'बिग बॉस'चा 17 वा सीझन सुरु झाला आहे. भाईजान सलमान त्याच्या अंदाजात मंचावर आला. मग एकापाठोपाठ एक स्पर्धकांच्या नावाची घोषणा झाली. आता आणखी एका स्पर्धकाविषयी खुलासा केला आहे. नावेद सोल हा बिग बॉस 17 मध्ये दाखल झाला.
लंडनचा रहिवासी असलेलानावेद सोलचा जन्म इटलीत झाल्याचं त्यानं सांगितलं. त्याला हिंदी येत नसून तो तोडक्या मोडक्या हिंदीत बोलताना दिसला. यावेळी सलमानने त्याला 'इंग्लिश बाबू' असे संबोधलं. शिवाय सलमान त्याच्यासोबत मस्ती करताना दिसला. शिवाय त्याला हिंदी शिकण्याचीही सुचना दिली.
सलमान खानने ऐश्वर्या शर्मा-नील भट्टची नावेदशी ओळख करून दिली. यादरम्यान ऐश्वर्याने नावेदसमोर बसून 'जग घुमेया' हे गाणं गायलं आणि नावेदसोबत पाणीपुरीचा आनंद लुटला. आता बिग बॉसच्या या घरात 'इंग्लिश बाबू' काय धुमाकूळ घालणार याकडे प्रेक्षकांचं लक्ष लागलं आहे.