छोट्या पडद्यावरील 'आई कुठे काय करते' (aai kuthe kay karte) या मालिकेच्या माध्यमातून घराघरात पोहोचलेली अभिनेत्री म्हणजे रुपाली भोसले (rupali bhosale). या मालिकेत सध्या ती संजना ही भूमिका साकारत आहे. विशेष म्हणजे खलनायिकेची भूमिका साकारुनही रुपालीने प्रेक्षकांची मनं जिंकली आहेत. त्यामुळे आज तिचा प्रचंड मोठा चाहतावर्ग असल्याचं पाहायला मिळतं. यामध्येच चाहत्यांच्या संपर्कात राहण्यासाठी रुपाली कायम प्रयत्न करत असते. अलिकडेच तिने चाहत्यांसोबत एक डान्स व्हिडीओ शेअर केला आहे.
सोशल मीडियावर सक्रीय असलेल्या रुपालीने तिचा सेटवरील एक व्हिडीओ शेअर केला आहे. या व्हिडीओमध्ये ती तिच्या स्टाफसोबत डान्स करतांना दिसत आहे. रुपाली अनेकदा इन्स्टाग्रामवर तिच्या डान्सचे व्हिडीओ शेअर करत असते. मात्र, यावेळीच्या व्हिडीओमधून तिने एक्स्प्रेशनमुळे नेटकऱ्यांची मनं जिंकली आहेत.
दरम्यान, रुपालीने वैशाली सामंत यांच्या आवाजातील मेरा दादला या गाण्यावर डान्स केला आहे. हा व्हिडीओ सध्या सोशल मीडियावर तुफान व्हायरल होत असून आतापर्यंत त्याला ८० हजारांपेक्षा जास्त लाइक्स मिळाले आहेत.