Gold Silver Price 2 June: आज सराफा बाजारात सोनं आणि चांदीच्या दरात पुन्हा एकदा मोठा बदल दिसून येत आहे. आज २४ कॅरेट सोन्याच्या दरात प्रति १० ग्रॅम ८३७ रुपयांची वाढ झाली, तर चांदीच्या दरात प्रति किलो फक्त ६६ रुपयांची घसरण झाली आहे. आज २४ कॅरेट सोनं जीएसटीशिवाय ९६१९२ रुपयांवर उघडलं. दरम्यान, चांदीचा दर ९७३९२ रुपयांवर आला आहे. आज ३% जीएसटीसह, सोनं ९९०७७ रुपये प्रति १० ग्रॅम आणि चांदी १००३१३ रुपये प्रति किलोनं विकलं जात आहे.
सोने आणि चांदीचे स्पॉट दर इंडिया बुलियन अँड ज्वेलर्स असोसिएशननं (IBJA) जाहीर केले आहेत. यावर GST चा समावेश नाही. तुमच्या शहरात १००० ते २००० रुपयांचा फरक असण्याची शक्यता आहे. IBJA दिवसातून दोनदा दर जाहीर करते. एकदा दुपारी १२ वाजता आणि दुसऱ्यांदा संध्याकाळी ५ वाजता दर जाहीर केले जातात.
Whatsapp युजर्सना एसबीआयचा इशारा, याकडे लक्ष दिलं नाही तर होईल मोठं नुकसान
काय आहे आजचा दर?
आयबीजेएच्या दरांनुसार, आज २३ कॅरेट सोन्याचा दर ८३४ रुपयांनी वाढला आणि तो ९५,८०७ रुपये प्रति १० ग्रॅमवर गेला. त्याच वेळी, २२ कॅरेट सोन्याची सरासरी स्पॉट किंमत दुपारी८८११२ रुपये प्रति १० ग्रॅमवर उघडली. यामध्ये ७६७ रुपयांची वाढ झाली. १८ कॅरेट सोन्याची किंमत देखील ६२८ रुपयांनी वाढली आणि ती ७२,१४४ रुपये प्रति १० ग्रॅमवर पोहोचली. तर, १४ कॅरेट सोन्याची किंमत ४८९ रुपयांनी वाढून ५५,२७२ रुपयांवर पोहोचली आहे.
ऑल टाईम हायवरुन २९०८ रुपये स्वस्त
सराफा बाजारात सोनं त्याच्या सर्वकालीन उच्चांकापेक्षा २९०८ रुपये स्वस्त आहे. २२ एप्रिल २०२५ रोजी सोनं ९९,१०० रुपये प्रति १० ग्रॅम या सर्वकालीन उच्चांकावर होतं. या वर्षी सोने सुमारे २०४५२ रुपयांनी आणि चांदी ११३७५ रुपयांनी महाग झाली आहे. ३१ डिसेंबर २४ रोजी सोनं ७६०४५ रुपये प्रति १० ग्रॅम आणि चांदी ८५,६८० रुपये प्रति किलोग्रॅमवर उघडली. या दिवशी सोनं ७५,७४० रुपयांवर बंद झालं. चांदी देखील ८६,०१७ रुपये प्रति किलोग्रॅमवर बंद झाली.