Stock Market Today: शुक्रवारी (२५ जुलै) देशांतर्गत शेअर बाजारांची सुरुवात घसरणीसह झाली. सेन्सेक्स ३५० अंकांनी घसरला. निफ्टी १०० अंकांच्या घसरणीसह २५,००० च्या खाली आला. बँक निफ्टी देखील १२५ अंकांच्या घसरणीसह व्यवहार करत होता. सुरुवातीच्या काळात सेन्सेक्स ११९ अंकांनी घसरून ८२,०६५ वर उघडला. निफ्टी ५२ अंकांनी घसरून २५,०१० वर उघडला. बँक निफ्टी १०४ अंकांनी घसरून ५७,१७० वर उघडला. चलन बाजारात, रुपया १७ पैशांनी घसरुन ८६.५७/डॉलर्सवर उघडला.
ना स्टॅाक ना SIP.., रिटर्नसाठी PPF सर्वांचा बॅास; केवळ १ लाखातून बनेल १ कोटींचा फंड
इंडिया VIX ४.८% वर होता. निफ्टीमध्ये सर्वात मोठी घसरण एनबीएफसी निर्देशांकात दिसून आली. ऑटो, मेटल, प्रायव्हेट बँक, एफएमसीजी सारख्या निर्देशांकांवरही विक्री झाली. सार्वजनिक क्षेत्रातील बँका आणि औषध उद्योगात थोडीशी वाढ झाली. निफ्टीमध्ये बजाज फायनान्स, बजाज फिनसर्व्ह, श्रीराम फायनान्स, नेस्ले, बजाज ऑटो हे सर्वाधिक घसरणीचे शेअर्स होते. त्याच वेळी, एसबीआय लाईफ, डॉ. रेड्डी, अपोलो हॉस्पिटल, आयसीआयसीआय बँक, एसबीआयमध्ये वाढ झाली.
जागतिक बाजारपेठेतून खूप कमकुवत संकेत येत आहेत. गिफ्ट निफ्टीमध्ये १२१ अंकांची घसरण झाली होती आणि तो २५,००० च्या खाली आला. तथापि, अमेरिकन बाजारपेठेत तेजी कायम राहिली. काल नॅस्डॅक आणि एस अँड पी ५०० ने पुन्हा एकदा नवीन विक्रम प्रस्थापित केले, परंतु डाऊ ३०० अंकांनी घसरून दिवसाच्या नीचांकी पातळीवर बंद झाला. कंपन्यांच्या चांगल्या निकालांमुळे डाऊ फ्युचर्स १०० अंकांनी वाढले. निक्केई २०० अंकांनी घसरला.