Stock Market : गेल्या काही दिवसांपासून युद्धाच्या छायेत असलेल्या भारतीय शेअर बाजाराने मंगळवारी जोरदार पुनरागमन केले. अमेरिकेचे राष्ट्राध्यक्ष डोनाल्ड ट्रम्प यांनी 'पुढील ५ दिवस इराणवर हल्ला करणार नाही', असे जाहीर करताच जागतिक बाजारासह भारतीय बाजारातही खरेदीचा उत्साह संचारला. सोमवारी झालेल्या भीषण पडझडीनंतर, आज सेन्सेक्स आणि निफ्टीने सुमारे २ टक्क्यांची भरारी घेत गुंतवणूकदारांचे नुकसान भरून काढले.
बाजाराची आजची कामगिरी
बीएसई सेन्सेक्स : १३७२.०६ अंकांच्या (१.८९%) वाढीसह ७४,०६८.४५ वर बंद झाला.
एनएसई निफ्टी ५० : ३९९.७५ अंकांच्या (१.७८%) तेजीसह २२,९५७.८० वर स्थिरावला.
सोमवारची स्थिती : काल सेन्सेक्स १८३६ अंकांनी, तर निफ्टी ६०१ अंकांनी कोसळला होता. आजच्या रिकव्हरीमुळे बाजाराने पुन्हा एकदा २३,००० चा टप्पा गाठण्याच्या दिशेने पाऊल टाकले आहे.
शेअर्सचा लेखाजोखा: ३० पैकी २९ शेअर्स 'हिरवे'
आजच्या तेजीचे वैशिष्ट्य म्हणजे सेन्सेक्समधील ३० पैकी २९ कंपन्यांचे शेअर्स नफ्यात बंद झाले. केवळ एका शेअरमध्ये घसरण पाहायला मिळाली.
आजचे टॉप गेनर्स (तेजीत असलेले शेअर्स):
इंडिगो : ५.४१% वाढीसह आघाडीवर.
एल अँड टी : ५.३३% तेजी.
इटरनल : ४.९४% नफा.
एशियन पेंट्स : ४.७७% वाढ.
बजाज फायनान्स : ४.६९% तेजी.
इतर दिग्गज शेअर्स : अल्ट्राटेक सिमेंट (४.१५%), टेक महिंद्रा (३.४८%), अदानी पोर्ट्स (३.१६%), कोटक बँक (३.०९%) आणि एचडीएफसी बँक (२.८८%) या शेअर्सनीही बाजाराला बळ दिले.
वाचा - सिलेंडर बुकिंगसाठी आता द्यावी लागणार 'या' प्रश्नांची उत्तरे! पाहा BPCL चे १० नवे नियम
आजचे लूजर्स (घसरण झालेले शेअर्स)
आजच्या अष्टपैलू तेजीमध्ये केवळ काही शेअर्सना विक्रीचा सामना करावा लागला:
पॉवर ग्रिड : १.०३% घसरणीसह सेन्सेक्समधील एकमेव लाल निशाणातील शेअर.
निफ्टी ५० : ५० पैकी ४५ शेअर्स वधारले, तर ५ शेअर्समध्ये घसरण झाली.