Maharashtra Vidhan Sabha Election 2024 | Maharashtra Assembly Election 2024 | Assembly Election 2024 Live Updates | Maharashtra Vidhan Sabha, Assembly Election 2024 Result | महाराष्ट्र विधानसभा निवडणूक 2024

लोकमत न्यूज नेटवर्क, शिराळ चिचोंडी : केंद्रात भाजप मित्र पक्षांचे सरकार आहे. त्यामुळे भविष्यात महाराष्ट्राचा सर्वांगीण विकास करण्यासाठी राज्यातही महायुतीचे सरकार येणे गरजेचे आहे. लोकसभा निवडणुकीत 'फेक नॅरेटिव्ह' तयार केले गेले; मात्र आता राज्याचा विकास साधण्यासाठी 'फेक नॅरेटिव्ह'ला बळी न पडता महायुतीच्या सर्व उमेदवारांच्या मागे उभे राहा, असे आवाहन आमदार पंकजा मुंडे यांनी केले.पाथर्डी तालुक्यातील चिचोंडी येथे राहुरी विधानसभा मतदारसंघातील महायुतीचे उमेदवार शिवाजी कर्डिले यांच्यासाठी शुक्रवारी दुपारी प्रचारसभा झाली. यावेळी त्या बोलत होत्या. यावेळी माजी खासदार सुजय विखे पाटील, मतदारसंघाचे प्रभारी महेंद्रभाई पटेल, आमदार मोनिका राजळे, विक्रम पाचपुते, विठ्ठलराव लंघे, भाजप जिल्हाध्यक्ष दिलीप भालसिंग, शिंदेसेना जिल्हाध्यक्ष बाबूशेठ टायरवाले, जिल्हाध्यक्ष अशोक सावंत, सत्यजित कदम, अक्षय कर्डिले, राजूभाऊ शेटे, धनराज गाडे, सुरेश बानकर, बाबा राजगुरू, सीमाताई ठोंबरे, नामदेवराव ढोकणे, विक्रमराव तांबे, भाऊसाहेब बर्फ, डॉ. मृत्युंजय गर्ने, बाबा राजगुरू, विलास गजभिव, काशीनाथ पाटील लवांडे, अहिल्यानगर बाजार समितीचे सभापती भाऊसाहेब बोठे, उपसभापती रभाजी सूळ, बाळासाहेब अकोलकर, संभाजी पालवे, पुरुषोत्तम आठरे, शिवाजीराव पालवे, एकनाथ आटकर, वैभव खलाटे आदींसह पदाधिकारी, कार्यकर्ते उपस्थित होते.पंकजा मुंडे म्हणाल्या, शिवाजी कर्डिले हे कामाचा माणूस आहेत. सर्वसामान्य जनतेच्या प्रश्नांची सोडवणूक करण्यासाठी त्यांनी कधी वयाचाही विचार केला नाही. जनतेसाठी प्रामाणिकपणे काम करणाऱ्या माणसाला विधानसभेत पाठवा, असे आवाहन केले. मुंडे म्हणाल्या, केंद्र सरकारच्या माध्यमातून भरीव विकासकामे झाली; परंतु लोकसभेच्या निवडणुकीत विरोधकांकडून 'फेक नॅरेटिव्ह' तयार केले गेले. त्याचेच मी आणि डॉ. सुजय विखे आम्ही बळी ठरलो. सुजय विखे यांनी मतदारसंघात हजारो कोटी रुपयांचा विकासनिधी आणला; परंतु 'फेक नॅरेटिव्ह'ने एका चांगल्या कर्तृत्ववान नेतृत्वाला घरी बसविले.आमदार नसूनही विकासकामे केली... शिवाजी कर्डिले म्हणाले, आमदार, मंत्री असतानाही मागील पाच वर्षात त्यांना विकासकामे करता आली नाहीत. आता महायुती सरकारने निधी देताना भेदभाव केल्याचा आरोप निष्क्रियता झाकण्यासाठी विरोधक करत आहेत. मी आमदार नसतानाही पाच वर्षे मतदारसंघातील जनतेच्या संपर्कात राहिलो.२३ नोव्हेंबरलाच बोलू... माजी खासदार डॉ. सुजय विखे- पाटील म्हणाले, उगाच एखाद्या व्यक्तीवर बोलून त्याचे महत्त्व वाढविण्याची गरज नाही. आपल्या कामाच्या माध्यमातून जिल्ह्यातील सर्व महायुतीचे उमेदवार निवडून येतील. त्यामुळे २३ नोव्हेंबरला कामातूनच बोलू.

Maharashtra Assembly Election 2024 - News

महाराष्ट्र :“३५ वर्षे काँग्रेसचे काम केले, नाना पटोलेंनी अन्याय केला”; कुणी केली टीका?

गडचिरोली :आठ उमेदवार कोट्यवधींचे धनी, 'दक्षिण'मध्ये सर्वाधिक श्रीमंती

नामांकनातून माहिती समोर : गडचिरोलीत एकही नाही कोट्यधीश ...

मुंबई :शिवसेनेतल्या बंडाबाबत आदित्य ठाकरेंचा गौप्यस्फोट; म्हणाले, "अयोध्येवरुनच त्यांचा प्लॅन होता की..."

आदित्य ठाकरे यांनी मुख्यमंत्री एकनाथ शिंदे यांच्या बंडाबाबत एका मुलाखतीमध्ये मोठा खुलासा केला आहे. ...

नांदेड :बहिणीचे भावाला तर पुतण्यांचे काकांना आव्हान; कुटुंबातील उमेदवारांमुळे 'सगे सोयरे' गोंधळात

महाराष्ट्र :ठाकरे गटानं पक्षातून हकालपट्टी केली; माजी आमदारानं शिंदेंच्या शिवसेनेची वाट धरली

भिवंडी पूर्व येथे ठाकरे गटाला खिंडार, माजी आमदारासह अनेक कार्यकर्त्यांचा शिंदेंच्या शिवसेनेत प्रवेश ...

महाराष्ट्र :भाजपाच्या प्रो-ओबीसी राजकारणाला तडा की पुस्तकासाठी 'चीप पब्लिसिटी'? चर्चांना उधाण

अहिल्यानगर :भाजप पक्षाचे टेंडर भरणारे कसले निष्ठावान शिवसैनिक? नीलेश लंके

नगर तालुक्यातील महाविकास आघाडीच्या कार्यकर्त्यांचा मेळावा ...

अहिल्यानगर :विकासासाठी महायुतीचे सरकार गरजेचे: पंकजा मुंडे

चिचोंडी येथे शिवाजी कर्डिले यांच्यासाठी प्रचारसभा ...