अभिनेत्री प्रिया मराठेचं यावर्षी ३१ ऑगस्ट रोजी निधन झालं. ती कॅन्सरशी झुंज देत होती. प्रियाच्या अचानक निधनाने सर्वांना धक्का बसला. प्रियाने काही वर्षांपूर्वीच कॅन्सरवर मात केली होती. 'तुझेच मी गीत गात आहे' या मालिकेत प्रिया शेवटची दिसली. मात्र पुन्हा कॅन्सरने डोकं वर काढल्याने तिला मालिका अर्ध्यातच सोडावी लागली होती. मालिकेसोबत ती 'अ परफेक्ट मर्डर' या नाटकातही काम करत होती. प्रियाच्या जागी आता या नाटकात नवीन अभिनेत्रीची एन्ट्री झाली आहे.
'अ परफेक्ट मर्डर' हे रंगभूमीवरील लोकप्रिय नाटक आहे. प्रियासोबत नाटकात अनिकेत विश्वासराव, पुष्कर श्रोत्री हे देखील होते. प्रियाच्या निधनानंतर आता या नाटकात अभिनेत्री दिप्ती भागवतची एन्ट्री झाली आहे. प्रियाच्या जागी ती दिसणार आहे. अनिकेत विश्वासराव, पुष्कर श्रोत्री, दीप्ती भागवत, श्वेता पेंडसे, राहुल पेठे, सुबोध पंडे आणि पुष्कर श्रोत्री यांची नाटकात मुख्य भूमिका आहे. 'अ परफेक्ट मर्डर'च्या अधिकृत इन्स्टाग्राम पेजवर व्हिडीओ शेअर करण्यात आला आहे. नीरज शिरवईकर यांनी नाटकाचं लेखन केलं असून विजय केंकरे यांनी दिग्दर्शन केलं आहे.
५ नोव्हेंबरपासून नाटक पुन्हा रंगभूमीवर येत आहे. रॉयल ओपेरा हाऊसमध्ये नाटकाचा शुभारंभ होणार आहे. दिप्ती भागवत या नाटकातून रंगभूमीवर येत आहे. नाटकात तिची मीरा ही भूमिका आहे. दीप्तीची मुलगी जुई भागवतही आता मराठी इंडस्ट्रीत लोकप्रिय झाली आहे. 'गुलकंद','लाईक आणि सबस्क्राईब','झापुक झुपूक' या सिनेमांमध्ये ती दिसली होती.
Web Summary : The play 'A Perfect Murder' returns to stage after Priya Marathe's death. Deepti Bhagwat steps into Priya's role, joining Aniket Vishwasrao and Pushkar Shrotri. The play, written by Neeraj Shirvaikar and directed by Vijay Kenkare, will premiere on November 5th at the Royal Opera House.
Web Summary : प्रिया मराठे के निधन के बाद नाटक 'अ परफेक्ट मर्डर' मंच पर लौट रहा है। दीप्ति भागवत प्रिया की जगह लेंगी, साथ ही अनिकेत विश्वासराव और पुष्कर श्रोत्री भी होंगे। नीरज शिरवईकर द्वारा लिखित और विजय केंकरे द्वारा निर्देशित यह नाटक 5 नवंबर को रॉयल ओपेरा हाउस में प्रीमियर होगा।