सध्या मराठी मनोरंजन विश्वात 'अभंग तुकाराम' सिनेमाची चांगलीच उत्सुकता आहे. दिग्पाल लांजेकर दिग्दर्शित हा सिनेमा काहीच दिवसांमध्ये थिएटरमध्ये रिलीज होणार आहे. संत तुकाराम महाराज यांच्या आयुष्याचा एक वेगळा पैलू या सिनेमातून बघायला मिळणार आहे. या सिनेमात अभिनेता अजिंक्य राऊत छत्रपती शिवाजी महाराजांची भूमिका साकारणार आहे. अजिंक्य राऊतने या सिनेमात काम करण्याचा अनुभव सांगितला.
लोकमत फिल्मीला दिलेल्या मुलाखतीत अजिंक्य म्हणाला की, ''मी माझ्या पहिल्या किंवा दुसऱ्या मालिकेत रडण्याचा सीन असेल तर तो सीन अनुभवण्यासाठी ग्लिसरीन घ्यायचो. कारण ती सुरुवात व्हावी आणि नंतर मी तो क्षण जगावा, असं माझं नेहमी असायचं. पण या सेटवरचं वातावरण म्हणा किंवा ज्यानुसारचं लिखाण होतं, याशिवाय योगेश सरांनी याआधीही संत तुकाराम महाराजांची भूमिका साकारली होती. त्यांचा तो अनुभव आणि हे सर्व प्रत्यक्षात मी पाहत होतो. याशिवाय मी स्वतः त्या भूमिकेत मी होतो.''
''मी ज्या कपड्यांमध्ये होतो, तो जिरेटोप मी प्रत्यक्षात बघितला. अशावेळी माणूस दंग होऊन जातो. सतत डोळ्यात पाणी होतं, आतमध्ये एक गलबलायला होत होतं. छत्रपती शिवाजी महाराज पहिल्यांदा संत तुकाराम महाराजांना भेटतात आणि पुढे त्या गोष्टी घडत जातात. मी प्रत्येक भावना आणि शब्द मनापासून अनुभवले आहेत. माझी आशा आहे, की हे प्रेक्षकांपर्यंतही पोहचेल.'' अशाप्रकारे अजिंक्य राऊतने त्याचा अनुभव शेअर केला आहे. अजिंक्य या सिनेमात १९ वर्षांच्या छत्रपती शिवरायांची भूमिका साकारणार आहे. 'विठू माऊली' मालिकेनंतर अजिंक्यला या भूमिकेत पाहण्यासाठी त्याचे चाहते उत्सुक आहेत.
Web Summary : Ajinkya Raut portrays Shivaji Maharaj in 'Abhang Tukaram'. He described feeling overwhelmed, with tears, during filming. Experiencing the role deeply, he hopes the audience connects with it. He plays 19-year-old Shivaji.
Web Summary : 'अभंग तुकाराम' में अजिंक्य राउत शिवाजी महाराज की भूमिका निभा रहे हैं। उन्होंने फिल्मांकन के दौरान अभिभूत महसूस करने और आँसू आने का वर्णन किया। भूमिका को गहराई से महसूस करते हुए, उन्हें उम्मीद है कि दर्शक इससे जुड़ेंगे। वह 19 वर्षीय शिवाजी की भूमिका निभा रहे हैं।