Gondiya Assembly Election 2019, Gondiya Vidhan Sabha Election Results 2019 - Latest Marathi News | Gondiya Assembly Election Result 2019 | गोंदिया विधानसभा निवडणूक निकाल 2019, ताज्या मराठी बातम्या | Maharashtra Election Results, Live Updates & Counting

गोंदिया : तालुक्यातील बिरसी येथे आंतरराष्ट्रीय दर्जाचे विमानतळ असून, मागील वर्षी १३ मार्चपासून या विमानतळावरून प्रवासी विमान वाहतूक सेवेला प्रारंभ करण्यात आला होता. मात्र, ही सेवा प्रवाशांसाठी केवळ औटघटकेचीच ठरली. केवळ सहा महिन्यांतच ही सेवा बंद झाली. त्यानंतर आता विमानतळावरून प्रवासी विमान वाहतूक सेवेच्या टेकऑफमध्ये कामठा-परसवाडा मार्गाचा खोडा निर्माण झाला आहे. जेव्हापर्यंत हा खोडा दूर होत नाही तेव्हापर्यंत प्रवासी विमान वाहतूक सेवेचे टेकऑफ होणे कठीण असल्याचे संकेत विमानतळ प्राधिकरणाने दिले आहेत.बिरसी येथे आंतरराष्ट्रीय दर्जाचे विमानतळ सन २०१३ मध्ये तत्कालीन विमान वाहतूक मंत्री प्रफुल्ल पटेल यांच्या कार्यकाळात तयार करण्यात आले होते; पण या विमानतळावरून प्रवासी विमान वाहतूक सेवा सुरू करण्यात आली नव्हती. त्यानंतर केंद्र व राज्य शासनाच्या उड्डाण योजनेअंतर्गत या विमानतळावरून प्रवासी वाहतूक सेवेचा प्रारंभ करण्यासाठी खा. सुुनील मेंढे यांनी पाठपुरावा केला. त्याला यश आले. नोएडा येथील फ्लाय बिग या विमान कंपनीने बिरसी विमानतळावरून प्रवासी विमान वाहतूक सेवा सुरू करण्याचे कंत्राट घेत १३ मार्च २०२२ पासून या विमानतळावरून प्रवासी वाहतूक सेवेला प्रारंभ केला.इंदूर- गोंदिया -हैदराबाद या विमानसेवेला प्रारंभ केला. याला प्रवाशांचासुद्धा चांगला प्रतिसाद मिळाला; पण या कंपनीने करार संपण्यापूर्वीच सहा महिन्यांतच सेवा बंद केली. तेव्हापासून या विमानतळावरून पुन्हा प्रवासी विमान वाहतूक सेवा सुरू झाली नाही. बिरसी विमानतळावरून प्रवासी विमान वाहतूक सेवा सुरू करण्यासाठी विमान कंपन्यासुद्धा उत्सुक नसल्याची माहिती आहे. त्यामुळे तूर्तास तरी प्रवासी विमान वाहतूक सेवेचे टेकऑफ कठीणच असल्याची माहिती प्राधिकरणाच्या सूत्रांनी दिली.रनवेच्या रूटमध्ये मार्गाचा खोडाविमानतळाचा परिसर हा शहराबाहेर मोकळ्या जागेवर असावा, शिवाय यात कुठल्याही मार्गाची अथवा गावाची अडचण येऊ नये; तसेच यासाठी विमानतळ प्राधिकरणाची काही नियमावली आहे; मात्र बिरसी विमानतळाकडे जाणाऱ्या मार्गावरूनच कामठा-परसवाडा हा मार्ग गेला आहे. या मार्गामुळे रनवेच्या रूटमध्ये अडचण निर्माण होत आहे. जेव्हापर्यंत ही अडचण दूर होत नाही तेव्हापर्यंत या विमानतळावरून प्रवासी विमान वाहतूक सेवा सुरू करण्याचा प्रश्न कायम राहणार असल्याची माहिती प्राधिकरणाच्या सूत्रांनी दिली.प्राधिकरणालाच नको आहे का सेवा?बिरसी विमानतळावरून प्रवासी विमान वाहतूक सेवा सुरू झाल्यास बिरसी विमानतळ प्राधिकरणाला या ठिकाणी नाईट लँडिंगसह इतर सुविधा उपलब्ध करून द्याव्या लागतील. शिवाय त्यांच्यावरील कामाचा ताण वाढेल. या सर्व गोष्टींमुळेच प्राधिकरणाला प्रवासी विमान वाहतूक सेवा सुरू होऊ नये, असे वाटत असल्याची चर्चा आहे. फ्लाय बिग विमान कंपनीनेसुद्धा बिरसी विमानतळ प्राधिकरणाचे सहकार्य मिळत नसल्याचा आरोप केला होता. त्यामुळे या चर्चेत काहीसे तथ्य असल्याचे बोलले जाते.भविष्यात सुरू होणार होती मुंबई-पुणे सेवाबिरसी विमानतळावरून इंदूर-गोंदिया-हैदराबाद या विमानसेवेला प्रारंभ करण्यात आल्यावर त्याला प्रवाशांचा चांगला प्रतिसाद मिळत होता. त्यामुळे भविष्यात या विमानतळावरून मुंबई, पुणे, संभाजीनगर येथे प्रवासी वाहतूक सेवा सुरू करण्यात येणार होती; पण हेदेखील आता केवळ स्वप्नच ठरले आहे.बिरसी विमानतळावरून तूर्तास तरी प्रवासी विमान वाहतूक सेवा सुरू होण्याची शक्यता कमी आहे. यासाठी अद्याप एकाही विमान कंपनीने तयारी दर्शविली नाही. तर ही सेवा सुरू करण्यात कामठा-परसवाडा या मार्गाचीदेखील रनवेच्या रूटमध्ये अडचण आहे.- शफिक शाह, संचालक, बिरसी विमानतळ प्राधिकरण

