आज मुंबईसह राज्यातल्या २९ महानगरपालिकांसाठी मतदान होत आहे. नेते मंडळी, सेलिब्रिटी आणि सामान्य नागरिक सर्वच मतदान करायला बाहेर पडत आहेत. नेहमीप्रमाणे सकाळी सर्वात आधी मतदान करायला अक्षय कुमार पोहोचला. बांद्रा येथील केंद्रावर त्याने मतदान केलं. बाहेर आल्यानंतर त्याने माध्यमांशी संवाद साधला. मतदानाचं महत्व त्याने नागरिकांना पटवून सांगितलं. काय म्हणाला अक्षय कुमार?
एएनआयला दिलेल्या प्रतिक्रियेत अक्षय कुमार म्हणाला, "आज महानगरपालिकेचं मतदान आहे. मुंबईकर म्हणून मी सुद्धा मत दिलं आहे. आजचाच दिवस आहे जेव्हा रिमोट कंट्रोल आपल्या हातात असतं. त्यामुळे मी सर्व मुंबईकरांना हेच सांगेन की मतदान करा. आपण एरवी पाणी नाही, वीज नाही, रस्त्यांचा वाईट अवस्था आहे, कचरा जमा झालाय अशा तक्रारी करत असतो. शक्य तितकं एकूण एक व्यक्तीने मतदान करावं आणि योग्य उमेदवाराला निवडून द्यावं. मुंबईकरांचा असली हिरो व्हायचं असेल तर डायलॉगबाजीला महत्व नाही तर बाहेर पडून मतदान करा."
मतदान झाल्यानंतर अक्षय कुमारजवळ एक मुलगी येते. 'बाबांवर मोठं कर्ज आहे' असं म्हणत ती अक्षयला काही कागद दाखवते. यानंतर अक्षय तिला 'तुझा नंबर देऊन ठेव' असं सांगतो. ती मुलगी अक्षयच्या पाया पडते. त्याचा हा व्हिडीओ सोशल मीडियावर व्हायरल होतोय. अक्षयने त्या मुलीचं ऐकून घेतलं यामुळे त्याचं कौतुकही होत आहे.
अक्षय कुमारसोबत पत्नी ट्विंकल खन्नानेही मतदान केलं. यानंतर सचिन तेंडुलकर, सान्या मल्होत्रा हे काही सेलिब्रिटीही मतदान करायला केंद्रावर पोहोचले.
Web Summary : Akshay Kumar voted early in Mumbai, emphasizing the importance of voting to address civic issues. He encouraged all Mumbaikars to vote for the right candidate, highlighting that voting is their 'remote control' for change. He also interacted with a fan after voting.
Web Summary : अक्षय कुमार ने मुंबई में जल्दी मतदान किया, नागरिक मुद्दों को संबोधित करने के लिए मतदान के महत्व पर जोर दिया। उन्होंने सभी मुंबईकरों को सही उम्मीदवार को वोट देने के लिए प्रोत्साहित किया, यह कहते हुए कि मतदान परिवर्तन के लिए उनका 'रिमोट कंट्रोल' है। उन्होंने मतदान के बाद एक प्रशंसक के साथ बातचीत भी की।