तो जवळपास तीन वर्षांनी टीव्हीवर कमबॅक करतो आहे.दरम्यान,‘आनंदी’ या मालिकेत अभिनेत्री जाई खांडेकरची प्रमुख भूमिका आहे. तसेच समीर धर्माधिकारी, अरुण नलावडे यांच्या देखील महत्वाच्या भूमिका आहेत. एकीकडे युगंधरच्या हातून निसटणारं मोठं कॉन्ट्रॅक्ट आनंदीच्या हुशारीमुळे त्याच्या कारखान्याला परत मिळतं. त्यामुळे युगंधर आनंदीवर प्रचंड खुश होतो. अशातच त्याची भावाची एन्ट्री झाली आहे. विकास पाटीलच्या कामाबद्दल बोलायचं तर त्याने याआधी ‘गोळा बेरीज’, ‘सुख म्हणजे नक्की काय असतं’, ‘तुकाराम’, ‘अधुरी एक कहाणी’, ‘तुझ्याविन मरजावा’, ‘वर्तुळ’, ‘अशी बायको हवी’, ‘गडबड झाली’, अशा अनेक मालिका आणि चित्रपटांतून अभिनेता विकास पाटीलने प्रेक्षकांचे मनोरंजन केलंय.तसेच तो बिग बॉस मराठीच्या तिसऱ्या पर्वातही झळकला होता.

रणवीर सिंगचा 'धुरंधर २'

बिग बॉस मराठी ६

रितेश देशमुखचा 'राजा शिवाजी'

'रामायण' चित्रपट

फिल्मी : 'बिग बॉस' मन मोकळे करण्याचे ठिकाण

फिल्मी : श्रद्धा आणि चुडैल?

फिल्मी : 'कैसी ये यारियाँ'चे ३00 एपिसोड्स पूर्ण

फिल्मी : 'बिग बॉस'मध्ये हरकती

फिल्मी : नोरा फतेहीला मिळाले 'चांगले' फ्रेंड्स

फिल्मी : शिवानीच्या वार्‍या

फिल्मी : शरहानची 'लजवंती'त एन्ट्री

फिल्मी : अभिनेता अनस रशीद

फिल्मी : एक्रूपची एन्ट्री..!

फिल्मी : टीव्हीमुळे मिळाला मानसन्मान