Bigg Boss 19: 'बिग बॉस १९' हे पर्व अंतिम टप्प्यात आलं असून लवकरच याचा ग्रँड फिनाले पार पडणार आहे. गेल्या आठवड्यात एकता कपूरने तान्या मित्तल आणि अमाल मलिक यांना शोमध्ये ऑफर दिली होती. आता खुद्द सलमान खानने बिग बॉसच्या घरातील एका स्पर्धकाला वीकेंड का वारमध्ये थेट ऑफर दिली आहे. सलमान खानने शो संपल्यानंतर बिग बॉसच्या घरातली एका स्पर्धकासोबत काम करणार असल्याचं सांगितलं आहे. हा स्पर्धक म्हणजे टीव्ही सुपरस्टार गौरव खन्ना आहे.
वीकेंड का वारमध्ये सलमान खानने घरातील सदस्यांना गौरव खन्नाच्या खेळाबद्दल विचारलं. तेव्हा सर्वांनीच तो सेफ आणि बॅकफूटवर खेळत असल्याचं सांगितलं. पण, सलमानने मात्र त्याच्या खेळाचं कौतुक केलं. सलमान म्हणाला, "हा शोचा शेवटचा आठवडा आहे. आतापर्यंत गौरवचा गेम एक सारखा राहिला आहे. त्याने जबरदस्ती कोणासोबत भांडण केलेलं नाही. तो लोकांचं निरिक्षण करतो आणि त्यांना त्याबद्दल डायरेक्ट जाऊन बोलतो. गौरवची स्ट्रॅटेजी थोडी रिस्की आहे. मात्र तो कोणालाही वाईट बोललेला नाही".
"गौरवसारखी पर्सनालिटी असणारे लोक बिग बॉससारख्या शोसाठी कदाचित फायद्याचे ठरणार नाहीत. पण, त्याचा सुरुवातीपासून हाच खेळ राहिला आहे. त्याने स्वत:वर संयम ठेवला आहे. हा शो जिंकेल की नाही माहीत नाही. हा घरातून बाहेर पडल्यावर याला काम मिळेल की नाही माहीत नाही. पण, त्याचा लोक आदर करतील. त्याचे आईवडील, पत्नी, मित्रमैत्रिणी यांच्या मनात त्याच्याबद्दल आदर असेल. आणि जे लोक त्याच्याबरोबर काम करतील ते नक्कीच खूश असतील. मीदेखील लवकरच तुझ्यासोबत काम करेन", असं म्हणत भाईजानने गौरव खन्नाला थेट ऑफर दिली. ते ऐकल्यानंतर गौरव खन्ना भावुक झाला आहे.
Web Summary : Salman Khan offered Bigg Boss contestant Gaurav Khanna a job after praising his composed gameplay. Despite criticisms of playing it safe, Salman admired Gaurav's integrity and predicted future success and respect for him.
Web Summary : सलमान खान ने बिग बॉस के प्रतियोगी गौरव खन्ना को उनके संयमित खेल की प्रशंसा के बाद नौकरी की पेशकश की। सुरक्षित खेलने की आलोचनाओं के बावजूद, सलमान ने गौरव की ईमानदारी की प्रशंसा की और उनके भविष्य की सफलता और सम्मान की भविष्यवाणी की।