Gondiya Assembly Election , Gondiya Vidhan Sabha Election Results - Latest Marathi News | Gondiya Assembly Election Result | गोंदिया विधानसभा निवडणूक निकाल , ताज्या मराठी बातम्या | Maharashtra Election Results, Live Updates & Counting

राजकुमार भगत लोकमत न्यूज नेटवर्क सडक अर्जुनी : येथील शहरात अतिक्रमणाच्या समस्येत दिवसेंदिवस वाढ होत आहे. वाढत्या अतिक्रमणामुळे शहरातील विकासकामात अडचण निर्माण होत आहे; पण अतिक्रमणधारकांवर कुठलीच कारवाई केली जात नसल्याने शहरवासीयांनी नगरपंचायतवर रोष व्यक्त केला आहे.सडक अर्जुनी ग्रामपंचायतचे सन २०१५-१६ मध्ये नगरपंचायतमध्ये रूपांतर झाले. त्यामुळे सडक अर्जुनी सारख्या छोट्याशा तालुक्याला नगरपंचायतचा दर्जा प्राप्त झाला. यामुळे विकास होऊन चेहरा मोहरा बदलणार, असे शहरवासीयांना वाटू लागले होते. परंतु प्रत्यक्षात मात्र वेगळेच चित्र आहे. सडक अर्जुनी शहरात अतिक्रमण करणाऱ्यांच्या संख्येत दिवसेंदिवस वाढ होत आहे. शहरातील काही मोक्याच्या व शासकीय जागा व जिल्हा परिषदेवर जागेवर अतिक्रमण केले जात आहे. याचा शहरातील विकास कामांवर परिणाम होत आहे. अतिक्रमणधारकांना नगरपंचायत व प्रशासनाचा कुठलाच धाक राहिलेला नाही. नगरपंचायतने या अतिक्रमणधारकांवर वेळीच कारवाई करण्याची गरज असताना ते याकडे डोळेझाक करीत आहे. परिणामी, अतिक्रमणधारकांची हिंमत दिवसेंदिवस वाढत चालल्याचे चित्र आहे. या प्रकारामुळे शहरवासीयांनी नगरपंचायतवर रोष व्यक्त केला आहे. वेळीच पावले उचलण्याची गरजसडक अर्जुनी हे तालुक्याचे ठिकाण असून, या शहराला नगरपंचायतचा दर्जा मिळाल्याने अनेक शासकीय कार्यालय येथे येणार आहेत. त्यांना जागा उपलब्ध करून द्यायची जवाबदारी नगरपंचायत प्रशासनाची आहे. त्याशिवाय सडक अर्जुनीचा विकास होऊ शकणार नाही, त्याकरिता नगर- पंचायतमध्ये दूरदृष्टी असलेले मुख्याधिकारी, अध्यक्ष व नगरसेवकांची गरज आहे. वेळप्रसंगी वाद-विवाद झाला तरी त्याला सामोरे जाण्याची ठेवावी लागेल. तेव्हाच शहरातील वाढत्या अतिक्रमणाला ब्रेक लागू शकतो.नगरपंचायतचे मोकळ्या जागांकडे दुर्लक्ष शहरात अनेक लेआऊटची निर्मिती झाली. त्या प्रत्येक लेआऊटमध्ये ओपन स्पेस असते. त्या ओपन स्पेसचा उपयोग बगिचा, अंगणवाडी, खेळाचे मैदान, व्यायामशाळा यासाठी करणे गरजेचे आहे. परंतु नगरपंचा- यतचे याकडे पूर्णतः दुर्लक्ष झाले आहे. ओपन स्पेसमधील जागा विकसित करण्यात नगरपंचायत अपयशी ठरली आहे. प्रभाग क्रमांक १७ मध्ये एका लेआऊट मालकाने ओपन स्पेसमधील प्लॉटची विक्री केल्याचा प्रकार पुढे आला होता; पण यानंतरही नगरपंचायतने कसलाच बोध घेतला नाही.

News Gondiya

गोंदिया :टी-४ वाघिणीच्या बछड्याचा संशयास्पद मृत्यू; वाघिणीचा परिवार पाहण्यासाठी पर्यटक देत भेट

तीन दिवसांपूर्वी मृत्यू झाल्याचा अंदाज : गस्तीदरम्यान आढळला मृतदेह ...

गोंदिया :व्याज अन् विलंब आकार माफ होणार; थकबाकीमुक्ती संधीला उरले ६८ दिवस

महावितरणची 'अभय' योजना : कायमस्वरूपी वीजपुरवठा खंडित झालेल्या वीज ग्राहकांना दिलासा ...

गोंदिया :गोंदिया, तिरोडा तालुक्यातील ९१ कृषी केंद्राचे परवाने केले कायमस्वरुर्पी रद्द

भरारी पथकांची कारवाई : अनियमितता आढळल्याचा ठपका ...

गोंदिया :संत गाडगेबाबा ग्रामस्वच्छता अभियानात सिरेगाव ग्रामपंचायत राज्यात प्रथम

२५ वर्षात प्रथमच पहिले स्थान : २३ सप्टेंबरला होणार पुरस्काराचे वितरण ...

गोंदिया :लाचखोर वनरक्षक अडकला एसीबीच्या जाळ्यात; पाच हजार रूपयांची लाच भोवली!

वनमजुराच्या माध्यमातून स्वीकारली रक्कम ...

गोंदिया :कुणाचे तिकीट कापणार, कुणाला मिळणार पुन्हा संधी

चर्चांनी तापले राजकीय वातावरण : विद्यमानांसह इच्छुकांची वाढली धाकधूक ...

गोंदिया :प्रधानमंत्री आवास योजनेच्या प्राधान्यक्रमात सुधारणा करा

अखिल भारतीय सरपंच परिषदेची मागणी : चूक शासनाची, आक्रोश सरपंचांवर ...

गोंदिया :सडक अर्जुनी येथील वाढत्या अतिक्रमणाकडे न.पं.ची डोळेझाक

विकासकामात अडथळा : शहरवासीयांचा नगर पंचायतवर रोष ...