मोठी बातमी! 'धुरंधर' फेम अभिनेत्याला अटक; घरकाम करणाऱ्या महिलेचे १० वर्षे लैंगिक शोषण केल्याचा आरोप

Actor Nadeem Khan Malvani Police Rape Case: 'धुरंधर' मधील अभिनेता नदीम खानला मालवणी पोलिसांकडून अटक; पोलीस कोठडीत रवानगी.

मुंबई: मुंबईतील ओशिवरा पोलिसांनी प्रसिद्ध अभिनेता नदीम खान याला बलात्काराच्या आरोपाखाली अटक केली आहे. नदीमवर त्याच्या घरात काम करणाऱ्या ३४ वर्षीय महिलेने तब्बल १० वर्षे लैंगिक शोषण केल्याचा खळबळजनक आरोप केला आहे. नदीम खान हा 'धुरंधर' या चित्रपटामुळे चर्चेत होता.

पीडित महिलेने दिलेल्या तक्रारीनुसार, २०१४ मध्ये ती नदीमच्या घरी घरकामासाठी लागली होती. आरोपीने लग्नाचे खोटे आमिष दाखवून तिच्यावर वारंवार बलात्कार केला. इतकेच नाही तर, पीडितेने जेव्हा लग्नासाठी तगादा लावला, तेव्हा त्याने तिला मारहाण केली आणि जीवे मारण्याची धमकी दिली. पीडितेने असाही आरोप केला आहे की, या १० वर्षांच्या काळात तिने दोनदा गर्भपात करण्यासही भाग पाडले.

पोलिस कारवाईपीडित महिलेने हिंमत एकवटून ओशिवरा पोलिस ठाण्यात धाव घेतली आणि नदीम विरोधात तक्रार दाखल केली. पोलिसांनी भारतीय दंड संहितेच्या (IPC) कलम ३७६ (बलात्कार), ३१३ (महिलेच्या संमतीशिवाय गर्भपात करणे), ३२३ (मारहाण) आणि ५०६ (धमकावणे) अन्वये गुन्हा दाखल केला आहे. या प्रकरणाचा अधिक तपास सुरू असून, नदीमला न्यायालयाने पोलिस कोठडी सुनावली आहे.

नदीम खान हा चित्रपटसृष्टीत स्वतःची ओळख निर्माण करण्याचा प्रयत्न करत असतानाच या गंभीर आरोपामुळे त्याच्या कारकिर्दीला मोठा फटका बसला आहे. 'धुरंधर' या चित्रपटात दरोडेखोर रहमानच्या स्वयंपाक्याची (अखलाक) भूमिका नदीम खानने साकारली होती.