बिग बॉस ओटीटी विजेती दिव्या अग्रवाल लग्नबंधनात अडकली आहे. दिव्याने तिचा बॉयफ्रेंड अपूर्व पाडगावकरसोबत मराठमोळ्या थाटात लग्न केलं. मंगळवारी मुंबईत दिव्या - अपूर्वने थाटामाटात एकमेकांशी लग्न केलं. विशेष म्हणजे दोघांच्या मराठमोळ्या लग्नाची चांगलीच चर्चा रंगलीय. दिव्या - अपूर्वच्या लग्नाचे फोटो अल्पावधीत सोशल मीडियावर व्हायरल झाले असून चाहत्यांनी पसंती दर्शवली आहे.
"या क्षणापासून आमची प्रेमकहाणी पुढे सुरु झालीय", असं कॅप्शन देत दिव्या - अपूर्वने लग्नाचे फोटो शेअर केलेत. जांभळ्या रंगाच्या मॅचिंग कपड्यांमध्ये अपूर्व - दिव्या यांचा जोडा एकमेकांना शोभून दिसत होता. १८ फेब्रुवारीपासून दिव्या - अपूर्वच्या लग्नविधींना सुरुवात झाली. १८ फेब्रुवारीला संगीत तर १९ फेब्रुवारीला अपूर्व - दिव्याची मेहंदी सेरेमनी रंगली. २० तारखेला या दोघांनी पारंपरिक थाटात एकमेकांशी लग्न केलं. दिव्याचा नवरा अपूर्व हा एक रेस्टॉरंंट ओनर असून तो पेशाने इंजिनीयर आहे.
लग्नाआधी अपूर्व - दिव्याने शानदार कॉकटेल पार्टीचं आयोजन केलं होतं. या पार्टीला दोघांचेही मित्र - मैत्रीण उपस्थित होते. एजाझ खान, टेरेन्स लुईस, निक्की तांबोळी, आकाश चौधरी, निबेदीता पाल, मोहित हिरानंदानी हे सेलिब्रिटी या पार्टीला उपस्थित होते. सर्वांनी पार्टीत धम्माल केली आणि दिव्या - अपूर्वचं अभिनंदन केलं. डिसेंबर २०२२ मध्ये या दोघांनी साखरपुडा केला होता.