अभिनेत्री प्राजक्ता माळी सध्या व्हॅकेशन मुडमध्ये आहे. तिने आपल्या युरोप टूरचे फोटो फॅन्ससोबत इन्स्टाग्रामवर नुकतेच शेअर केले आहेत. या फोटोंना प्राजक्ताने वेगवेगळे कॅप्शनदेखील दिले आहेत. आपल्या बिझी शेड्यूलमधून स्वत: साठी वेळ काढून प्राजक्ता युरोप एन्जॉय करताना दिसतेय. प्राजक्ता सुव्रत जोशीसोबत 'डोक्याला शॉट' सिनेमात शेवटची दिसली होती. यात तिने सुब्बुलक्ष्मी नावाच्या मुलीची भूमिका साकारली होती.
सिनेमा असो किंवा पसर्नल लाईफ अगदी आगामी प्रोजेक्टबद्दलची माहिती ही ती आपल्या फॅन्ससह शेअर करते. आपले फोटोसुद्धा फॅन्ससह शेअर करत असते आणि त्यांच्याशी संवादही साधत असते. तिचे फॅन्सही तिच्या फोटोंना भरभरुन लाईक्स आणि कमेंट्सच्या माध्यमातून पसंती देत असतात. मालिका, नाटक आणि सिनेमा अशा वेगवेगळ्या माध्यमांमध्ये तिने विविध भूमिका साकारल्या आहेत.