Maharashtra Vidhan Sabha Election 2024 | Maharashtra Assembly Election 2024 | Assembly Election 2024 Live Updates | Maharashtra Vidhan Sabha, Assembly Election 2024 Result | महाराष्ट्र विधानसभा निवडणूक 2024

रत्नागिरी : निवडणुकीच्या काळात कायदा व सुव्यवस्था अबाधित राखण्यासाठी जिल्ह्यातील सर्व उपविभागीय पोलिस अधिकारी व सर्व पोलिस स्थानकांचे प्रभारी अधिकारी यांना पूर्ण जिल्ह्यात ९ ते २३ नोव्हेंबर २०२४ या कालावधीसाठी अधिकार प्रदान करण्यात आले आहेत. तसे नियमन आदेश महाराष्ट्र पोलिस अधिनियम १९५१चे कलम ३६ अन्वये पोलिस अधीक्षक धनंजय कुलकर्णी यांनी दिले आहेत.दिनांक १५ ऑक्टोबर ते २५ नोव्हेंबर या कालावधीत विधानसभा सार्वत्रिक निवडणुकीची आचारसंहिता लागू करण्यात आली आहे. आचारसंहिता काळात कायदा व सुव्यवस्था अबाधित राखण्याकामी जिल्ह्यातील सर्व उपविभागीय पोलिस अधिकारी व सर्व पोलिस स्थानकांचे प्रभारी अधिकारी यांना महाराष्ट्र पोलिस अधिनियम १९५१चे कलम ३६ अन्वये पोलिस अधीक्षक कुलकर्णी यांनी पूर्ण जिल्ह्यात या आदेशाद्वारे २३ नोव्हेंबर २०२४पर्यंत काही अधिकार दिले आहेत.यामध्ये मिरवणुकीतील किंवा जमावातील लोकांनी कशी वर्तणूक ठेवावी, याविषयी निर्देश देणे, मिरवणुकांचे मार्ग किंवा वेळा विहीत करणे, सर्व मिरवणुकींच्या व जमावांच्या प्रसंगी व उपासनेच्या सर्व जागांच्या आसपास सार्वजनिक जागी गर्दी किंवा अडथळा होऊ न देणे. रस्ते, घाट, धक्के, जत्रा, देवालये आणि इतर सर्व सार्वजनिक स्थळी सुव्यवस्था राखणे, सार्वजनिक जागेत ढोल, ताशे व इतर वाद्ये वाजवण्याबाबत नियम करणे व त्यावर नियंत्रण ठेवणे यांचा समावेश आहे.तसेच कोणत्याही सार्वजनिक ठिकाणी, करमणुकीच्या ठिकाणी ध्वनीक्षेपकांचा (लाऊड स्पिकर) उपयोग करण्याचे नियमन करणे व त्यावर नियंत्रण ठेवणे, सक्षम प्राधिकाऱ्याने या अधिनियमनाची कलमे ३३, ३५, ३८ ते ४१, ४२, ४३ व ४५ अन्वये दिलेल्या कोणत्याही आदेशास अधीन असलेले व त्यास पुष्टी देणारे योग्य ते आदेश देणे, याचाही त्यात समावेश आहे.प्राप्त अधिकारांचा योग्य विनियोग करून आपापल्या पोलिस स्थानकांच्या हद्दीत कायदा व सुव्यवस्था राखावी. कोणताही अनुचित प्रकार घडणार नाही, याची दक्षता घ्यावी, असेही आदेशात म्हटले आहे.

Maharashtra Assembly Election 2024 - News

महाराष्ट्र :“मराठा समाजाला त्रास दिला, आता नक्की पडणार, भाजपाचे...”; मनोज जरांगेंनी थेट आकडाच सांगितला

नाशिक :नाशिक परिक्षेत्रात ३४ कोटींचे दागिने हस्तगत; पोलिस यंत्रणा ‘हाय अलर्ट’वर

विधानसभा निवडणुकीनिमित्त नाशिक ग्रामीण, अहिल्यानगर, धुळे, जळगाव, नंदुरबार या जिल्ह्यांची पोलिस यंत्रणा सतर्क ...

छत्रपती संभाजीनगर :४ हजार कोटींचा भ्रष्टाचार करणाऱ्या अभियंत्याच्या पत्नीला भाजपाची उमेदवारी: नाना पटोले

कोल्हापूर :तिसऱ्या आघाडीचा निर्णय अमान्य; ‘स्वाभिमानी’त फूट, मादनाईकांसह पदाधिकाऱ्यांचा महायुतीला पाठिंबा

चळवळ, आंदोलनाबाबत पूर्ववतच भूमिका ...

महाराष्ट्र :मुस्लिम संघटनेच्या १७ मागण्या मान्य केल्याचे पत्र 'खोटं'; शरद पवार गटाचा खुलासा

अखिल भारतीय उलेमा बोर्डाच्या १७ मागण्या मान्य केल्याचे पत्र खोटे असल्याची शरद पवार गटाची माहिती ...

सिंधुदूर्ग :Vidhan Sabha Election 2024: ईव्हीएमवर नजर ठेवणार ‘जीपीएस’, अनुचित प्रकार टाळता येणार

मतदानयंत्राची वाहतूक करणाऱ्या वाहनांवर बसविणार यंत्रणा ...

वर्धा :प्रचाराचे बॅनर लावले; पण घरमालकाची परवानगी घेतली का?

Vardha : दर्शनी भागावर फलक लावण्यासाठी चढाओढ ...

रत्नागिरी :रत्नागिरी जिल्ह्यातील पोलिसांना विशेष अधिकार, निवडणूक काळासाठी निर्णय