मुदतबाह्य जलजीरा सेवन केल्याने ७ विद्यार्थिनींना विषबाधा; दुकानदारावर कारवाईची मागणी

गोरेगाव ( गोंदिया ) : मुदतबाह्य जलजीऱ्याचे सेवन केल्याने तालुक्यातील पाथरी येथील जि.प.प्राथमिक शाळेच्या ७ विद्यार्थिनींना विषबाधा झाल्याची घटना गुरुवारी (दि.२१) दुपारच्या सुमारास घडली. सर्व विद्यार्थिनींना गोरेगाव येथील ग्रामीण रुग्णालयात रुग्णालयात दाखल करण्यात आले. त्यांच्यावर उपचार सुरु असून सातही विद्यार्थिनींची प्रकृती धोक्याबाहेर असल्याचे डॉक्टरांनी सांगितले.विषबाधा झालेल्या विद्यार्थिनींमध्ये अर्चू नागेश कटरे, अंशिका जितेंद्र कडाम, निधी दीपक नागफासे, प्राची केशवराव येळे, स्वाती रोशन मेश्राम, चेतना नंदकुमार सांडीले व त्रिशा होमेंद्र चव्हाण या सात विद्यार्थिनींचा समावेश आहे. प्राप्त माहितीनुसार पाथरी येथील जि.प. प्राथमिक शाळेतील इयत्ता पाचव्या वर्गाच्या विद्यार्थिनी गुरुवारी दुपारी जेवणाच्या सुटीत शाळेजवळील किराणा दुकानातून जलजीरा घेऊन आल्या. यानंतर वर्गात बसून त्याचे सेवन केले. त्यानंतर काही वेळातच या विद्यार्थिंनींचे पोट दुखायला सुरुवात झाली. सातही विद्यार्थिंनींना एकाच वेळी पोटात दुखायला लागल्याचे मुख्याध्यापिका अंजना हरिणखेडे यांच्या लक्षात येताच त्यांनी तातडीने या सर्व विद्यार्थिनींना कुऱ्हाडी येथील प्राथमिक आरोग्य केंद्रात दाखल केले. डॉक्टरांनी या विद्यार्थिनींवर प्राथमिक उपचार करून पुढील उपचारासाठी विद्यार्थिनींना गोरेगाव येथील ग्रामीण रुग्णालयात रेफर केले. सध्या सातही विद्यार्थिनींची प्रकृती स्थिर असून त्यांच्यावर उपचार सुरू आहेत. मुदतबाह्य जलजीऱ्याचे सेवन केल्याने त्यातून विद्यार्थिनींना फूड पॉयझनिंग झाल्याचे ग्रामीण रुग्णालयाच्या डॉक्टरांनी लोकमत प्रतिनिधीला सांगितले. गावकऱ्यांमध्ये संतापाची लाटमुदतबाह्य जलजीरा सेवन केल्याने सात विद्यार्थिंनींना विषबाधा झाल्याचे विद्यार्थिनींच्या पालक व गावकऱ्यांना माहिती होताच त्यांनी रोष व्यक्त केला. तसेच मुदतबाह्य वस्तूंची विक्री करणाऱ्या किराणा दुकानदाराचा परवाना रद्द करुन दुकान बंद करण्याची मागणी लावून धरली. यामुळे गावात काही वेळ तणावाचे वातावरण निर्माण झाले होते.गोरेगाव पोलिसांनी केली तपासाला सुरुवातदुकानदारांवर वेळेवर कारवाई झाली नाही, तर भविष्यात आणखी गंभीर घटना घडू शकते. प्रशासनाने कठोर पावले उचलावी. अशी मागणी गावकऱ्यांनी केली आहे. या गंभीर घटनेची गोरेगाव पोलिसांनी दखल घेतली असून तपास कार्याला सुरुवात केली आहे. "विद्यार्थिनींना अचानक पोटात दुखू लागल्यावर आम्ही वेळ न घालविता तातडीने त्यांना रुग्णालयात दाखल केले. सध्या सर्व विद्यार्थिनी सुरक्षित आहेत. आम्ही या प्रकरणाची माहिती पोलिसांना दिली आहे. विद्यार्थ्याच्या आरोग्याशी खेळ करणाऱ्या दोषींवर कारवाई करण्यात यावी."- अंजना हरिणखेडे, मुख्याध्यापिका जिल्हा परिषद प्राथमिक शाळा पाथरी