Candidate	Party	Votes
Agrawal Gopaldas Shankarlal	Bharatiya Janata Party	75827
Amar Prabhakar Warade	Indian National Congress	8938
Dhurwas Bhaiyalal Bhoyar	Bahujan Samaj Party	4704
Atul Alias Kalkeejagatpatee Halmare	Baliraja Party	232
Chaniram Laxman Meshram	Peasants And Workers Party of India	669
Janardan Mohanji Bankar	Vanchit Bahujan Aaghadi	3810
Purushottam Omprakash Modi	Aam Aadmi Party	872
Arunkumar Premlal Chauhan	Independent	303
Kamlesh Murlidhar Ukey	Independent	5246
Kamalesh Ratiram Bawankule	Independent	190
Gajbhiye Pramod Hiraman	Independent	88
Javed Salam Pathan	Independent	180
Jitesh Radhelal Rane	Independent	884
Pralhad Pendhar Mahant	Independent	245
Bhuneshwar Singh Budhram Singh Bhardwaj	Independent	566
Laxman Pandurang Meshram	Independent	1107
Vinod Agrawal	Independent	102996
Vishnu Babulal Nagrikar	Independent	670

Assembly Constituency Result

News Gondiya

गोंदिया :रानडुकराच्या हल्ल्यात मजूर महिलेचा मृत्यू, अर्जुनी मोरगाव तालुक्यातील घटना

वन्यप्राण्यांच्या हल्ल्याच्या घटनांमध्ये वाढ, नागरिकांत भीतीचे वातावरण ...

गोंदिया :गोंदियात गुराख्याने महिलेवर केला अतिप्रसंग; रामनगर पोलिसात गुन्हा दाखल

आरोपीला अटक करण्यात आली आहे. ...

गोंदिया :लालघाटी ते टाकेझरी जंगलात पोलीस- नक्षल चकमक; २५ मिनीटे चालली फायरिंग

बेवारटोला डॅम जंगल परिसरात नक्षलवादी असल्याची माहिती ...

गोंदिया :गोंदियात एक मृत्यूसह १० कोरोना बाधितांची भर; वर्षभरात प्रथमच एवढ्या रुग्णांची नोंद

नागरिकांनो प्रतिबंधात्मक नियमाचे करा पालन ...

गोंदिया :कोहमारा-मुरदोली मार्गावर चार बछड्यांसह वाघिणीचे दर्शन, प्रवाशाने टिपला मुक्तसंचार

कोहमारा-मुरदोली मार्गावरुन येताना घ्या काळजी, वन विभागाची सूचना ...

गोंदिया :टीप्परच्या धडकेत तीन ठार, दोन जण गंभीर; लग्नावरुन परत येताना भीषण अपघात

मृतकांमध्ये बापलेकांचा समावेश : भागवतटोला येथील घटना : एकाच दुचाकीवर होते ५ जण स्वार ...

गोंदिया :गोंदियात ट्रकच्या धडकेत तीन जण ठार; मृतकांमध्ये वडील व मुलाचा समावेश

गोंदिया :बिरसी विमानतळावरून प्रवासी विमान सेवेचे टेकऑफ तूर्तास कठीण!

कामठा-परसवाडा मार्ग रनवे रूटमध्ये ठरतोय खोडा : सेवा सुरू करण्यास विमान कंपन्या अनुत्सुक ...