Bollywood Couples: वयाची चाळीशी उलटल्यानंतर या कलाकारांनी बांधली लग्नगाठ अन्....
By ऑनलाइन लोकमत | Updated: October 21, 2022 17:19 IST
1 / 9प्रेमाला वय नसतं असं म्हणतात. प्रेम कुणावरही कधीही होऊ शकते. प्रेमासोबतच हा नियम आता लग्नालाही लागू होणार आहे. बॉलिवूडमध्ये असे अनेक स्टार्स आहेत, ज्यांनी वयाची ४० ओलांडल्यानंतर लग्न केले आहे. 2 / 9अभिनेता कबीर बेदी यांनी आपल्या आयुष्यात एक, दोन नाही तर चार लग्न केले आहेत. त्यांचे पहिले लग्न १९६९ मध्ये प्रोतिमा बेदीसोबत झाले होते. मात्र काही वर्षांनी दोघांचा घटस्फोट झाला. यानंतर कबीर बेदीने फॅशन डिझायनर सुशासन हम्फ्रेजशी लग्न करून आपल्या आयुष्याला नव्याने सुरुवात केली. पण त्यांचे नातेही यशस्वी झाले नाही आणि दोघांचा घटस्फोट झाला. 3 / 9कबीर बेदींनी तिसरे लग्न रेडिओ प्रेजेंटर निक्की बेदीसोबत केले. यावेळीही अडचणींमुळे त्यांचे नाते टिकू शकले नाही. मात्र, तीन लग्न मोडूनही कबीर बेदी यांचा प्रेमावरील विश्वास कमी झाला नाही. त्यांनी ६ जानेवारीला आपल्या ७० व्या वाढदिवशी ४२ वर्षीय परवीनसोबत लग्नाची घोषणा करून सर्वांना चकित केले. परवीन आणि कबीर बेदी यांच्या वयात २९ वर्षांचा फरक आहे.4 / 9नीना गुप्ता यांचे वैयक्तिक आयुष्य नेहमीच चर्चेत असते. एक काळ असा होता, जेव्हा नीना गुप्ता वेस्ट इंडिजचा माजी क्रिकेटर व्हिव्हियन रिचर्ड्सला डेट करत होती. यादरम्यान अभिनेत्रीने एका मुलीलाही जन्म दिला, तिचे नाव मसाबा गुप्ता आहे. मात्र, नीना गुप्ता आणि विवियन यांनी लग्नगाठ बांधली नाही. 5 / 9२०१८ मध्ये, अभिनेत्रीने दिल्लीचे रहिवासी सीए विवेक मेहरा यांच्यासोबत सात फेऱ्या मारल्या. त्यावेळी नीना ५० वर्षांची होती. दोघांचे लग्न अमेरिकेत झाले होते.6 / 9संजय दत्तने आयुष्यात तीन लग्न केले. त्यांचे पहिले लग्न १९८७ मध्ये रिचा शर्मासोबत झाले होते आणि हे जोडपे एका मुलीला त्रिशला दत्तचे पालक झाले होते. नंतर दुर्दैवाने ब्रेन ट्यूमरमुळे रिचाचे निधन झाले.7 / 9अनेक वर्षांनी त्याने रिया पिल्लईशी लग्न केले. त्यांचे नाते फार काळ टिकले नाही आणि दोघेही वेगळे झाले. नंतर २००८ मध्ये वयाच्या ४८व्या वर्षी त्यांनी मान्यता दत्तसोबत लग्न केले.8 / 9बॉलिवूड अभिनेत्री प्रीती झिंटाने वयाच्या ४० व्या वर्षी अमेरिकन बिझनेसमन आणि तिचा बॉयफ्रेंड जीन गुडइनफसोबत लग्न केले. प्रीती पती गुडइनफ पेक्षा १० वर्षांनी मोठी आहे. 9 / 9बॉलिवूडची 'रंगीला गर्ल' उर्मिला मातोंडकरने वयाच्या ४२ व्या वर्षी काश्मिरी बिझनेसमन आणि मॉडेल मोहसिन अख्तरसोबत लग्न केले. मोहसीन त्याची पत्नी उर्मिलापेक्षा ९ वर्षांनी लहान आहे.