NBFC Sangam Finserv Share Price: नॉन बँकिंग फायनान्शियल कंपनी (एनबीएफसी) संगम फिनसर्व्हनं आपल्या भागधारकांना मोठी भेट दिली आहे. कंपनी आपल्या गुंतवणूकदारांना १:४ या प्रमाणात बोनस शेअर्सचं वाटप करत आहे. म्हणजेच कंपनी प्रत्येक १ शेअरमागे ४ बोनस शेअर्स देणारे. कंपनीनं बोनस शेअरची रेकॉर्ड डेट ७ फेब्रुवारी २०२५ निश्चित केली आहे. संगम फिनसर्व्हच्या शेअर्समध्येही चांगली वाढ दिसून येत आहे. गुरुवारी बीएसईवर कंपनीचा शेअर ५ टक्क्यांनी वधारून ३००.५० रुपयांवर पोहोचला. गेल्या पाच दिवसांत कंपनीच्या शेअर्समध्ये १६ टक्क्यांहून अधिक वाढ झाली आहे.
६ महिन्यांत १९४ टक्क्यांची वाढ
गेल्या सहा महिन्यांत संगम फिनसर्व्हच्या शेअरमध्ये १९४ टक्क्यांनी वाढ झाली आहे. ३० जुलै २०२४ रोजी कंपनीचा शेअर १०२.१५ रुपयांवर होता. संगम फिनसर्व्हच्या शेअरनं ३० जानेवारी २०२५ रोजी ३००.५० रुपयांचा उच्चांक गाठला होता. गेल्या तीन महिन्यांत संगम फिनसर्व्हच्या शेअरमध्ये ५४ टक्क्यांची वाढ झालीये. कंपनीचे शेअर्स ५२ आठवड्यांच्या उच्चांकी पातळीवर पोहोचले आहेत. संगम फिनसर्व्हच्या शेअरचा ५२ आठवड्यांतील उच्चांकी स्तर ३०१.३५ रुपये आहे. तर, कंपनीच्या शेअर्सचा ५२ आठवड्यांचा नीचांकी स्तर ७१.५० रुपये आहे.
वर्षभरात ३०० टक्क्यांची वाढ
संगम फिनसर्व्हच्या शेअरमध्ये गेल्या वर्षभरात ३०० टक्क्यांहून अधिक वाढ झालीये. ३० जानेवारी २०२४ रोजी एनबीएफसीचा शेअर ७४.७६ रुपयांवर व्यवहार करत होता. ३० जानेवारी २०२५ रोजी कंपनीचा शेअर ३००.५० रुपयांवर पोहोचला. संगम फिनसर्व्हच्या शेअरमध्ये गेल्या दोन वर्षांत ४३० टक्क्यांहून अधिक वाढ झालीये. गेल्या तीन वर्षांत संगम फिनसर्व्हचे शेअर्स ३९४ टक्क्यांनी वधारलेत. तर ५ वर्षात कंपनीचे शेअर्स ७२३ टक्क्यांनी वधारलेत.
(टीप : यामध्ये केवळ शेअरच्या कामगिरीविषयी माहिती देण्यात आलेली आहे. हा गुंतवणूकीचा सल्ला नाही. कोणत्याही प्रकारची गुंतवणूक करण्यापूर्वी या क्षेत्रातील जाणकार किंवा तज्ज्ञांचा सल्ला घेणं आवश्यक आहे.)