Maharashtra Vidhan Sabha Election 2024 | Maharashtra Assembly Election 2024 | Assembly Election 2024 Live Updates | Maharashtra Vidhan Sabha, Assembly Election 2024 Result | महाराष्ट्र विधानसभा निवडणूक 2024

पिंपरी : विधानसभा निवडणुकीच्या प्रचाराने वेग घेतला असून, ऐन थंडीत राजकीय वातावरण तापले आहे. दोन वेळा भोसरी मतदारसंघाचे आमदार असलेले महेश लांडगे यांच्या विरोधात महाविकास आघाडीने अजित गव्हाणे यांना मैदानात उतरवले आहे. लांडगे हे उपमुख्यमंत्री देवेंद्र फडणवीस यांचे निकटवर्तीय व विश्वासू मानले जातात, तर राष्ट्रवादीचे अध्यक्ष शरद पवार यांनी ऐनवेळी गव्हाणे यांना पक्षात दाखल करून घेत तिकीट दिले. या दोन्ही दिग्गज नेत्यांची प्रतिष्ठा पणाला लागली आहे.मतदारसंघाची पुनर्रचना झाल्यानंतर २००९ मध्ये भोसरीतून विलास लांडे अपक्ष निवडून आले. त्यानंतर २०१४ ला राष्ट्रवादीमधून बंड करत नगरसेवक असलेल्या महेश लांडगे यांनी अपक्ष म्हणून निवडणूक लढवली आणि विजय मिळवला. लांडगे यांनी २०१९ मध्ये विलास लांडे यांच्याविरोधात भाजपकडून निवडणूक लढवत बाजी मारली. आता ते तिसऱ्यांदा निवडणूक लढवत आहेत. त्यांच्या विरोधात माजी आमदार विलास लांडे यांचे शिष्य असलेले महापालिका स्थायी समितीचे माजी अध्यक्ष गव्हाणे रिंगणात आहेत.गेल्या दहा वर्षांत केलेल्या विकासकामांच्या जोरावर लांडगे निवडणुकीला सामोरे जात आहेत, तर गेल्या दहा वर्षांत मतदारसंघात कोणतीही विकासकामे झाली नसल्याचा दावा करत गव्हाणे यांच्याकडून वातावरण तापवले जात आहे. महापालिकेत समाविष्ट गावांत तयार करण्यात आलेले रस्त्यांचे जाळे, कचऱ्यावर प्रक्रियेचा प्रकल्प, जगातील सर्वांत मोठा छत्रपती संभाजी महाराजांचा पुतळा आणि संविधान भवन यांसारख्या विकासकामांचा पाढा भाजपकडून वाचला जात आहे. दिवसाआड होणारा पाणीपुरवठा, नव्याने होणाऱ्या हाउसिंग सोसायट्यांमध्ये सुरू असलेले टँकर, उद्योजकांना होणारा त्रास, वाहतूक कोंडीची समस्या यावरून महाविकास आघाडीकडून भाजपला घेरण्यात येत आहे. दोन्ही बाजूंनी सुरू असलेल्या आरोप-प्रत्यारोपांमुळे निवडणूक रंगतदार वळणावर येऊन ठेपली आहे. या ‘हाय व्होल्टेज’ लढतीमध्ये मतदारराजा कोणाच्या पारड्यात मतांचा जोगवा टाकणार, हे निकालाअंतीच स्पष्ट होईल. मात्र, सध्या महाविकास आघाडी आणि महायुतीमधील या लढतीने भोसरीचे वातावरण तापले आहे.भोसरीचा सामना होणार चुरशीचाएकूण मतदारपुरुष - ३ लाख २४ हजार ६९९महिला - २ लाख ७६ हजार ५२इतर - ९७एकूण - ६ लाख ८४८लोकसभेला काय झाले?भोसरी विधानसभा मतदारसंघ शिरूर लोकसभा मतदारसंघात येतो. लोकसभेला महायुतीचे उमेदवार शिवाजीराव आढळराव-पाटील यांना येथून ९,५७२ मताधिक्य मिळाले. आता महायुतीमध्ये फूट पडून त्यावेळचे राष्ट्रवादीचे शहराध्यक्ष अजित गव्हाणे महाविकास आघाडीचे उमेदवार आहेत. त्यामुळे समीकरणे बदलली आहेत.गावकी-भावकी ठरणार निर्णायकभोसरी मतदारसंघाच्या इतिहासामध्ये स्थानिक नागरिकांची भूमिका महत्त्वाची ठरते. येथील निवडणुका पै-पाहुणे आणि गावातील स्थानिक कोणाच्या पाठीशी राहतात, त्यावर फिरतात. महेश लांडगे आणि अजित गव्हाणे हे दोघेही भोसरीचे स्थानिक उमेदवार असून, दोघांचेही पै-पाहुणे मतदारसंघात आहेत.

Maharashtra Assembly Election 2024 - News

सिंधुदूर्ग :Vidhan Sabha Election 2024: कुडाळमध्ये दोन शिवसेनेतील फाइट, कोणाला करणार टाइट ?

महाराष्ट्र :“मविआची सत्ता आल्यावर कर्जमाफीसह शेतकरी हिताचे निर्णय घेऊ”; नाना पटोलेंनी दिला शब्द

नागपूर :उमेदवारांची कोटीच्या कोटी उड्डाणे... २७ टक्के उमेदवार आहेत कोट्यधीश

सर्वाधिक श्रीमंत उमेदवाराकडे १५४ कोटींची संपत्ती : २२ % उमेदवार लाखाच्या आत ...

महाराष्ट्र :भाजपाच्या संकल्पपत्रातील 'भावांतर योजना' शेतकऱ्यांना भावली; शेतमालाच्या भावाची हमी मिळाली!

महाराष्ट्र :ऐन निवडणुकीत काँग्रेस-भाजपाला धक्का! १० नेत्यांच्या हाती तुतारी; शरद पवार गटात केला प्रवेश

सातारा :सातारा जिल्ह्यात नऊ आमदार, कोणाची विकेट पडणार !; प्रतिष्ठेच्या लढाईमुळे संघर्षात वाढ

फलटणमध्ये मतदारसंघात रामराजे नाईक-निंबाळकर आणि रणजितसिंह नाईक-निंबाळकर यांच्यातच कस लागणार ...

गोंदिया :दिशाभूल करणाऱ्या जाहिराती प्रकाशित करू नयेत

मतदानाच्या एक दिवस आधी होतात प्रकाशित : निवडणूक विभागाचे आदेश ...

पिंपरी -चिंचवड :भोसरीचा चुरशीचा सामना; 'मविआ' अन् महायुतीची प्रतिष्ठा पणाला, लढत रंगतदार होणार

दोन वेळा भोसरीत निवडून आलेले लांडगे हॅट्ट्रिक करणार की आघाडीचे गव्हाणे यंदा मैदान मारणार ...