उरी सिनेमातील ‘हाऊ इज द जोश’ या डायलॉगने नव्या इतिहास लिहिला. ‘उरी- द सर्जिकल स्ट्राईक’सिनेमातील हा डायलॉग सुपरडुपर हिट झाला. सोशल मीडियापासून गल्लीबोळापर्यंत पोहोचला. अगदी राजकारण्यांमध्येही ‘उरी’चा हा संवाद लोकप्रिय झाला.
किंबहुना या डायलॉगमुळे हा सिनेमा हिट ओळखला जाऊ लागला असे म्हटले तर वावगे ठरणार नाही. मात्र हा डायलॉग सिनेमात विकी कौशलला नको होता. होय, दिग्दर्शक आदित्य धरने याबाबतचा खुलासा केला आहे.
आदित्यने एका इंग्रजी वृत्तपत्राला दिलेल्या मुलाखतीत सांगितले आहे की, ''आम्ही उरीचे म्यानमारमध्ये शूटिंग करत होतो. कॅमेरा रोल होण्यासाठी दोन मिनिटं असताना विक्की कौशल माझ्याकडे आला आणि त्यांने मला हा डायलॉग बदलण्यास सांगितले. विक्की म्हणाला हा डायलॉग फिल आणि जोश येत नाही. मात्र मी विकीला समजावले की जवानांमध्ये जोश येण्यासाठी अशा लाईन्स आर्मी अधिकारी सरावाच्या दरम्यान वापरत असतात. त्यामुळे तू प्रयत्न कर.'' पुढे तो म्हणाला, विक्की हा डायलॉग म्हणाला आणि तिथं उपस्थित 30 जणांच्या अंगावरे शहारे आले.