'झी युवा'वर एक खास 'मैफिल' लवकरच रंगणार आहे. संगीत क्षेत्रातील वेगवेगळ्या नामांकित व्यक्ती यात सहभागी होणार आहेत. 'मैफिल'च्या प्रत्येक भागात एक विशेष पाहुणा मंचावर उपस्थित असेल. त्याच्या साथीने गप्पा आणि संगीताची एक अनोखी मैफिल रंगेल. क्रांती रेडकर या कार्यक्रमाचे सूत्रसंचालन करणार आहे. ९ डिसेंबरपासून सोमवार आणि मंगळवार रात्री ९:३० वाजता हा कार्यक्रम आपल्या सगळ्यांच्या भेटीला येणार आहे.
डान्स आणि अभिनयासाठी प्रसिद्ध असणारी क्रांती उत्तम सूत्रसंचालक सुद्धा आहे. अर्थात, टीव्हीवरील कार्यक्रमात ती पहिल्यांदाच सूत्रसंचालन करणार आहे. काही काळापूर्वी दिग्दर्शक म्हणूनही क्रांतीने पदार्पण केलेले आहे. या निराळ्या, खास, कोऱ्या करकरीत कार्यक्रमात ती निवेदक म्हणून पाहायला मिळणार आहे.