९० च्या दशकात हिंदी सिनेसृष्टीला अनेक दिग्गज अभिनेत्री मिळाल्या, पण एक चेहरा असा होता ज्याने आपल्या निरागस हास्याने, डान्सने आणि धाडसी अभिनयाने प्रेक्षकांना वेड लावले. ती अभिनेत्री म्हणजे 'मस्त मस्त गर्ल' रवीना टंडन. रवीना केवळ तिच्या सौंदर्यासाठीच नाही, तर एका अशा ऐतिहासिक किस्स्यासाठी ओळखली जाते जो थेट कारगिल युद्धाशी जोडलेला आहे.
जेव्हा पाकिस्तानवर डागली गेली 'रवीना टंडन' मिसाइल१९९९ च्या कारगिल युद्धादरम्यानचा एक किस्सा आजही प्रत्येक भारतीयाचा ऊर अभिमानाने भरून आणतो. त्यावेळी रवीना टंडनची लोकप्रियता शिखरावर होती. भारतीय लष्कराच्या जवानांनी एका मिसाइलवर "From Raveena Tandon to Nawaz Sharif" असे लिहिले होते. हे मिसाइल थेट पाकिस्तानच्या दिशेने डागले गेले. ग्लॅमर आणि देशभक्तीचा असा अनोखा संगम इतिहासात क्वचितच पाहायला मिळतो. आजही रवीनाचे नाव निघाले की या 'मिसाइल'ची चर्चा नक्की होते.
मोहरा ते ओटीटी; अभिनयाचा प्रवास'मोहरा', 'दिलवाले', 'अंदाज अपना अपना' आणि 'खिलाडीयों का खिलाडी' सारख्या चित्रपटांमधून रवीनाने आपली वेगळी ओळख निर्माण केली. केवळ 'ग्लॅमरस डॅाल' न राहता तिने 'दमन' आणि 'सत्ता' सारख्या चित्रपटांतून आपल्या अभिनयाची ताकद दाखवून दिली. 'दमन' चित्रपटासाठी तिला राष्ट्रीय पुरस्काराने देखील सन्मानित करण्यात आले. सध्या रवीना ओटीटी प्लॅटफॉर्मवरही आपल्या अभिनयाचा ठसा उमटवत आहे.
सोशल मीडियावर आजही राज्यरवीना टंडन सोशल मीडियावर प्रचंड सक्रिय असते. आजही तिचे जुने डान्स व्हिडिओ आणि फोटो क्षणात व्हायरल होतात. वाढत्या वयातही तिची फिटनेस आणि आत्मविश्वास पाहून तरुण अभिनेत्रींनाही हेवा वाटतो. इन्स्टाग्रामवर तिची फॅन फॉलोइंग दिवसेंदिवस वाढत असून, नवीन पिढीलाही तिच्या अदांनी भुरळ घातली आहे.
Web Summary : Raveena Tandon, a 90s icon, charmed with her acting and dance. During the Kargil war, a missile was inscribed with her name and directed towards Pakistan. She delivered powerful performances in films like 'Daman' and continues to impress on OTT platforms.
Web Summary : 90 के दशक की रवीना टंडन अपनी अदाकारी और नृत्य से छाई रहीं। कारगिल युद्ध के दौरान, एक मिसाइल पर उनका नाम लिखा गया और पाकिस्तान की ओर दागी गई। 'दमन' जैसी फिल्मों में उन्होंने दमदार अभिनय किया और ओटीटी पर भी छाई हुई हैं।