आज आषाढी एकादशीनिमित्ताने हजारो वारकरी पंढरपूरच्या दिशेने रवाना झाले आहेत. या वारीसोहळ्यात अनेक मराठी कलाकारही सहभागी होत असतात. अशातच अभिनेता अमित रेखी यांना या वारीसोहळ्यात सहभागी होण्याची संधी मिळाली. झी टॉकीजच्या यात्रेचे विशेष कव्हरेज करण्याची संधी यंदा चॅनलने अमित रेखी या गुणी कलाकाराला दिली. त्यानिमित्ताने अमितने त्याचा अनुभव शब्दबद्ध केलाय.
अमित रेकीचा वारीमधील अनुभववारीच्या प्रवासात अमित रेखी यांनी वारकऱ्यांच्या संघासह प्रवास केला. "वारी हा एक अद्वितीय अनुभव आहे. प्रत्येक पावलावर भक्तांचा उत्साह, श्रद्धा आणि प्रेम जाणवते," अमितने सांगितले. त्यांनी वारीच्या दरम्यान अनेक भक्तांच्या कथा ऐकल्या आणि त्यांच्या भावना सजीवपणे प्रेक्षकांसमोर मांडल्या.
५ व्या दिवशी अमित आणि त्यांच्या टीमने एका लहानशा गावात थांबण्याचा निर्णय घेतला. त्या रात्री, गावातील एक वृद्ध महिला, लक्ष्मीबाई, यांनी अमितला आपल्या घरात आमंत्रित केले. लक्ष्मीबाईंच्या कथेने अमितला भावूक केले. गेली ४० वर्षे वारीत मोलमजुरी करून त्या सहभागी होत आहेत. आधी त्या आपल्या नवऱ्याबरोबर यायच्या मात्र गेली ३ वर्षे एकट्याच येत आहेत, कारण त्यांच्या नवऱ्याची शेवटची इच्छा होती की त्यांनी वारी कधीच चुकवायची नाही. लक्ष्मीबाईंनी सांगितले की, "प्रत्येक वारीत मला विठोबाची एक वेगळी अनुभूती मिळते."
अमितची भावनिक प्रतिक्रिया
अमितने आपल्या अनुभवाचे वर्णन करताना सांगितले की, "ही वारी माझ्यासाठी एक जीवन बदलणारी अनुभूती ठरली आहे. भक्तांच्या श्रद्धेने मला प्रेरणा दिली आहे आणि त्यांच्या कथांनी माझ्या हृदयाला स्पर्श केला आहे." अमित रेकी यांनी पंढरपूर वारीचं कमाल कव्हरेज केलंय. त्यांच्या उत्कृष्ट सादरीकरणाने आणि वारकरी भक्तांच्या कथांनी प्रेक्षकांना वारीचा अद्वितीय अनुभव मिळवून दिला आहे. झी टॉकीजच्या या उपक्रमामुळे वारीच्या सांस्कृतिक परंपरेचा प्रसार अधिक व्यापक झाला आहे.
झी टॉकीजचा उपक्रमवारीच्या या विशाल सोहळ्यात झी टॉकीजने भक्तांसाठी खास उपक्रम राबवले आहेत. झी टॉकीजने एक भव्य चित्ररथ साकारला आहे ज्यात १२ फुटांची विठोबा आणि रुक्मिणीची मूर्ती आहे. हा चित्ररथ वारीच्या मार्गावर फिरत भक्तांना प्रत्यक्ष मंदिरात असल्याची अनुभूती देतो. त्याचप्रमाणे, एक दुसरा चित्ररथ आहे, ज्यावर विठोबा-रुक्मिणीसाठी वस्त्र तयार होत आहेत, ज्यात वारकरी सुद्धा श्रमदान करत आहेत. झी टॉकीजच्या या अनोख्या उपक्रमामुळे भक्तांची श्रद्धा अधिक वृद्धिगंत झाली आहे.