Union Bank Of India Investment Tips: युनियन बँक ऑफ इंडिया ही एक प्रमुख सरकारी बँक असून ती आपल्या ग्राहकांना एफडी योजनांवर उत्तम परतावा देत आहे. या बँकेत किमान ७ दिवसांपासून ते कमाल १० वर्षांच्या कालावधीसाठी एफडी खातं उघडता येतं. युनियन बँक ऑफ इंडियामध्ये वेगवेगळ्या कालावधीच्या एफडी योजनांवर २.७५% ते ७.३५% पर्यंत व्याज मिळत आहे. आज आपण जाणून घेऊया की, ४०० दिवसांच्या एफडी योजनेत २ लाख रुपये जमा केल्यास किती व्याज मिळेल.
४०० दिवसांच्या एफडीवर किती व्याज मिळतं?
युनियन बँक ऑफ इंडिया आपल्या ग्राहकांना ४४४ दिवसांच्या विशेष एफडी योजनेवर सर्वाधिक व्याज देत आहे. बँकेनं नुकतीच ४४४ दिवसांच्या कालावधीची नवीन एफडी योजना लाँच केली आहे. या योजनेत सामान्य नागरिकांना ६.६०%, ज्येष्ठ नागरिकांना (६० वर्षांवरील) ७.१०% आणि अति ज्येष्ठ नागरिकांना (८० वर्षांवरील) सर्वाधिक ७.३५% व्याज दिलं जात आहे.
१ एप्रिलपासून बदलणार कामाचे नियम; कोट्यवधी कर्मचाऱ्यांच्या सॅलरी ते ओव्हरटाईमवर होणार परिणाम
याव्यतिरिक्त, युनियन बँक ऑफ इंडिया ४०० दिवसांच्या एफडीवर सामान्य नागरिकांना ६.४०%, ज्येष्ठ नागरिकांना ६.९०% आणि अति ज्येष्ठ नागरिकांना ७.१५% व्याज देत आहे.
₹२ लाख जमा केल्यास किती मिळेल परतावा?
जर तुम्ही युनियन बँक ऑफ इंडियाच्या ४०० दिवसांच्या एफडी योजनेत २ लाख रुपये जमा केले, तर मॅच्युरिटीनंतर मिळणारी रक्कम खालीलप्रमाणे असेल:
- सामान्य नागरिक: २ लाख रुपयांच्या गुंतवणुकीवर १४,४१२ रुपये निश्चित व्याजासह एकूण २,१४,४१२ रुपये मिळतील.
- ज्येष्ठ नागरिक: २ लाख रुपयांच्या गुंतवणुकीवर १५,५७१ रुपये निश्चित व्याजासह एकूण २,१५,५७१ रुपये मिळतील.
- अति ज्येष्ठ नागरिक: २ लाख रुपयांच्या गुंतवणुकीवर १६,१५२ रुपये निश्चित व्याजासह एकूण २,१६,१५२ रुपये मिळतील.