काही वर्षांपूर्वी कॉमेडियन कपिल शर्मा (Kapil Sharma) आणि सुनील ग्रोव्हर(Sunil Grover)मध्ये फ्लाइटमध्ये अशी भांडणे झाली होती की त्यानंतर ते दोघेही वेगळे झाले होते. सुमारे ६ वर्षे दोघांमध्ये वाद होते. पण आता नेटफ्लिक्सने दोघांमधील भांडण संपवले आहे. होय, कपिल शर्मा आणि सुनील ग्रोव्हर पुन्हा एकदा एकत्र येत आहेत. दोघांचा आगामी शो टीव्हीवर नाही तर OTT प्लॅटफॉर्म नेटफ्लिक्सवर असेल. ज्याची अधिकृत घोषणाही करण्यात आली आहे.
नेटफ्लिक्सने आगामी शोबद्दल पोस्ट केले आहे. त्यावर लिहिले आहे, 'मन लावून बसा. आम्ही ज्या गाडीची वाट पाहत होतो ते आले. कपिल शर्मा आणि सुनील ग्रोव्हर पुन्हा एकदा पुनरागमन करत आहेत. लवकरच त्यांचा नवा पत्ता नेटफ्लिक्स असेल. शोशी संबंधित व्हिडिओमध्ये कपिल शर्माचा संपूर्ण क्रू दिसत आहे. सुनील ग्रोव्हरशिवाय कपिल शर्मा, किकू शारदा, कृष्णा अभिषेक आणि राजीव ठाकूर दिसत आहेत.
सुनील ग्रोव्हर आणि कपिल शर्मा एकत्रया व्हिडिओमध्ये सुनील ग्रोव्हर आणि कपिल शर्माने त्यांच्या फ्लाइटमध्ये झालेल्या भांडणाचाही उल्लेख केला आहे. कपिल शर्मा म्हणतो की ते पुन्हा एकत्र येत आहेत. त्यानंतर सुनील ग्रोव्हरने त्याला ऑस्ट्रेलियात राहू द्या असा टोमणा मारला. मग तो असेही म्हणतो की यावेळी तो विमानाने नाही तर रस्त्याने जाणार आहे.
का झाली होती कपिल शर्मा-सुनील ग्रोवरची भांडणं?२०१७ मध्ये कपिल शर्मा आणि सुनील ग्रोव्हर यांच्यात भांडण झाले होते. ऑस्ट्रेलियाहून येत असताना फ्लाइटमध्ये दोघांमध्ये बाचाबाची झाली. 'हिंदुस्तान टाइम्स'च्या रिपोर्टनुसार, एका प्रत्यक्षदर्शीने त्या घटनेबाबत सांगितले होते की, कपिल शर्माने फ्लाइटमध्ये मद्य प्राशन केले होते. त्याची संपूर्ण टीम जेवत होती आणि नशेत कपिलचा संयम सुटला आणि तो म्हणाला की त्याच्याशिवाय तुम्ही का खाताय. त्यानंतर कॉमेडियनने चपला काढून फेकल्या. सुनील ग्रोव्हरची कॉलरही पकडली. यानंतर सुनील शोमध्ये परतला नाही आणि त्यांच्या भांडणाची बातमी वणव्यासारखी पसरली.