टायगर श्रॉफची छोटी बहिण व अभिनेता जॅकी श्रॉफची मुलगी कृष्णा श्रॉफ नेहमी चर्चेत असते. तिच्या चाहत्यांना तिलाही बॉलिवूडमध्ये काम करताना पहायचं आहे. मात्र तिचे बॉलिवूडमध्ये काम करण्याचा अद्याप तरी विचार दिसत नाही. सध्या तिनं बास्केटबॉल प्लेअर एबन हयंससोबतच्या नात्यावर लक्ष केंद्रीत केलेलं दिसतंय. नुकतंच कृष्णानं एका मुलाखतीत एबनसोबतच्या नात्याबद्दल सांगितलं.
कृष्णाचं एबनवर प्रेम आहे आणि ती त्याच्याबद्दल सांगायला अजिबात घाबरत नाही. तिने त्यांच्या प्रेमाची सुरूवात कशी झाली याबद्दल स्पॉटबॉय या वेबसाईटला सांगितलं. ती म्हणाली की, आमची भेट सोबो हाऊसमध्ये झाली होती. मी त्याच्या एका मित्राला ओळखत होते.आम्ही एकमेकांना भेटण्यासाठी एकत्र आलो होते. त्या मित्राने एबनला तिथे बोलवलं. माझं त्याच्याशी बोलणं झालं. आम्ही बास्केटबॉलबद्दल बोललो कारण आम्हाला दोघांना बास्केटबॉल आवडतं.