Lokmat Money > बिझनेस न्यूज > 'हे' आहेत राकेश झुनझुनवालांचे 3 लकी स्टॉक, फक्त 4 दिवसात कमावले 1369 कोटी रुपये

'हे' आहेत राकेश झुनझुनवालांचे 3 लकी स्टॉक, फक्त 4 दिवसात कमावले 1369 कोटी रुपये

राकेश झुनझुनवाला यांच्या पोर्टफोलिओमध्ये समाविष्ट असलेल्या टाटा समूहाच्या शेअर्सनी या आठवड्यात चांगली कामगिरी केली आहे. या आठवड्यात केवळ 4 दिवसांच्या सत्रात या शेअर्समध्ये 30 टक्क्यांपर्यंत वाढ झाली आहे.

By ऑनलाइन लोकमत | Published: October 17, 2021 03:31 PM2021-10-17T15:31:53+5:302021-10-17T15:32:24+5:30

राकेश झुनझुनवाला यांच्या पोर्टफोलिओमध्ये समाविष्ट असलेल्या टाटा समूहाच्या शेअर्सनी या आठवड्यात चांगली कामगिरी केली आहे. या आठवड्यात केवळ 4 दिवसांच्या सत्रात या शेअर्समध्ये 30 टक्क्यांपर्यंत वाढ झाली आहे.

These are Rakesh Jhunjhunwala's 3 lucky stocks, earned Rs 1369 crore in just 4 days | 'हे' आहेत राकेश झुनझुनवालांचे 3 लकी स्टॉक, फक्त 4 दिवसात कमावले 1369 कोटी रुपये

'हे' आहेत राकेश झुनझुनवालांचे 3 लकी स्टॉक, फक्त 4 दिवसात कमावले 1369 कोटी रुपये

नवी दिल्ली:शेअर बाजारातील दिग्गज आणि बिग बुल म्हणून प्रसिद्ध असलेल्या राकेश झुनझुनवाला(Rakesh Jhunjhunwala) यांच्या लकी स्टॉकने या आठवड्यात जबरदस्त कामगिरी केली आहे. झुनझुनवालांच्या आवडत्या टाटा समूहाच्या शेअरमध्ये या आठवड्यातील फक्त 4 दिवसांमध्ये जोरदार वाढ झाली आहे. तसेच, त्यांच्या पोर्टफोलिओमध्ये सामील असलेल्या इंडियन हॉटेल्स, टाटा मोटर्स आणि टायटन कंपनीच्या शेअर्समध्येही या आठवड्यात 30 टक्के वाढ झाली आहे.

1369 कोटींचा नफा

बाजाराच्या या तेजीच्या टप्प्यात, राकेश झुनझुनवालांनी 3 स्टॉक मध्ये 1369 कोटी कमावले. यामध्ये सर्वाधिक 874 कोटींची कमाई टायटन कंपनीने केली आहे. टायटन कंपनीचा शेअर 9 टक्क्यांनी वधारला, तर टाटा मोटर्स 30 टक्क्यांनी व भारतीय हॉटेल्स 13 टक्क्यांनी वधारले. राकेश झुनझुनवाला यांच्या पोर्टफोलिओमध्ये एकूण 39 शेअर्स आहेत, ज्यांचे एकूण मूल्य 25,635 कोटी रुपये आहे.

भारतीय हॉटेल्स
याया शेअरविषयी बोलायचे झाले तर, भारतीय हॉटेल्सच्या स्टॉकमध्ये या आठवड्याच्या 4 ट्रेडिंग दिवसांमध्ये 13 टक्के वाढ झाली आहे. त्यांचे शेअर 203 रुपयांवरून 4 दिवसात 229 रुपये झाले. म्हणजेच, स्टॉक 26 रुपयांनी वाढला आहे. राकेश झुनझुनवाला यांच्याकडे एकूण 25,010,000 शेअर्स आहेत. या अर्थाने, झुनझुनवालांनी या स्टॉकमधून फक्त 4 दिवसात 65 कोटी कोटी रुपये कमावले.

टाटा मोटर्स

टाटा मोटर्सने 4 व्यावसायिक दिवसांमध्ये चांगली कामगिरी केली आहे. गेल्या आठवड्यात शुक्रवारच्या बंद किंमतीपासून शेअर 30 टक्क्यांनी वाढला आहे. या दरम्यान, शेअर्स 383 रुपयांवरुन 497 रुपये झाले. म्हणजेच प्रति शेअर 114 रुपयांची वाढ झाली आहे. झुनझुनवाला यांच्या पोर्टफोलिओमध्ये या कंपनीचे 37,750,000 शेअर्स आहेत. या अर्थाने, राकेश झुनझुनवाला यांनी या स्टॉकमधून 430 कोटी रुपये कमावले.

टायटन कंपनी

टायटन कंपनीने या आठवड्याच्या 4 ट्रेडिंग दिवसांमध्ये 9 टक्के वाढ केली आहे. या दरम्यान, शेअर्स 2358 रुपयांवरून 2563 रुपये झाले. यात 205 रुपये प्रति शेअर वाढले. टायटन कंपनीचे झुनझुनवालांकडे 42,650,970 शेअर्स आहेत. म्हणजेच झुनझुनवालांनी टायटन कंपनीच्या शेअरमधून 874 कोटी रुपये कमावले.
 

Web Title: These are Rakesh Jhunjhunwala's 3 lucky stocks, earned Rs 1369 crore in just 4 days

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.