"इथे मस्तीत नाही, शिस्तीत राहायचं...", रितेश देशमुखने अनुश्रीला धरलं धारेवर, 'त्या' कृतीबद्दल विचारला जाब

"भावाला आणलाय सांगा, आता काय सांगणार…", रितेश देशमुखचा पाराच चढला, अनुश्रीच्या 'त्या' कृतीवर व्यक्त केली नाराजी 

Bigg Bosss Marathi 6 : 'बिग बॉस मराठी'चं सहावं पर्व नुकतंच सुरु झालं आहे. अवघ्या आठवड्याभरातच हा शो रंगात आला आहे. ‘बिग बॉस मराठीच्या घरात गेल्या आठवड्यात बरेच रेड झाले, शाब्दिक चकमक पाहायला मिळाली, काही सदस्यांनी नियम तोडले, काहींमध्ये मैत्री दिसून आली तर काहींची तुटताना दिसली. आरोप - प्रत्यारोप करताना सदस्य दिसले. राकेश बापट याने साकारलेल्या बाप्पाच्या मूर्तीचे आणि प्राजक्ताच्या भजनाचे संपूर्ण महाराष्ट्राने कौतुक केले. आज रंगणाऱ्या भाऊच्या धक्क्यावर जे वाईट वागले त्यांची भाऊ चांगलीच शाळा घेताना दिसणार आहे, आणि काही सदस्यांचे कौतुक देखील करणार आहे. प्राजक्तावर दादागिरी करणाऱ्या अनुश्रीला रितेश भाऊ शब्दिक दणका देणार आहेत. भाऊच्या धक्क्यावर रितेश भाऊ आल्यावर सगळ्यांचीच बोलती होणार बंद, काही सदस्यांना द्यावी लागणार उत्तर. बघूया भाऊ कोणाची शाळा घेणार ? कोणाचे कौतुक करणार? 

सध्या नातेसंबंधांमध्ये तणाव कमालीचा वाढताना दिसतोय. अनुश्री आणि प्राजक्त यांच्यातील वादाने प्रेक्षकांचं लक्ष वेधून घेतले होते. प्राजक्ताशी बोलताना अनुश्रीचा आक्रमक आणि दादागिरीचा सूर पाहून घरातील वातावरण अधिकच तापलेलं दिसलं होतं.  या सगळ्यावर ‘भाऊचा धक्का’मध्ये रितेश देशमुख थेट आणि ठाम भूमिकेत दिसणार आहेत. प्रोमोमध्ये रितेश भाऊ अनुश्रीच्या वागणुकीवर नाराजी व्यक्त करताना स्पष्ट शब्दांत जाब विचारताना दिसतात.

त्यावरूनच रितेश भाऊ अनुश्रीला भाऊच्या धक्क्यावर जाब विचारताना आणि कानउघडणी करताना दिसणार आहेत ."अनुश्री तुम्ही काय म्हणालात प्राजक्ता यांना आईला घेऊन आलीस आता बाबांना घेऊन ये. भावाला आणलाय सांगा आता काय सांगणार. हे बिग बॉसच घरं आहे इथे मस्तीत नाही शिस्तीत राहायचं."

या वीकेंडला ‘भाऊचा धक्का’ पुन्हा एकदा जबरदस्त ठरणार असून, अनुश्रीला नेमकं काय ऐकायला मिळणार, आणि या धक्क्यानंतर घरातील समीकरणं कशी बदलणार, हे पाहणं औत्सुक्याचं ठरणार आहे.