Candidate	Party	Votes
Agrawal Gopaldas Shankarlal	Bharatiya Janata Party	75827
Amar Prabhakar Warade	Indian National Congress	8938
Dhurwas Bhaiyalal Bhoyar	Bahujan Samaj Party	4704
Atul Alias Kalkeejagatpatee Halmare	Baliraja Party	232
Chaniram Laxman Meshram	Peasants And Workers Party of India	669
Janardan Mohanji Bankar	Vanchit Bahujan Aaghadi	3810
Purushottam Omprakash Modi	Aam Aadmi Party	872
Arunkumar Premlal Chauhan	Independent	303
Kamlesh Murlidhar Ukey	Independent	5246
Kamalesh Ratiram Bawankule	Independent	190
Gajbhiye Pramod Hiraman	Independent	88
Javed Salam Pathan	Independent	180
Jitesh Radhelal Rane	Independent	884
Pralhad Pendhar Mahant	Independent	245
Bhuneshwar Singh Budhram Singh Bhardwaj	Independent	566
Laxman Pandurang Meshram	Independent	1107
Vinod Agrawal	Independent	102996
Vishnu Babulal Nagrikar	Independent	670

Assembly Constituency Result

Maharashtra Assembly Election 2019 - News Gondiya

गोंदिया :‘पोक्सो’ प्रकरणात आरोपी कुकला २० वर्षे सक्तमजुरी, प्रमुख जिल्हा व सत्र न्यायालयाचा निकाल

११ वर्षीय गतिमंद मुलीवर केला होता अत्याचार ...

गोंदिया :भरधाव ट्रॅव्हल्सची उभ्या ट्रकला धडक सहा प्रवासी गंभीर जखमी

जखमींमध्ये सहा महिन्याच्या चिमुकलीचाही समावेश : नवेगाव-कोहमारा मार्गावरील घटना ...

नागपूर :नागपूर - गोंदिया महामार्गाने ३ तासाचा प्रवास होईल फक्त सव्वा तासात

गोंदिया :गोंदिया जिल्ह्यातील ३२ हजार ८७३ कुटुंबातील दोनपेक्षा जास्त लाडक्या बहिणी ठरतील अपात्र ?

पडताळणीत उघड : त्या ३४६८ लाभार्थ्यांची होणार पडताळणी, मुख्यमंत्री माझी लाडकी बहीण योजना ...

गोंदिया :नवीन कायद्याचे फॉरेन्सिक धोरण कागदावरच ! गोंदियात वाहनांची आणि तज्ञांची गरज

राज्यस्तरावरून होईना धोरणाची अंमलबजावणी : जलद तपासासाठी फॉरेन्सिक वाहनांची गरज ...

गोंदिया :गोंदियात थरार ! महिलेचा खून करून ७ महिन्याच्या बाळाची विक्री : ७ आरोपी जेरबंद

सात आरोपी जेरबंद: कर्ज चुकविण्यासाठी रचला कट ...

गोंदिया :गोंदिया जिल्ह्यातील २५९ धार्मिक स्थळांवरील भोंगे काढले

आस्थापना पदाधिकाऱ्यांचे सहकार्य : बैठकांमधून पोलिस विभागाचे मार्गदर्शन ...

गोंदिया :मुदतबाह्य जलजीरा सेवन केल्याने ७ विद्यार्थिनींना विषबाधा; दुकानदारावर कारवाईची मागणी

गोरेगाव तालुक्यातील पाथरी येथील घटना : विद्यार्थिनींची प्रकृती धोक्याबाहेर ...