Hazoor Multi Projects Shares:शेअर बाजारातीलगुंतवणूक जोखमीच्या अधीन आहे. कधी यात फायदा होतो, तर कदी मोठे नुकसानही सहन करावे लागते. पण, अशा परिस्थितीतही कधीकधी असा शेअर हाती लागतो, जो गुंतवणूकदारांना मालामाल करतो. हजूर मल्टी प्रोजेक्ट्स नावाच्या कंपनीचा शेअरही अशाच बंपर परतावा देणाऱ्या शेअर्सच्या यादीत आहे. या शेअरने दीर्घकाळात गुंतवणूकदारांना जबरदस्त परतावा दिला आहे.
गुंतवणूकदारांना ५ वर्षांत करोडपती बनवले
हजूर मल्टी प्रोजेक्ट्सची शेअरची किंमत २०२० मध्ये फक्त ०.१२ रुपये होती, जी आता बीएसईवर ३९.८६ रुपयांवर आली आहे. अशाप्रकारे, जर एखाद्या गुंतवणूकदाराने पाच वर्षांपूर्वी या शेअरमध्ये १ लाख रुपये गुंतवले असते, तर आज त्याची एकूण रक्कम सुमारे ३.३२ कोटी रुपये झाली असती.
हुजूर मल्टी प्रोजेक्ट्सचे शेअर्स
गुरुवारच्या ट्रेडिंग सत्रात हुजूर मल्टी प्रोजेक्ट्सचे शेअर्स ४०.२२ रुपयांवर उघडले, जे मागील ३९.८३ रुपयांच्या बंद किमतीपेक्षा जास्त आहे. या पेनी स्टॉकने त्याच्या दीर्घकालीन गुंतवणूकदारांना पाच वर्षांत ३३,०७५ टक्क्यांहून अधिक वाढीसह मल्टीबॅगर परतावा दिला आहे. मात्र, अल्पकालीन गुंतवणूकदारांसाठी हा तितकासा फायदेशीर ठरलेला नाही. हुजूर मल्टी प्रोजेक्ट्सच्या शेअर्समध्ये गेल्या एका वर्षात १३ टक्क्यांहून अधिक वाढ झाली आहे. मात्र, गेल्या सहा महिन्यांत त्यात १७ टक्क्यांहून अधिक घटही झाली आहे. या वर्षी हा ५३.४३ रुपयांवरून २५.५९ टक्क्यांहून अधिक घसरून सध्याच्या बाजार किमतीपर्यंत आला आहे.
मार्च तिमाहीत कंपनीची कामगिरी
मार्च तिमाहीत कंपनीच्या निव्वळ नफ्यात ६९ टक्क्यांपर्यंत मोठी घट झाली आहे, जी गेल्या वर्षीच्या याच कालावधीतील ५३.९३ कोटी रुपयांवरून १६.७८ कोटी रुपयांवर आली आहे. आर्थिक वर्ष २०२४-२५ च्या चौथ्या तिमाहीत कंपनीच्या मुख्य रिअल इस्टेट ऑपरेशन्समधून मिळणारा महसूलही ४६ टक्क्यांनी घटून २४९ कोटी रुपयांवर पोहोचला आहे, जो मागील आर्थिक वर्षाच्या याच तिमाहीत ४६४ कोटी रुपयांवरून कमी झाला आहे.
(टीप-शेअर बाजारात गुंतवणूक करण्यापूर्वी आर्थिक तज्ञांचा सल्ला घ्या.)