Sangli Assembly Election 2024, Sangli Vidhan Sabha Election Results 2024 - Latest Marathi News | Sangli Assembly Election Result 2024 | सांगली विधानसभा निवडणूक निकाल 2024, ताज्या मराठी बातम्या | Maharashtra Election Results, Live Updates & Counting

सांगली : आजची महिला अबला नसून सबला झाली आहे, असे भाषण देणारे नेते मात्र खुद्द महिला शक्तीवरच विश्वास ठेवत नसल्याचे दिसून येते. सांगली जिल्ह्यातील आठ विधानसभा मतदारसंघातील एकही जागेवर महायुती व महाविकास आघाडीने महिला उमेदवार दिलेला नाही. राजकीय व्यासपीठावर महिलांचे गुणगाण गाणाऱ्या सर्व राजकीय पक्षांना लाडक्या बहिणींचे वावडे का? असा प्रश्न महिलांना पडला आहे.आजची महिला प्रत्येक क्षेत्रात पुरुषाच्या खांद्याला खांदा लावून काम करत आहे. यात राजकारणही सुटलेले नाही. लोकसभा ते विधानसभा तेथेही महिला महत्त्वाची पदे भूषवत आहेत. राजकारणात महिलांना विशेष ५० टक्के आरक्षणावर शिक्कामोर्तब झाले. पुढील निवडणुकीत ते लागू होणार आहे. मात्र, आता राज्यात विधानसभा निवडणुकीचे वारे वाहत असून, या निवडणुकीत महिलांसोबत सर्वच राजकीय पक्षांकडूनच दुजाभाव करण्यात आल्याचा प्रकार जिल्ह्यात घडला आहे.जिल्ह्यातील आठही विधानसभा क्षेत्रातील उमेदवारांचे चेहरे आता स्पष्ट झाले आहेत. महायुती व महाविकास आघाडीने आपली यादी जाहीर केली असून, त्यांच्या उमेदवारांनी अर्ज भरले आहेत. येथे मात्र आठही विधानसभा क्षेत्रात त्यांनी एकही महिला उमेदवार दिलेला नाही. विशेष म्हणजे, भाजपने मागील निवडणुकीत पराभूत झालेल्या दोघांना पुन्हा संधी दिली. पण एकाही महिला उमेदवाराला संधी दिलेली नाही. तर काँग्रेस, राष्ट्रवादी काँग्रेस शरदचंद्र पवार पक्ष, राष्ट्रवादी काँग्रेस, उद्धवसेना या पक्षांची सुद्धा हीच स्थिती आहे.जिल्ह्यात महिलांना १० टक्केही संधी नाही..राजकारणात महिलांसाठी राखीव जागांमुळे, त्यांच्या सहभागामुळे सर्वसामान्य महिलांचे जीवनमान बदलू लागले आहे. कालपर्यंत शेतात खुरपणारी, चूल आणि मूल सांभाळणारी स्त्री पंचायतीत जाऊन गावाचा कारभार पाहू लागली आहे. विधानसभा आणि लोकसभा निवडणुकीत ५० टक्के राहू द्या, किमान १० टक्के तरी महिलांना संधी देण्याचे धाडस राजकीय पक्षांनी दाखवण्याची गरज होती. पण गल्लीपासून ते दिल्लीपर्यंतच्या राष्ट्रीय आणि स्थानिक राजकीय पक्षांनी सांगली जिल्ह्यातील महिलांना विधानसभा आणि लोकसभा निवडणुकीतील राजकारणापासून दूरच ठेवले आहे.सांगली जिल्ह्यातील महिला आमदारआमदार - मतदारसंघ - पक्ष - वर्षकळंत्रे आक्का - मिरज - काँग्रेस - १९५२सरोजिनी बाबर - शिराळा - काँग्रेस - १९५२शालिनीताई पाटील - सांगली - काँग्रेस - १९८०सुमनताई पाटील - तासगाव-क. महांकाळ - राष्ट्रवादी - २०१५सुमनताई पाटील - तासगाव-क. महांकाळ - राष्ट्रवादी - २०१९

Sangli Assembly Election 2024

News Sangli

सांगली :जुने हिशेब चुकते करण्यासाठी सांगलीतील नेते विधानसभा रणांगणात

सांगली :दिल्लीच्या तख्तापुढे आम्ही झुकणार नाही - सुप्रिया सुळे

औदुंबर येथे विश्वजित कदम यांच्या प्रचारास प्रारंभ ...

सांगली :काँग्रेसच्या बंडखोर उमेदवार जयश्री पाटील यांच्या सभेत विशाल पाटील

सांगली :“जयश्री पाटील या महाविकास आघाडीच्या उमेदवार, यांनाच निवडून द्या”; विशाल पाटील यांचे आवाहन

सांगली :सांगली जिल्ह्यातील तीन मतदारसंघात तिरंगी लढत; कुणाचे गणित बिघडविणार ?..वाचा सविस्तर

आजपासून प्रचार सभा, बैठकांचा धुरळा ...

सांगली :सांगलीत महाविकास आघाडीला धक्का! काँग्रेसच्या जयश्री पाटील यांची बंडखोरी कायम, तिरंगी लढत होणार

Maharashtra Vidhan Sabha Election 2024 : सांगली विधानसभा मतदारसंघात काँग्रेसच्या जयश्री पाटील यांनी अपक्ष अर्ज कायम ठेवला आहे. ...

सांगली :सांगली विधानसभेत महाविकास आघाडीला धक्का! जयश्री पाटील निवडणूक लढवण्यावर ठाम

Maharashtra Vidhan Sabha Election 2024 : सांगली विधानसभा मतदारसंघात काँग्रेस नेत्या जयश्री पाटील यांनी अपक्ष अर्ज दाखल केला आहे. ...

सांगली :राजकीय पक्षांना सत्तेत लाडक्या बहिणींचे वावडे का?, सर्वच पक्षांकडून महिला उमेदवारांबाबत दुजाभाव

सांगली : आजची महिला अबला नसून सबला झाली आहे, असे भाषण देणारे नेते मात्र खुद्द महिला शक्तीवरच विश्वास ठेवत ... ...