Gharoghari Maticha Chuli Serial: स्टार प्रवाहवरील घरोघरी मातीच्या चुली' ही मालिका लोकप्रिय मालिकांपैकी आहे. या मालिकेत सतत ट्विस्ट येतात. विविध घटना, रणदिवे कुटुंबावरील संकटे, ऐश्वर्याचे कारस्थान यामुळे ही मालिका सातत्याने चर्चेत असते. सध्या ‘घरोघरी मातीच्या चुली’ मालिका अतिशय महत्त्वाच्या वळणावर येऊन पोहोचली आहे. रणदिवे कुटुंबाला वेठीस धरणाऱ्या मायाचं खरं रूप समोर आल्यानंतर कथानकाला वेगळीच दिशा मिळाली आहे. जानकी, ऐश्वर्या आणि अवंतिका या तिन्ही सुनांनी आता मायाविरोधात उघडपणे लढा देण्याचा निर्णय घेतला आहे.
या संघर्षाला आता कायदेशीर वळण मिळणार असून, मालिकेत दमदार कोर्टरूम ट्रॅक सुरू होणार आहे. मायाच्या बाजूने केस लढवण्यासाठी एण्ट्री होणार आहे नामांकित वकील गीतांजली सरंजामेची. ही भूमिका साकारणार आहेत सुप्रसिद्ध अभिनेत्री स्मिता शेवाळे.दरम्यान, मालिकेत स्मिता शेवाळेची एन्ट्री होणार असल्याने प्रेक्षक देखील उत्सुक आहेत.
गीतांजली सरंजामे ही अत्यंत बुद्धिमान, आत्मविश्वासू आणि निष्णात वकील आहे. ती प्रत्येक केस अत्यंत शांतपणे आणि अचूकतेने हाताळते. तिच्या कारकिर्दीत तिने एकही केस गमावलेली नाही, त्यामुळे कोर्टात तिची एण्ट्री म्हणजे प्रतिस्पर्ध्यांसाठी मोठं आव्हान असतं. मायाची केस लढण्यासाठी गीतांजली रणांगणात उतरणार असून, जानकीची बाजू लढवणाऱ्या अवंतिकासोबत तिचा सामना रंगणार आहे. या लढाईत विजय नेमका कुणाचा होणार हे पहाण्यासाठी घरोघरी मातीच्या चुली मालिकेचे भाग न चुकता पहा दररोज रात्री १०.३० वाजता फक्त स्टार प्रवाहवर.
Web Summary : ‘Gharoghari Matichya Chuli’ sees a legal twist as Maya's actions lead to a courtroom drama. Advocate Gitanjali Saranjame, played by Smita Shewale, enters to fight Maya’s case, challenging Avantika. The show airs on Star Pravah at 10:30 PM.
Web Summary : ‘घरोघरी मातीच्या चुली’ में माया के कृत्यों के कारण कानूनी मोड़ आता है, जिससे कोर्टरूम ड्रामा होता है। स्मिता शेवाले द्वारा अभिनीत वकील गीतांजलि सरंजामे, माया का केस लड़ने के लिए प्रवेश करती है, जो अवंतिका को चुनौती देती है। शो स्टार प्रवाह पर रात 10:30 बजे प्रसारित होता है।