"आता ही संपूर्ण दुनिया तुझ्यासाठी..."; 'उझैर बलोच'ची गर्लफ्रेंड आहे प्रसिद्ध अभिनेत्री, लिहिली खास पोस्ट

दानिश पंडोरची गर्लफ्रेंड अभिनेत्री आहे. अहानाने सोशल मीडियावर बॉयफ्रेंडचं कौतुक करणारी खास पोस्ट लिहिली आहे

'धुरंधर २' ची सध्या खूप चर्चा आहे. दोन्ही भागांमध्ये रहमान डकैतचा धाकटा भाऊ उझैर बलोचची भूमिकाही चांगलीच गाजली. भावाच्या मागे खंबीरपणे उभा असणारा, भावाच्या मारेकऱ्यांना सर्वांसमोर मारणारा, हमजाचा खास मित्र अशा रुपात उझैर बलोच समोर आला. अभिनेता दानिश पंडोर या भूमिकेत दिसला. दानिश पंडोरची गर्लफ्रेंड अहाना कुमरा ही अभिनेत्री आहे. अहानाने सोशल मीडियावर बॉयफ्रेंडचं कौतुक करणारी खास पोस्ट लिहिली आहे

 अहानाने दानिशसोबतचे फोटो शेअर करुन लिहिलंय की, ''शांतपणे वाट पाहिलीस... ते आज अफाट प्रेमापर्यंत असलेला तुझा प्रवास! 'धुरंधर' पासून सुरू झालेला तुझा हा प्रवास आणि 'धुरंधर - द रिव्हेंज'ला मिळालेले हे अभूतपूर्व यश खरंच एखाद्या जादूसारखं आहे! इतकी वर्षे तू ज्या प्रेमाची अत्यंत संयमाने आणि प्रामाणिकपणे प्रतीक्षा केलीस, ते प्रेम तुला अखेर मिळताना पाहून माझे हृदय अभिमानाने भरून आले आहे!'' 

'''उझैर बलोच'ची तुझी भूमिका अत्यंत ताकदवान आणि अविस्मरणीय आहे!  आणि आता ही संपूर्ण दुनिया तुझ्यासाठी थांबलेली पाहताना खूप आनंद होतोय! लोक तुझे फोटो घेण्यासाठी उत्सुक आहेत, तुझ्यासाठी कौतुकास्पद संदेशांचा वर्षाव होतोय आणि तू समोरून गेल्यावर लोकांच्या काळजाचा ठोका चुकत आहे... हा क्षण सर्वस्वी तुझा आहे! प्रत्येक अभिनेत्याचे हेच स्वप्न असते!!'' 

''नेहमी 'शुक्रवार'च्या खेळाबद्दल बोलले जाते... पण तुझ्यासाठी, एका 'सोमवारने' सर्व काही बदलून टाकले! तुझ्यावरचे हे प्रेम असेच वाढत राहो, तुझा हा प्रवास नवनवीन शिखरं गाठत राहो आणि तुझ्या मनातील प्रत्येक इच्छा पूर्ण होवो! या यशाच्या प्रकाशावर (Spotlight) तुझाच हक्क आहे!'', अशी खास पोस्ट लिहून अहानाने दानिशचं कौतुक केलं आहे.