मे महिन्यात मेट्रो-२ अ, मेट्रो-७ धावणार

मेट्रो -२ - दहिसर ते डि.एन. नगरमेट्रो -७ - दहिसर ते अंधेरी१०, २०, ३० आणि ४० रुपयांप्रमाणे तिकिटड्रायव्हरलेस टेक्नोलॉजीवर धावणार मेट्रोमुंबई : मुंबई महानगर प्रदेश विकास प्राधिकरणातर्फे सुरु असलेली मेट्रोची कामे वेगाने होत असून, मेट्रो-२ अ आणि मेट्रो-७ मार्गावरील मेट्रो रेल्वेच्या ट्रायल जानेवारी महिन्यात सुरु होणार आहेत. विशेषत: या दोन्ही मार्गासाठी लागणारे मेट्रो रेल्वे कोच येत्या काही दिवसांत चारकोप डेपोत दाखल होणार असून, जानेवारी महिन्यातील मेट्रो रेल्वेच्या ट्रायलनंतर प्रत्यक्षात मे महिन्यात या दोन्ही मार्गांवरील मेट्रो धावणार आहेत.मुंबई महानगर प्रदेश विकास प्राधिकरणाचे महानगर आयुक्त आर.ए. राजीव यांनी गुरुवारी मेट्रो २-अ आणि मेट्रो-७ च्या कामाबाबत प्रसारमाध्यमांशी संपर्क साधला. यावेळी राजीव यांनी कोरोना काळात आलेल्या अडचणीसह मेट्रो-२ अ आणि मेट्रो-७ च्या कामाचा आढावा घेतला.आर.ए. राजीव यांनी सांगितले की, मेट्रो-२ अ आणि मेट्रो-७ डिसेंबरपर्यंत सुरु करण्याचा विचार होता. मात्र कोरोनासारख्या असंख्य अडचणींचा सामना करावा लागला. आता या मेट्रो-२ अ आणि मेट्रो-७ चे काम वेगाने सुरु आहे. ११ डिसेंबर रोजी मेट्रो कोचचे ३ सेट मुंबईत दाखल होणार आहेत. चारकोपमध्ये हे मेट्रो कोच दाखल होतील. एप्रिलमध्ये १० ट्रेन येतील. ट्रायल सुरु करण्यासाठी काही वेळ लागतो. किमान एक महिना यासाठीच वेळ विचारात घेतला आहे. १४ जानेवारीच्या आसपास आपण मेट्रोच्या ट्रायल सुरु करू. मे महिन्यात या दोन्ही मेट्रो सुरु होतील, असा विश्वास आहे. दहा मेट्रो सुरु करतानाच दोन मेट्रोमध्ये अर्धा तासाचे अंतर असेल. कालांतराने मेट्रोची संख्या वाढवितानाच दोन मेट्रोमधील वेळेचे अंतर कमी करण्यासाठी विचार केला जाईल. सर्व योजना पुर्ण झाल्या आहेत. कोरोनामुळे काही अडचणी आल्या. कामगार कमी झाले. मात्र आम्ही अडचणींवर मात केली. ............................मेट्रो अद्ययावत तंत्रज्ञानाने सज्ज आहे. मेट्रोमध्ये सुरुवातीला आपण ड्रायव्हरची मदत घेणार आहोत. मात्र मेट्रो ही ड्रायव्हरलेस टेक्नॉलॉजी आहे. भविष्यात आपणाला ड्रायव्हरची गरज भासणार नाही.

Maharashtra Assembly Election - News Dahisar

मुंबई :दहिसर येथील वारकरी शिल्पाची तोडफोड केल्याचा वारकरी संप्रदायाने केला निषेध

मुंबई :दहिसरमध्ये साकारणार एनर्जी पार्क आणि माहिती केंद्र; मंत्री आदित्य ठाकरे यांनी दिली मान्यता

अदानी इलेक्ट्रिसिटीच्या सीएसआर उपक्रमांतर्गत या प्रकल्पासाठी अंदाजित १५ कोटींचा संपूर्ण खर्च केला जाणार आहे. ...

मुंबई :दहिसरमध्ये इमारतीचा स्लॅब कोसळला, नागरिकांचे स्थलांतर

मुंबई :दगडी बांधणीची आखीव रेखीव विहीर खुली, 400 वर्षे जुन्या विहिरीचं पूनर्जिवन

मुंबई :दहिसर होणार आता नवे पर्यटन स्थळ

Tourist destination : कांदळवन उद्यान व एनर्जी पार्क ...

मुंबई :मुंबई मेट्रो सुपर फास्ट : मिरा भाईंदर, घोडबंदर व दहिसर एकमेकांना जोडणार

Mumbai Metro Work : पश्चिम उपनगर तसेच मिरा भाईंदर हे भाग विमानतळाशी जोडले जातील ...

मुंबई :मेट्रो दोन अ मार्गिकेवरील स्टेशनच्या कामांना मुहूर्त

दहिसर डी एन नगर मार्गिकेचे काम अंतिम टप्प्यावर ...

मुंबई :मे महिन्यात मेट्रो-२ अ, मेट्रो-७ धावणार

जानेवारीत होणार ट्रायल ...