झी मराठी वरील ‘रात्रीस खेळ चाले २’ ही मालिका सध्या एका अतिशय रंगतदार वळणावर आली आहे. मालिकेच्या पहिल्या पर्वाला प्रेक्षकांनी जसा भरभरून प्रतिसाद दिला तसंच या २ भागावर देखील प्रेक्षक प्रेमाचा वर्षाव करत आहेत. या मालिकेत जेव्हापासून शेवंताची एंट्री झाली आहे तेव्हापासून मालिकेची लोकप्रियता आणखी वाढली आहे. अपूर्वा नेमळेकर या मालिकेत शेवंताची व्यक्तिरेखा साकारत आहे आणि पाहता पाहता या व्यक्तिरेखेला प्रेक्षकांनी डोक्यावर उचलून धरलं आहे. सध्या शेवंता एका नव्या लूकमध्ये पाहायला मिळते आहे. या लूकमध्ये शेवंता मॉडर्न दिसते आहे.
अपूर्वा नेमळेकर हिने ‘रात्रीस खेळ चाले २’ मालिकेतील नवा लूक इंस्टाग्रामवर शेअर केला आहे.
‘रात्रीस खेळ चाले २’ मालिकेचं कथानक शेवंताच्या अवतीभवती फिरत आहे. तिच्या भूमिकेचे विविध पैलू मालिकेत दाखवले जातात. वेळोवेळी तिच्या लूकमध्येही बदल करण्यात आले. सध्या शेवंता एका नव्या लूकमध्ये पाहायला मिळत आहे. शेवंताचा हा नवा लूक प्रेक्षकांना भुरळ पाडतो आहे.