जरी बँक एफडी जास्त परतावा देत नसल्या तरी, आजही बहुतेक लोक त्यांचे पैसे बँक एफडीमध्ये गुंतवणे पसंत करतात. याचं कारण बँक एफडीमधील पैशांची सुरक्षितता आहे. बँक एफडीमध्ये गुंतवलेले पैसे गमावण्याची भीती नसते. यामुळेच बँक एफडी लोकांमध्ये खूप लोकप्रिय आहेत. देशातील विविध बँका त्यांच्या एफडीवर वेगवेगळ्या व्याजदरानं परतावा देतात.
आज आम्ही तुम्हाला तीन वर्षांच्या एफडीच्या व्याजदरांबद्दल सांगणार आहोत. आज आपण देशातील विविध बँकांच्या ३ वर्षांच्या एफडीच्या व्याजदरांबद्दल जाणून घेऊ. अशा परिस्थितीत, ३ वर्षांच्या एफडीवर सर्वाधिक व्याजदर देणारी कोणती बँक आहे हे जाणून घेण्याचा प्रयत्न करू.
'ही' कंपनी देणार ८ बोनस शेअर्स; २८ ऑगस्ट आहे रेकॉर्ड डेट, शेअर खरेदीसाठी गुंतवणूकदारांच्या उड्या
कोणत्या बँकेत किती रिटर्न?
देशातील खाजगी बँका आयसीआयसीआय बँक आणि अ‍ॅक्सिस बँक त्यांच्या ३ वर्षांच्या एफडीवर ६.६० टक्के परतावा देतात. अशा परिस्थितीत, जर तुम्ही या बँकांमध्ये ३ वर्षांसाठी २ लाख रुपये गुंतवले तर तुम्हाला मॅच्युरिटीवर एकूण २,४३,३९९ रुपये मिळतील. अशा प्रकारे, तुम्हाला ४३,३९९ रुपये नफा होईल.
देशातील सर्वात मोठी खाजगी बँक एचडीएफसी बँकेचा ३ वर्षांच्या एफडी व्याजदर ६.४५ टक्के आहे. अशा परिस्थितीत, जर तुम्ही या बँकेत ३ वर्षांसाठी २ लाख रुपये गुंतवले तर तुम्हाला मॅच्युरिटीवर एकूण २,४२,३२४ रुपये मिळतील. अशा प्रकारे, तुम्हाला ४२,३२४ रुपये नफा मिळेल.
देशातील सर्वात मोठी सरकारी बँक एसबीआयच्या ३ वर्षांच्या एफडीचा व्याजदर ६.३० टक्के आहे. अशा परिस्थितीत, जर तुम्ही या बँकेत ३ वर्षांसाठी २ लाख रुपये गुंतवले तर तुम्हाला मॅच्युरिटीवर एकूण २,४१,२५३ रुपये मिळतील. अशा परिस्थितीत तुम्हाला ४१,२५३ रुपये नफा होईल. पंजाब नॅशनल बँकेच्या ३ वर्षांच्या एफडीचा व्याजदर ६.४० टक्के आहे. अशा परिस्थितीत, जर तुम्ही या बँकेत ३ वर्षांसाठी २ लाख रुपये गुंतवले तर तुम्हाला मॅच्युरिटीवर एकूण २,४१,९६६ रुपये मिळतील. अशा परिस्थितीत, तुम्हाला ४१,९६६ रुपये नफा होईल.